01/06/2009, 01h24
|
 |
Moderator
رقم العضوية:249452
|
|
تاريخ التسجيل: June 2008
الجنسية: مصرى
الإقامة: مصر
العمر: 75
المشاركات: 625
|
|
|
|
رد: معزوفات على الكمان للأستاذ عادل صموئيل
الأخت العزيزة عفاف سليمان
اشكرك من كل قلبى على كلماتك الجميلة
انا اسعدتنى الصورة الشخصية الجديدة بتاعة فايزة واللى بتتكون من مجموعة من الصور المختلفة وأشكرك على ذوقك الجميل فى اختيار او تكوين الصورة دى , لأنها اول ما شفتها من اسبوعين عملت عندى انطباع جميل
يعنى انا يمكن اكون الشخص الوحيد فى المنتدى اللى من ضمن الفنانين اللى تعايشت معاهم الفنانة الكبيرة فابزة احمد وعزفت معاها على مدى عشرين سنة وصورتك الجديدة دى بالتكوينات اللى جواها رجعت لى الذكريات الجميلة عن فايزة احمد لنى شفتها فى الحفلات وهى لابسة فساتين السهرة الهادئة وغير المبهرجة وذلك عشان المتفرج ما يتلهيش فى الفستان ويسرح عن الغنا , وشفتها فى البروفات لما كانت بتلبس مثلا تى شرت وبنطلون جينس , وركبت معاها طيارات ورحت كذا دولة , وشفتها فى بيتها وشفتها وهى مريضة وبتاخد الأدوية يعنى تخيلت فايزة فى 200 صورة
الله يرحمك يافايزة ومش ممكن حد حاينساكى ابداً , واقول قولى الماثور : كان كل فنانى الزمن الجميل بيعملوا للذكرى والتاريخ مش عشان المجد الشخصى وتكويم الفلوس , والنهاردة احنا بنشوفهم هم ملو كل الذكرى ويذكرهم التاريخ إلى انتهاء الحياة على الأرض
اشكرك يا اختى عفاف على انك خليتينى استرجع الذكريات الجميلة
التعديل الأخير تم بواسطة : غازي الضبع بتاريخ 01/06/2009 الساعة 05h52
|