نَفْسْ الكَلام عَنْدِنا ... نِقْراه و يِجْمَعْنا
يوصل لإيد عمَّنا ... يبقاله مية مَعْنى
يا حالة بِتْعُمِّنا ... و هواه بيجمعنا
بتعمل ايه قول لَّنا ... نسِّيتنا أوجاعنا
غويناك يابوى كُلِّنا ... إشجِينا سمَّعنا
حروف كلامك غُنَى ... شَنِّفْت أسْمَاعْنا
من لهفة الأشواق ... جايلك و أعدى بحور
حبك بدأ فى بولاق ... عطَّر هوى دمنهور
صابر و أنا المشتاق ... لمَّا يصيبنى الدور
من زمرة العشاق ... و أحظى بطاقة نور
عقلى اللى تايه فاق ... بكلامك المسحور
يا كعبة الأخلاق ... حواليك قلوب بتدور
__________________
دى فضفضة من قلم رغم الألم ... حسَّاس
مهموم بِهَمْ الناس
يمكن تضيئ كلمته ... العقل جوة الراس