[علاء طه ياسين]

قتلت عيونك يا بهية ياسين ... وانا قلبي رامح في ضيا النخلات
قلبي أنا بيدق كالطواحين ... وكضحكة شاردة في السبع سموات

بعتر ضفايرك يا بهية الشوق ... وسط الغيطان والنخل والمواويل
صلي علي قلبي ف كل شروق ... يا ام العيون فيهم سمار النيل

عالي جريد النخل يا خالي ... وبهية لم قدرت علي الأقدار
قاعدة حزينة ف قصرها العالي ... تحفر دموعها ع الخدود أنهار

فايتة المراكب والهوي راحل ... وانا بأحاول أرتبط بيها
وبهية بنت بجد تستاهل ... أموت عشانها وتحت رجليها