[سمعجى]

المشاركة الأصلية كتبت بواسطة abuzahda

قوللي هوَّ الوِرْد إيه ؟

وَنا ادُوم عليه قبل الكتابة

قوللي فين نفسي تلاقيه ؟

لو بنـَجم ٍ أو سحابة

عمّي ، انا قرّبت ادوب

فوق طريقك في الكتابة

م الهوى وجداً و شوق

إمتى افوق ، منها ، الصبابة ؟

قوللي هُوَّ الشِعر إيه ،، إن ما كانش ابو زِهدة فِيه

الكلام صِلصال في إيدُه ،، و العَلامْ أبو زِهدة سِيدُه
عَــمِّنا و دايمــاً نِـــريدُه ،، و الفنون مِنـُّه وْ إلِيـــــه

قوللي هُوَّ الشِعر إيه ،، إن ما كانش ابو زِهـدة فِيه

في المِحَنْ عارِف صحَابُه ،، و الجَمال عِنوان كِتابُه
إوعَى تِـمْـنـَعنا يا بَــابُـه ،، عن مِثـولنا بين إيـــديــه

قوللي هُــوَّ الشِعر إيه ،، إن ما كانش ابو زِهدة فِيه

يا المِباعِـد في السَّبـيــل ،، عن هَـــرَم و زحَــام و نيل
تِندَهَك" شمس الأصيل "،، و النخيل قال : غِبت ليه !

قوللي هُــوَّ الشِـعر إيه ،، إن ما كانش ابو زِهدة فِيه

يالحَبيــب رغم البـِعاد ،، يا أمَــل و طريق و زاد
لـَمَّـّا تيــجي في المَعَاد ،، نبضِنا بْـيُـرقـُص بَــاليه

قوللي هُوَّ الشِعر إيه ،، إن ما كانش ابو زِهدة فِيه

واحِشني و اللهِ