اقتباس:
المشاركة الأصلية كتبت بواسطة عصفور طاير
يا عم سيد صدقني أنا مش قدك.. أنا باحاول أكح بس معاكم..
عموما يا سيدي خد دول برضه على قد ما قسم.. مساء الخير 
يا عم سيد قوم نطير
لاخر حدود الكون نسير
عيشْة العصافير في السما
مافيهاش لا كنج ولا أمير
**
عصفور انا بجناح صغير
لكني في الأحلام كبير
باتمنى أكتب ملحمة
لحبيبتي ولريشها الحرير
**
يا عم سيد ايه المصير؟
مع دنيا ينقصها الضمير
لا ف عدل ولا بالمحكمة
يتهان بشر وتسود حمير
**
طير ياللا وانا ويّاك حاطير
على أرض حق ونور وخير
أصل العصافير مغرمة
بالشعر والغُنا والشعير
|
إيه يا عم جمال ده ؟!!!!
ده انت كنت هتوَقع السقف من الكحة ! و عامل ردَّك على اتنين ليه ؟ من قِلـِّة الفناجين ؟!
قلت لك بلاش قـّصْ الرَّد ، هوَّ القص ده بتاع الكحة
* * *
يا راجل انت ، يا شاعِر انت ، يااااا طاير انت !
إيه اللي انت بتقوله ده؟! هُمَّ بيطعموا "تواضع" في دمنهور ؟
يا راجل انت جـِبتلها قوافي منين دي؟ ده انا قلت انا حرقت آخر طورة راءات و ميمات ...
* * *
عمّي كمال قالـّي كلام حلو عنك كتير -هاتفياً- و قالـِّي حاجة فرحتني خالص ، إنك بتحبني
هُمَّ كانوا بيطعموا الأطفال إيه ؟ في دمنهور ؟
* * *
و غلاوة كيم عند جيم ، كفاية كحة من دي ، أحسن تِئلِب بصداع ، و يقع السقف
__________________
أستغفِرُ الله العظيم وهو التوّاب الرحيم