[عادل صموئيل]

المشاركة الأصلية كتبت بواسطة احمد سنايم

صديقى العزيز استاذ عادل صموئيل من خلال تعاملى مع انكور بحس وكأنك معايا فعلا بفتكرك كل ما افتح البرنامج استاذى العزيز لو انا عايز اكتب السدسية بدل ما اكتب
(3) فى التريولية اكتب (6) اعملها اذاى ربنا يخليك لنا ولكل حبايبك والف الف شكر

عزيزى احمد
اشكرك على كلماتك الجميلة
مع الأسف مفيش فى انكور غير الثلثية يعنى لايوجد سدسية
وافتح لك سكة تحاول تتحايل عليه
اولا لو فتحت فى شرحى فى مهارات متقدمة فى الإنكور من ص 6 حتلاقى اعداد ال tool bar حتلاقى علامة اسمها
auto space دى لو وضعتها فى التول بار وضغطت عليها مرتين يعنى مرة تشوفها نشطة ومرة عشان تتلغى دى ميزتها انها بتلغى معاك العداد بتاع الموازير يعنى ممكن تكتب فى المازورة اى عدد من العلامات والميزان مالوش دعوة ,
بعدين اكتب اللى نفسك فيه وظلل الست نغمات بتوعك وحط عليهم رباط لحنى واكتب عليهم رقم 6 , طبعا البرنامج مش حا يغنيهم صح لكن ممكن فى القراءة تنفع حاول وجرب