[abuzahda]

المشاركة الأصلية كتبت بواسطة unicorn

مالوش حل و الله العظيم
و انت تلاقيك يا عم سيد قلت: الجدع دة ماله ؟؟
عايز منى ايه ؟؟؟
كل جملة ممكن يكون لها عشر معانى.
و هو سابك تسبح فى بحر المعانى لكل جملة , و تقرأ المداخلة ديشيليون مرة عشان تعرف رد سؤالك ,
الجدع دة عايز منى ايه ؟؟؟ و يقصد ايه ؟؟؟

الدكتور أنس (ربنا ما يحرمنا منه) كان كلمني عن
"الأسطورة الأدبية" كمال عبد الرحمن
بيني و بينك ، على أد ما فرحت ان الدنيا لسة فيها "أساطير حيّة" على أد ما كنت خايف لا يرجع "ينضف" المنتدى من "البلاوي" اللي زروطت بيها القسم بتاعه ، فلما رجع بالسلامة ، و اصطفاني انا دونـَن عن الكل ، قلت أكيد الدكتور أنس ، وصاه عليا (ما انت عارف أبونا و حنيّة قلبه) . قلت لنفسي ، و لا يهمك يا عرب ... وراك ضهر تنسند عليه . و بعدين مشي الحال زي ما انت شايف يا عم محمد .
***
إنت بتنسى بسرعة ليه يا جدع انت ؟؟؟
مش ده كلامك ؟

و حتى يتم التعارف كما ينبغى
اسمحوا لى ان تطول هامتى بتعريفكم
الاستاذ كمال عبد الرحمن يا استاذ سيد أحد أكابر الشعر و الادب

و أستاذ الشعرالحديث الذى لم يسعدنى الحظ أن أرى مثيل له فى سماعى

فضلا عن ابداعاته الرائعة و الغير عادية فى الشعر الفصيح و الزجل و قامته العالية فيهما
له اهتمامات قريبة جدا من اهتمامات حضرتك فى موضوعات و افكار الاشعار
أديب و قاص بارع , وصاحب مدرسة اللا ملل فى السرد
و له عينة من بحر قدراته فى الكتابة اسمها يوم عادى جدا
و أستاذ مدرسة تعلم بحور و أوزان الشعر فى المنتدى و مشرف الصالون الادبى فى سماعى
من دمنهور و يعمل فى أحد الجهات الحكومية
و مثله مثل معظم أهل دمنهور (و من غير نق و لا أر ) تاجر شاطر جدا
و مثله مثل معظم الشعراء له خفة ظل يستغلها جيدا فى الشعر و الكتابة
على المستوى الاجتماعى و كما أخبر عن نفسه فعلا صاحب صاحبه ,
مثال للرجولة و حسن الخلق و فروسية و شهامة ولاد البلد
الاديب و الشاعر م/ سيد ابو زهدة يا استاذ كمال
حدوتة شعرية و أدبية كبيرة جدا
حرفية عالية جدا فى الزجل و الشعر العامّى و قدرة عالية فى الشعر الفصيح أرانى منها نقطة فى بحر كادت تطيش بعقلى
شاعر من النوعية التى تعجبك يا استاذ كمال
موضوعاته و أفكاره تركب نفس الموجة التى تركبها
مهتم بكل ما يدور بالساحة السياسية و الاجتماعية فى شعره و قصصه
و يصب فيها موهبته الفريدة صبَّا
غزير الانتاج جدا , متين الصنعة جدا
أثرى الصالون الادبى بمجموعة غالية جدا من أعماله الشعرية و القصصية ,
كسب بها حبنا جميعا و اصطادنا بصنارته على حد تعبير حضرتك
له الوان متنوعة من الازجال ما بين رباعيات و مربّعات و قصائد
مقيم فى سكار برو , تورنتو كندا
تاركا أُذَيّنا و بُطَيّنا من قلبه فى روض الفرج بقاهرة المعز , تُمْلى عليه شِعْره
لا يختلف كثيرا عن جدعنة و أخلاق كمال عبد الرحمن
و شهامته و حبه للناس على المستوى الشخصى يشهد لها كل من اقترب منه
ان شاء الله تسعدنا ظروف الاستاذ سيد بلقاء قريب فى القاهرة , فيجتمع الشمل و يزداد أٌنْسنا بكما
و لكم منى كل الحب