[quote=عصفور طاير;291959]
اقتباس:
المشاركة الأصلية كتبت بواسطة abuzahda
وعشان زمان الوصل في دمنهور دي، وفي أجواء ذكرى ميلاد العم بيرم، خد دي يا عم سيد..
بس على قد ما قُسُم..
يعني أنا بس بالعب دور المستفز ليك ولكيمو عشان تجودا علينا بغيثكما الشعري..
خد يا سيدي  :
الأوّلة آه.. والتانِية آه.. والتالِتة الله
**
الأوّلة كيمو، وقلنا الشعر له ناسه
والتانية سيد، بيفرز م الكلام ماسه
والتالتة إحنا، عرفنا الفن واحساسه
**
الأولة كيمو وقلنا الشعر له ناسه، ومقاماته
والتانية سيد، بيفرز م الكلام ماسه، ومعناته
والتالتة إحنا عرفنا الفن واحساسه، وشرباته
**
الأولة كيمو وقلنا الشعر له ناسه ومقاماته، وموهبته
والتانية سيد، بيفرز م الكلام ماسه ومعناته، بتجربته
والتالتة إحنا عرفنا الفن واحساسه وشرباته، ولعيبته
**
الأولة منتدانا بالمعنى يتزيّن.. وبالأعضاء
والتانية فن وأصالة وعلم مش هيّن.. غير الأخلاق
والتالتة غاوي السمَع عاشق وما يبيّن.. بين العشاق
**
الأولة شُعرا تُقال صيّاغ كلام
والتانية دول فنانين أصحاب مقام
والتالتة غذوا القلوب عشق وغرام
**
الأوّلة آه.. والتانِية آه.. والتالِتة الله
|
جمال فتحي و أنتيمو
فتح جرحي وقال: "كيمو"
لقاه قاعد و متسلطن
بينصب فرْحي و يقيمو
***
معلش يا عمي جمال
تصبيرة كدة ، على ما "اشـْغِل الكانافاه" البيرمية ، و ارجعلك
( قال "على قد ما قُسُم.." قال )
__________________
أستغفِرُ الله العظيم وهو التوّاب الرحيم