[quote=عصفور طاير;291959]
اقتباس:
المشاركة الأصلية كتبت بواسطة abuzahda
الأوّلة آه.. والتانِية آه.. والتالِتة الله
**
الأوّلة كيمو، وقلنا الشعر له ناسه
والتانية سيد، بيفرز م الكلام ماسه
والتالتة إحنا، عرفنا الفن واحساسه
**
الأولة كيمو وقلنا الشعر له ناسه، ومقاماته
والتانية سيد، بيفرز م الكلام ماسه، ومعناته
والتالتة إحنا عرفنا الفن واحساسه، وشرباته
**
الأولة كيمو وقلنا الشعر له ناسه ومقاماته، وموهبته
والتانية سيد، بيفرز م الكلام ماسه ومعناته، بتجربته
والتالتة إحنا عرفنا الفن واحساسه وشرباته، ولعيبته
**
الأولة منتدانا بالمعنى يتزيّن.. وبالأعضاء
والتانية فن وأصالة وعلم مش هيّن.. غير الأخلاق
والتالتة غاوي السمَع عاشق وما يبيّن.. بين العشاق
**
الأولة شُعرا تُقال صيّاغ كلام
والتانية دول فنانين أصحاب مقام
والتالتة غذوا القلوب عشق وغرام
**
الأوّلة آه.. والتانِية آه.. والتالِتة الله
|
بعد إذن سمعجينا ,
هاخد الراجل دة بالحضن عشان هذه التلمذة النجيبة لبيرم ,
و النبى يا استاذ جمال ما سمعت حد عرف يفك طلاسم التركيبة الغريبة دى و يجيبها صح غير أحمد فؤاد نجم لما قال الاوله بلدى ,
و انت باسم الله ما شاء الله عينى عليك باردة , سايستها و جبتها صح الصح ,
جميلة و الله يا استاذ جمال 
,
تسلم تفانينك و مبروكة على استاذ كمال و استاذ سيد
__________________
أنا اللى زرعت البيوت و العيدان
ما يمنعش عقلى.. شوية جنان!!
هايرجع لإسمِك رنين الحنان
قتيل المحبة يلبّى النداا