[إيمانيات]

كل الأحبة اتجمعوا يا سلاموني عندك

على فكرة أنا كمان كنت بستمتع مع المطرب صاحب الصوت السهل الممتنع

مع ألحان أبي و بالتحديد عابد المداح و بهية و يسّ و مركب حبيبي

كلهم ليهم ذكريات رائعة على مدار حياتي في أكتشاف أبي كملحن له طابع خاص

كان عن طريق صوت المطرب محمد قنديل من الرجال و صوت سعاد محمد

من النساء الأتنين دول كانوا بيشربوا الإحساس من أبي كملحن بالملعقة

و دايما بحس بكوبليه مداح الأخير كأن أبي و محمد قنديل توحدوا فنيا فأصبحوا

طاقة واحدة و مشاعر متوحدة في الجمال و البراعة مش عارفة هما كانوا نموذج

له طابع خاص سواء فنيا و إنسانيا أسمعوا كده
(العاشق المداح في النهار ما أرتاح و ليله ما له صباح مالتقاش
له براح شال حموله و راح في البلاد سواح)
للمؤلف صلاح أبو سالم
أعتقد الكلام ده كان بيشكل وجدان الملحن و المطرب معا لأنهم
صدقوا و حسوا و تشرّبوا المعنى فخرج اللحن
و التعبير عن اللحن بالشكل المتفرد ده
أنا بأعتبرهم مداحين الفن اللي كان ممتزج بأرواحهم ومخلوط بدمهم
رحم الله كل منهما و أسكنهما فسيح جناته و الأتنين عمرهم ما همهم الشهرة أو
أخذوا حقهم إعلاميا أو فنيا زي غيرهم و لا لأ المواضيع دي كانت ثانوية بالنسبة لهم.

كفاية كده النهاردة و إن شاء الله المرة الجاية ححكي لكم عن ذكريات

أبي مع الراحل محمد قنديل