اقتباس:
أختي الكريمة الفاضلة المتألقة دائماً
 منـــــــال
تعرفي إني عامل عندي ملف على الوورد فيه كل كلمة كتبها الأستاذ كمال عبد الرحمن
إيماناً مني بنفس مبدئك
بأن مثل هذه الكلمات لابد وأن تسجل وأن تحفظ
|
ياسين ، يا بو الفوارس
عِزَّك ، كإنه فارس
راكِب حصان يبَرْجِس
كَايد عِداك و فارس
و العِز يا ضبع بِيتْ
فيه الفُرسان تَبـِيتْ
و الشِعر بيت و بيت
و كمال عالشِعر حارِس
عارف سِر الكمال
زيْ الميزان ، ما مال
وزَّان القـُول ، كمال
و نوّارة المجالِس
*
*
*
معلش يا عم
الأستاذ ياسين ، مش لاقي كلام اقوله
و انا واقع تحت سنادين و مطارق الموضوع العجيب الباهر المبهر ده
من ساعة ما دخلت هنا و انا عامل زي ما يكون حد خدني "ناسا" و قفل عليا كبسولة انعدام الوزن اللي بيرموا فيها الكباتن بتوع الفضاء
*
أنا إيه اللي جابني هنا ؟ أنا فين ؟ أنا مين ؟
هلاقيها منك و لا من سي جمال فتحي و لا الست منال و لا سي يوسف أبو سالم و لا ابو مندور و لا عيون المها .... آهـ يا دماغي ، كمان سي رائد عبد السلام ...، حتى الباشمهندس من باريز سي صالح
*
فين
عمي كمال ؟ يقولّي رأيه في حكاية
"قطرات" دي ... لما
"القطرات" عملت فينا كده ! ، أمال
"الشلالات" هتعمل إيه؟
و النبي يا ست منال ، لو ناوية تكملي لغاية
"شلالات من مداد الشاعر السمعجي" ما تنتظريش مني رد ، علشان لو فِضل فيّا قدرة على الكيبورد هستغلها في كتابة وصيتي "أشرَع" -نسبة إلى الشرع-
أنا عايز
عمي كمال
إنتوا ما درستوش تشريح يا اخواننا ؟ إنتوا مفكرين القلب يتحمل كل ده ؟ ده هو حتة مضغة أد الكومتراية ...
فين
عمي كمال
اللي يشوفه يقوله: سيّد كان نفسه يشوفك قبل ما يرجع لأول صفحة
لو مش مصدقينّي ، تعالوا معايا كده لغاية أول صفحة ، و الجدع فيكوا يوصل هنا
"عاقل"
__________________
أستغفِرُ الله العظيم وهو التوّاب الرحيم