اقتباس:
المشاركة الأصلية كتبت بواسطة سيادة الرئيس
غناء المطرب القدير : فايد محمد فايد
و أظن أن اللحن له بسبب ولهه بمقام الكرد و أسلوب تناوله له
كاتب الكلمات لا أعرفه و لكني أكاد أجزم بل أجزم أنه (( عرضحلجي )) (( دمه سكر )) أمام دار العدل
------------
بيني و بينك قاضي
بيني و بينك قاضي
يحكم لي بيني و بينك
و مهما كان أنا راضي
بالحكم بيني و بينك
بيني و بينك قاضي
السُقم فاض بي و جاني
و انت السبب و الجاني
حا اقول كده للقاضي
سهم العيون الحامي
ما فيش لزوم لمحامي
ليبوح بسر الماضي
و ان عاز دليل و شهود
عنده عينيك السود
ياخد الجواب من عينك
يحكم لي بيني و بينك
بيني و بينك قاضي
بيني و بينك حاجب
حاطلب يشيلوا الحاجب
و ينادي بدري شويه
و ادخل و اقول للنايب
ما نابني منه نايب
رفعت ضده قضيه
عندك يا قاضي قانون
أحكم عليه بقانون
ياخد الجواب من عينك
يحكم لي بيني و بينك
بيني و بينك قاضي
و ادخل و اقول في الجلسه
ما بين خلايق جلسه
إنك سبب تعذيبي
و حيث بإني بحبك
و مبتلي بنار حبك
يلزم عليك تصافيني
من غير دفاع و مدوله
أنا بحنانك أولى
ياخد الجواب من عينك
يحكم لي بيني و بينك
بيني و بينك قاضي
----------
(( رُفِعَ الملف )) |
الله يا 
سي صلاح
يأ آديــــــــــــــــــــم أوي
يا حلــــــو أوي
*
إستنتاجك إن "كاتب الكلام" عرضحالجي ، ناتج عن حِسَّك الحسَّاس يا حسيس
أصل الناس زمااااان كانوا بيكتبوا من روحهم ، من قلبهم ، من حِسّهُم .قبل "اختراع" أزميل "النحت" بتاع الأرزوئية
لكن دلوقت "سوق الحلاوة جَبَر ، و ادلعوا الوِحشين" !
*
إعادة اكتشافك "عمي فايد" خدني شارع الألفي و قعدني "على البِست" في "مسرح المنوعات" فاكره ؟ يا صلاح :
طِلِب (أبو نور) و شفيق جلال (شَفشأ) و "حمص و حلاوة" و "صلاح المسيري" .....
*
و "حديقة الخالدين" و "الثقافة الجماهيرية"
*
منك لله يا جدع انت ، يا جدع انت ، يا جدع
*
سؤال:
هو عمَل إيه و هو بيقول:
" و ان عاز دليل و شهود "
؟
يا صلاح
و حيث بإني بحبك
و مبتلي بنار حبك
يلزم عليك تصافيني
من غير دفاع و مداوله
أنا بحنانك أوْلى
ياخد الجواب من عينك
*
سلامة عينك ، يا عيني
__________________
أستغفِرُ الله العظيم وهو التوّاب الرحيم