[unicorn]

المشاركة الأصلية كتبت بواسطة غازي الضبع

هذه بعض أمثلة لأغاني هابطة في العشرينات ..

- دلعني ع الفرش شوية
- لا حيلة ع العازب لا حيلة عليه .. ياخد المخدة بين ..... ( وانتوا عارفين الباقي )
- يا ديني يامه
- في جيبه ورق الليمون مش راضي يشممني
- يا عربجي شد العربية ، ومراتك .... وحرامية
- علي يا علي يا بتاع الزيت
- النوم كابس عليا ، وانا اعمل إيه في النوم
- عازبة والليل داخل عليا ، يا رب أروح على فين
- حوا حوا .. أنا بردانة
- جوزي اتجوز عليا أربعة ، وانا صبية ومشخلعة
- يا خضرة يا ملوخية
- يا خوفي من أمك لا تدور عليك ( يا حسن يا خولي الجنينة )
- وديني لأمي ، واوهبلك بوسة من فمي
- بعد العشا يحلى الهزار والفرفشة
- شبكها وحبكها بمئتين دبوس ، و.... وأبوس
- الخلاعة والدلاعة مذهبي

** المصدر : مجلة مصر الحديثة مصورة في العشرينات

نسيت يا غازى غنوة قليلة الادب اوى لخالد الذكر سيد درويش فى مسرحية العشرة الطيبة , على قد الليل ما يطول
النص الاصلى يعد جارحا و خادشا للحياء
و لا اظنه كرر مثل هذه الاغنيات بعدها
فى رأيي أن عباقرة الفن حين تكون لهم مثل هذه السقطات , فإنها لا تخرج عن انها تجربة فنية مجنونة , يقيسون بها نبض الشارع و تقبل الجمهور , و سرعان ما يعودون الى طريقهم الذى بدأوه

حد سمع كلام استاذ عادل صامويل فى ضيف اون لاين لمّا اتكلم عن الغنوة اللى فى فيلم دليله , الحلو فى البراندة شاورلى و بصلى , و غنوة يا خارجة من باب الحمام فى لعبة الست
ان الاغانى دى كان مطلوب انها تبقى هابطة , لكن ذلك لم يمنع ان يكون مبذول فيها جهد كبير و فيها ايضا فن كبير.

أمّا أبو الليف الواعظ دة , هل يدخل فى مخ أحدنا ان نيته أثناء كتابة العمل و تلحينه المبتذل و أداؤه المسف ان نيته وعظ الناس فعلا؟؟؟
أم انه أراد ايهامهم بأنه بيقول كلام فى الصميم و له معنى؟؟؟
طبعا لا يقصد الا ايهام الناس بكلام كبير لا يعنى له شيئا , و لا يعنى شيئا لمن يسمع هذا اللحن الا كونه جو يزيد من مفعول الخمر المغشوش و الحشيش المشغول ,
أو أن تكون امّه داعية له و يفرقع العمل و يسمعه هواة الرقص أيضا و يصبح غنوة افراح و ليالى ملاح كالعنب.
الغناء الشعبى يا اخواننا مش كدة خالص
اغانى فاطمة عيد و العزبى و رشدى و محمد طه و الريس متقال مش كدة
الغنا الشعبى الهادف اللى يتسمع متقن جدا و مبذول فيه جهد كبير ايضا و ربما يكون اتلحن كذا مرة و اترمى فى الأدراج فترات طويلة قبل خروجه بشكل مرضى.
فرق كبير بين حمار شادية , وحمار سعد الصغير
حمار شادية غنتله فى مونولوج صغير وسط بحر من أعمال جادة بصوتها الرائع فتقبلناها و احنا مبسوطين ,
أمّا حمار سعد يتقال عليه سكتنا له دخل بحماره
دخل بيوتنا بصوته الوحش و شكله العِكِر و قبلناه و الرقابة سابته , شبه نفسه بسعد زغلول فى كليب و الرقابة عدتها و قالت الحى أبقى من الميت , بعدها عمل كل ما هو تافه و مسف و سكتنا و الرقابة سكتت, فكلل اعماله بغنوة للحمار , أظن دة تدرج طبيعى و منطقى جدا فى الهبوط.