[عطية لزهر]

اغنية : يلي تلوم على الي حب

يا لي تلوم علي الي حب لازم عمرك ما حبيت *** لو تعشق و يخون نحب لو تعذل إذا تكويت
نتمنى تعشق مسرارة و نححارة بعينين الحبارى *** و تطلع في العشرة نكارة *** تعاني مثلي ما عانيت *** تكويلك قلبك بشرارة *** تتليع و تقول احيه
يا لي تلوم علي الي حب لازم عمرك ما حبيت *** لو تعشق و يخون نحب لو تعذل إذا تكويت
نتمنى تذوق الي نعاني و تصبح في محبوبك فاني *** و كيف تقول يا نور عياني تقولك يزيني فديت *** تتلهب همك تنساني و تقاسي كي ما قاسيت
يا لي تلوم علي الي حب لازم عمرك ما حبيت *** لو تعشق و يخون نحب لو تعذل إذا تكويت
يا ريتك تعشق شهلولة الي يراها يوحد للمولى *** قمرة ما فيهاشي لولة تقول لها بالحب فنيت *** تقولك هدرة مش معقولة لو كانك عاشق ما شكيت
يا لي تلوم علي الي حب لازم عمرك ما حبيت *** لو تعشق و يخون نحب لو تعذل إذا تكويت
الي عشق يكمي آهاته و بدموعه يطفي ليعاته *** يضحي على المحبوب حياته ما يقول بكلمة يا ريت *** أما في أزهى أوقاته ما يشقاش كيما شقيت
يا لي تلوم علي الي حب لازم عمرك ما حبيت *** لو تعشق و يخون نحب لو تعذل إذا تكويت