الله عليك يا أستاذ كمال بجد
كأن القصيدة جاهزة فى دماغك من قبل اللامؤاخذة ما تتحدف فى وش اللامؤاخذة بوش
مشاعرك مشتعلة من قبل الحدث يا استاذنا و كانت منتظرة اللى يفجرها لتنطلق ,
نطقت بآلمنا و أوجاعنا , و ما نسيتش تلوم تقصيرنا
و كل بيت يحمل حكمة بليغة و عميقة !!!
و الجيوش ،،،
اللي شاطرة في العروض العسكرية
و اللي شايلة ع الكِتاف البندقية
لـَجل ما تـْأَدِّي التحية
عجبتنى أوى دى ,
تبعنا إحنا دى يا استاذ كمال
و لو ان ما فيش حاجة دلوقتى اسمها عروض عسكرية غير فى ايام تخرج الكليات العسكرية
و دة طبعا بأوامر من امريكا و إسرائيل اللى بتعتبر العرض العسكرى , استعراض قوة و تهديد للأمن القومى الإسرائيلى
و انت عارف طبعا , إلا الأمن القومى الإسرائيلى .
و السلاح لتأدية التحية فقط ,
و كأنه مصنوع ليعمل عمل الخشبة او حتى إيد المكنسة ,
و أبطالنا دلوقتى فعلا اسمهم تامر ,
عندك البطل الشهيد تامر حسنى , بطل معركة " الهروب من التجنيد " الشهيرة .
جزمة ، لاكِن ،،،
رمز بيصَحِّي الضمير
نعلها ، أشرف كتير
من منافق أو حقير
باس حِذا الأعداء و باع
أمته ، بالإنصياع
و التلاعُب بالمَصير
هما دول اس الفساد و الذل اللى راكبنا و الله يا عم كمال , هما أصحاب الفخامة و الجلالة و السمو
كل واحد فيهم عايز له فردة شمال تعدل دماغه المايله , أو تفتح قرنه و تريحنا منه.
بارك الله لنا فى نور كلامك يا أستاذنا, و زادك من حسن القول 
__________________
أنا اللى زرعت البيوت و العيدان
ما يمنعش عقلى.. شوية جنان!!
هايرجع لإسمِك رنين الحنان
قتيل المحبة يلبّى النداا