ليه يا زمان كان هوايا
أحمد رامي
محمد القصبجي
من فيلم وداد
**********
لـيه يا زمان كان هوايا * سبب شقاي وهواني
لقيت في حبّه هنايا * والدهر باعني وشـراني
يا هل ترى يا زماني * أرجع واشوف الحبيب
والا تخـــون الأمـاني * واحيا حـياة الغريب
فرّقت بين قلبي وبيني * والفرقة كانت على عيني
لكن رعاني ووفاني * وواسـى قلـبي العليل
ولمّا قاسى الليالي * حبيت أرد الجميل
طير غريب عن حماه * شاف حبيب جاه واساه
سقاه من الود الصافي * حتى رواه
واللي في حبّه يكون وافي * الروح فداه
**********
**********
**********
يا اللي ودادي صفالك
أحمد رامي
محمد القصبجي
من فيلم وداد
**********
يا للى ودادى صفالك * أبات أناجى خيالك
**********
إن كنت أشوف البدر أخوك * يلعب بنوره فى المية
أقول لو العذال حجبوك * يبان خيالك لعينىا
أسهر معاك * وأسمع لغاك
فى همسة الغصن الميال * وف رنة النهر السيَّال
يا ريت أشاهد جمالك * يا للى بناجى خيالك
**********
وإن كان نسيم الليل سارى * عاطر بأنفاس الياسمين
يفضل يشاغل أفكارى * وألقى هواه أشواق وحنين
أسبح معاك * وأشتاق لقاك
وقت السحر والليل أوهام * ساعة القمر والنور أحلام
وأبات أناجى خيالك * يا إللى ودادى صفالك
**********
**********
**********
يا بهجة العيد السعيد
أحمد رامي
محمد القصبجي
من فيلم وداد
**********
يا بهجة العيد السعيد * لما ابتسم زهره النادي
يا طلعة اليوم الجديد * يا فرحة الطير الشادي
**********
يوم التهاني بين الأحبه * يوم الفرح والأماني
تحلى في قربه كاس المحبه * على رنين الأغاني
**********
يا نديم الروح صفا وقت الخيال * والنسيم ساري عليل
غنِّ لحن الشوق وهنِّ بالوصال * كل من كان له خليل
**********
**********
**********
يا طير يا عايش أسير
أحمد رامي
محمد القصبجي
من فيلم وداد
**********
يا طير يا عايش أسير * غريب عن الأوطان
وحيد ومالك سـمير * يبادلك الألــحان
**********
تبات تغني وقلـبك * باكي وروحك حزين
فين الأليف اللي حبك * تشكي له طول الأنين
**********
يا ريت الوقت يصفالك * وساعة القرب تهنى لك
**********
وتتغني على الأغصان * وتســمع حسن ترديدك
وتتهنى طليق فرحان * ويبقى الوصل يوم عيدك
**********