منتدى سماعي للطرب العربي الأصيل - عرض مشاركة واحدة

**unicorn** · #2 09/12/2008, 02h18

و الله سلامونى لسة قايللى المعلومة دى من كام يوم يا أستاذ صلاح و استغربت منها جدا !!!
بأة الليلة عيد كانت عشان الملك ؟؟!!
و احنا مرتين فى السنة بنغنيله و احنا مش حاسّين ؟؟؟
و أنشودة الفن الرائعة لعبد الوهاب , برضه عشان الملك ؟؟!!
سبحان الله
طيب مال الفن بالملك يعنى بالذمة و الدين ؟؟؟
ايه علاقته بيه و النبى ؟؟؟..., و لا هو مسح جوخ و خلاص
يعنى الفنان يجتهد و يبدع عشان يطلع عمل غاية فى الجمال ,
يستخسره فى الناس الغلابة و يهديه للملك ؟؟؟
طيب اهو راح لحاله , و احنا اللى فضلنا
يقوموا و لاد ال .. حلال يقيّفوه على مقاس ودان الغلابة
زى البدلة الاسموكن لما تتقيف و تبقى جلابية كدة
و( المقص طبعا فاشل ), بدل ترزى افرنجى معتبر عطوه لخياط جلاليب على ما تُفرج.
و يتمسح اسم الملك من الغنوة , زى كل فرعون ما كان بيمسح اسم اللى قبله من على جدران المعابد.
شكلها وراثة فينا و لا فى حاجة فى النيل بتخللينا نعمل كدة
عاش الملك ..... مات الملك