قولوا لمصر تغنى معايا فى عيد تحريرها
كلمات احمد شفيق كامل
ترتيب الفنانين
محمد عبد الوهاب * شادية * محمد عبد المطلب *
فايدة كامل * عبد الغنى السيد * محمد عبد الوهاب *
قولو لمصر تغني معانا
ولوا لمصر تغني معايا في عيد تحريرها
تم النصر وصبحت حرة بايد احرارها
وبعزة ابطالها تحيا ويحيا رجالها قولوا قولوا
عبد العزيز محمود وشادية :
كان اليوم ده امل من امتى بنتمناه
حلم وعشنا سنين على نوره بنستناه
صبح الحلم حقيقة وعلم ولا محتل دخيل ولا ظلم
وبعزة ابطالها تحيا ويحيا رجالها قولوا قولوا
سعد عبد الوهاب وفايدة كامل :
من باندونج صارحنا الدنيا بصوت جبار
مش للغرب ومش للشرق لكن احرار
جهادنا جهاد عرب وحياد من مراكش الى بغداد
وبعزة ابطالها تحيا ويحيا رجالها قولوا قولوا
محمد عبد المطلب :
قولوا لعرابي اخدنا بتارك م اللي خانوك
خرج الغاصب اللي شرانا من اللي باعوك
واللي باقي لنا نخلص تارنا في فلسطين وديار عروبتنا
وبعزة ابطالها تحيا ويحيا رجالها قولوا قولوا
عبد الغني السيد:
الاستعمار اللي احنا قاسينا منه سنين
وباعوانه اتحكم فينا دنيا ودين
زالوا وزال واتبدل الحال. واتحررنا بايد احرار
وبعزة ابطالها تحيا ويحيا رجالها قولوا قولوا
محمد عبد الوهاب :
ياللي بنيت الهرم الرابع وبنيت جيل
هرمك نهضة وجيش ومصانع تحمي النيل
رمز كفاحنا سر نجاحنا نفدي وراك مصر بارواحنا
وبعزة ابطالها تحيا ويحيا رجالها قولوا قولوا
المجموعة :
قولوا لمصر تغني معايا في عيد تحريرها
تم النصر وصبحت حرة بايد احرارها
وبعزة ابطالها تحيا ويحيا رجالها قولوا قولوا
النص الأصلي والكامل لحفلة
قولوا لمصر تغني معايا
التي شارك في غنائها كل من:
محمد عبد الوهاب ـ عبد العزيز محمود ـ شادية
ـ سعد عبد الوهاب ـ فايده كامل ـ محمد عبد المطلب ـ عبد الغني
السيد .
النسخة الموجودة بالمنتدى ينقصها المطربان عبد العزيزمحمود و سعد عبد الوهاب
El Kabbaj
[IMG]
[/IMG]