[انتوكارى]

الاستاذ بشير عياد

فى الحقيقة انا مندهش من رفضك لاغاني احمد فؤاد نجم و الشيخ امام فى انها تقع تحت عنوان الموضوع
و عن نفسى لما قريت المقدمة ، اول ما خطر على بالى هو اغنيات هذا الثنائى

و اذا افترضنا جدلا انك صاحب تسمية اغانى الظل رغم ان المعنى ده شائع و يقال عن كل فن من المصنف ـ تابو او ممنوع لسبب او اخر و مش حكر على سيادتك

اذا افترضنا هذا فما علاقة طرح الاستاذ سمعجى بتصورات حضرتك الخاصة ؟؟

واضح ان الاستاذ سمعجى رد على مداخلتك ليدفع عن نفسه اتهامك بأن مداخلته خارج الموضوع بينما هى فى صميم الموضوع و واضحة وضوح الشمس


و رغم دعوته لحضرتك انك تقرا العنوان مرة تانية و تقرا مقدمة الاستاذ مختار حيدر لكن حضرتك صممت على كلامك
بل و زدت عليه ـ لانها مش انتاج رسمى ـ !!


اولا الاستاذ مختار حيدر لم يذكر كلمة رسمى دي
ثانيا يعنى ايه انتاج رسمى ؟؟ يعنى عليها ختم وزارة الاعلام او رياسة الجمهورية مثلا ؟؟ سؤالى جاد فعلا


و بتقول لم تسجل فى استوديو او حفلات عامة رسمية برضه !!
يعنى لو اتغنت فى الهواء الطلق او في تجمع طلابى او على سطح سكن فؤاد نجم فى حوش آدم ـ مش فى العباسية زى ما بتقول ، و اتسجلت و وصلت كل بيوت مصر و غيرها من الدول العربية
و حفظها الناس و تغنوا بها ، تبقى كدا برة موضوع اسمه :
ألحان منعت او اجلت فى زمانها ؟؟


يا استاذ بشير فعلا حضرتك اللى خرجت عن الموضوع بكلامك عن جرايد نشرت لك و حفلة تكريم تخصك و برنامج بيتذاع لسيادتك فى قناة ـ على حد علمى القائمين عليها يتسولون ضيوفها
لملء فراغ زمنى ـ و بيهرب منها مثقفين مصر لضآلة عدد مشاهديها و انصراف الناس عنها


كلام سيادتك ـ مع احترامى الشديد ـ كان عن سيادتك و دا مش عيب و ممكن نستفيد منه طبعا ، لكنه لا يدخل تحت العنوان المطروح


مع كل الشكر و التقدير لموضوع الاستاذ الكبير مختار حيدر
الذي يلتف حوله كل اعضاء المنتدى