[ثومه]

جددت حبك ليه
للشاعر احمد رامي-تلحين رياض السنباطى
جددت حبك ليه بعد الفؤاد ما ارتاح
حرام عليك خليك غافل عن اللي راح
ده الهجر وانت قريب منى كان فيه امل لوصالك يوم
لكن بعادك ده عني خلي الفؤاد منك محروم
يا هل ترى قلبك مشتاق يحس لوعت قلبي عليك
ويشعل النار والاشواق اللي طفتها انت باديك
ده انا لو نسيت اللي كان وهان علي الهوى
اقدر اجيب العمر منين وارجع العهد الماضي
ايام ما كنا احنا الاثنين انت ظالمنى وانا راضي
صعبان علي اقول لك كان والحب زى ما كان واكتر
وافكر بليالي زمان واوصف فى جنتها واصور
انت النعيم والهنا انت العذاب والضنى
والعمر ايه غير دول ؟
ان فات علي حبنا سنه وراها سنه
حبك شباب على طول
انت اللي فات بنعيمه وراح وفات لي طيفه في خيالي
اسهر معاه الليل سواح عايش علي العهد الخالي
انت اللي فات بضناه وشقاه وساب لي ناره في ضلوعى
ان مر علي الخاطر ذكراه تنزل من الوجد دموعي
ياللي قضيت العمر معاك ارضي جفاك واتنمى رضاك
انت النعيم والهنا وانت العذاب والضني
والعمر ايه غير دول ؟
ان فات علي حبنا سنه وراها سنه
حبك شباب علي طول
ياللي هواك في الفؤاد عايش في ظل الوداد
انت الخيال والروح انت سمير الامل
بيجي الزمان ويروح وانت حبيب الامل
وازاى اقول لك كنا زمان والماضى كان في الغيب بكره
ولما اكون وياك هايم في بحر هواك
ما اعرفش ايه فات من عمرى ان كان
رضا ولا حرمان
وافضل وبس انت في فكرى ياللي بحبك زى زمان .