الى محمود التلميذ بالمعتقل
خلعوا التلامذه المريله
وبلدنا صبحت مهزله
يا بلدنا نيلك خيره قل
والارض ما عادتشى بتطرح
غير عيدان الذل
وبدال ماتفتح لتلامذه حضنها
فتحت ببان ... المعتقل
وأدى المحاضر ف الدفاتر
جاهزه مستنيا اسم المتهم
وبأسم أمن الدوله أمنك يا بلد
هتلاقى ديما عندنا
كازيون بيعرض
كل اصناف التهم
متفصلا على انها
تنفع لهم
يادوب مقاس المريله
يا بلدنا ايه المسأله
خلصوا التعالب فى المدان
ما فاضلش غير المدرسه