مستحيل أرضى .. بعدوّ يهـدم وطـــــن
مستحيل أرضى .. أسكت وقت المحــن
مستحيل أقبــــــل .. إرهــاب و دمـــــار
مستحيل اسكــت .. لما البـراءة تتسجـن
***
طــول عمر الحضــــارة بتتبني بالكفـاح
و اسأل قناة السويس كام واحد فيها راح
و اســأل سينــة الحبيبــة عن دم الشهــدا
و بلاش تقول لي ايه هــاخده م الكـلام دا
الأرض مش بترجــع إلا بدم ولادهـــــــا
لمـا تكون الإديـن ممدودة لإدين جارتهــا
و ازاي كده بس نقدر اننا نمحـي الظــلام
و كـل شمعــة منــوَّرة بيطفيهـا الخصـــام
**
كلمتـــي للأمـــــة ديا ، و لكــل شعبهـــــــا
القــــوة فيكــــم انتــم ، بتقــــوِّي بعضهـــــا
يا رب اجمع قلوبنـا ، و اجمع عقولنا كمان
و لا يفـرِق بينـَّـا حـاجـز و لا بُعد المكـــان
**
مستحيـل أرضى .. أشـــوفنـا متفـرَّقيــــن
مستحيـل أنسى .. عمر و صــلاح الديــن
مستحيل أقبـــــل .. ظلـــــم الظــــالميــــن
الخيـــر فيكي يا أمــة .. لحد يـــوم الديــن
و بيكم كلكم ،،،
مفيش مستحيل
**