02/11/2008, 04h05
|
|
ضيف سماعي
رقم العضوية:297271
|
|
تاريخ التسجيل: September 2008
الجنسية: مصرية
الإقامة: مصر
المشاركات: 1
|
|
|
|
رد: الشبخ امام
لقد اشتركت خصيصا فى هذا المنتدى المتميز من أجل الشيخ إمام .. أمتلك مجموعه كبيره جدا من أغانيه بجوده ممتازة .. قمت برفعهم على فور شيرد وسأضع الروابط هنا تباعا مع الكلمات .. بعض الأغانى أملك منها عده نسخ وسأضعها هنا كلها لان الشيخ إمام كما نعرف يؤدى الاغنيه بأداء مختلف كل مرة مع العلم أنى سأجعل أول نسخه هى الأنقى صوتا
حلاويلا
حلاويلا 3
حلاويلا يا حلاويلا .. يا خسارة يا حول الله
الثوري النوري الكلمنجي .. هلاب الدين الشفطنجى
قاعد في الصف الاكلنجي .. شكلاطة وكاراميلا
يتمركس بعض الايام .. يتمسلم بعض الايام
ويصاحب كل الحكام .. وبستاشر ملة!
يا حلولو لو شفتو زمان .. مهموم بقضايا الانسان
بيتكتك لتقول بركان .. ولا بوتجاز و لا حلة!
ايش حالك يا قريب اليوم .. وايش جاب التفاح للدوم
وايش جاب الأوضه ببدروم .. للعربية وفيلا
جرانين و منابر و إدارة .. ومعلق طبلة وزمارة
يسلك أهو بيزمر .. يعطل يجيبولو المنافيلا
واترستق هلاب الدين .. بقى عاقل جداً و رزين
ويا عينى علينا يا مجانين .. عشنا ومتنا بعلة
اصحى يا مصر
اصحى يا مصر 2
اصحى يا مصر
هزى هلالك هاتى النصر
كونى يا مصر وعيشي يا مصر
مدي اديكى وطولى العصر
*******
اصحى يا عامل مصر يا مجدع
وافهم دورك ف الوردية
مهما بتتعب مهما بتصنع
تعبك رايح للحراميه!
جهدك عملك
رزق عيالك
عرقك مرقك
ولا يهنالك
اصحى يا عامل غير حالك
صون المصنع واصنع مصر
******
اصحى يا زارع مصر الخضره
قدره وخضره ونور وجمال
ابدر غيطك واحمى البدره
ضد الآفه والاستغلال
ارضك عرضك
باب الدار
صبحوا مداسه للسمسار
نعطش ولانشربش عكار
وصفه قالوها الحكما يامصر
******
اصحى يا جندى
يا تار الشهدا
عمى وخالك
أختى وأخوك
لجل ما تهدا وتارك يهدا
فرغ نارك ف اللى خانوك
يابن الشعب يا حامي الشعب
انت أملنا فى يوم الصعب
اصحى يا جندى ودق الكعب
حرر مصر وطهر مصر
يعيش أهل بلدى
يعيش أهل بلدى 2
يعيش أهل بلدي
وبينهم ما فيش
تعارف
يخلي التحالف يعيش
تعيش كل طايفه
من التانيه خايفه
وتنزل ستاير بداير وشيش
لكن فى الموالد
يا شعبي يا خالد
بنتلم صُحبه
ونهتف .. يعيش
يعيش أهل بلدي
******
يعيش المثقف على مقهى ريش
يعيش يعيش يعيش
محفلط مزفلط كتير كلام
عديم الممارسه
عدو الزحام
بكام كلمة فاضيه
وكام اصطلاح
يفبرك حلول المشاكل قوام
يعيش المثقف
يعيش يعيش يعيش
يعيش أهل بلدي
*******
يعيش التنابله
فى حي الزمالك
وحى الزمالك
مسالك مسالك
تحاول تفكر تهوب هنالك
تودر حياتك
بلاش المهالك
لذلك إذا عزت توصف حياتهم
تقول الحياة عندنا
مش كذلك
وممكن تشوفهم فى وسط المدينه
اذا مر جنبك
أتومبيل سفينه
قفاهم عجينه
كروشهم سمينه
جلودهم بتضوي
دماغهم تخينه
سنانهم مبارد تفوت فى الجليد
ما فيش سخن بارد
بياكلوا الحديد
ما دام نهر وارد
وجاي م الصعيد
تزيد الموارد
كروشهم تزيد
وتسمع وتسلم
بأن التنابله
أو الأكالين
حيسمح كبيرهم
ويعمل مقابله
مع الفلاحين
ويحصل تحالف
ما بين الجميع
ونملا المصارف
بدم القطيع
أطيع الخليفه
أطيع والديك
أطيع التنابله
دا مفروض عليك
وتزرع وتبعت لحي الزمالك
وحي الزمالك
مسالك مسالك
تحاول تفكر تهوب هنالك
تودر حياتك بلاش المهالك
لذلك
إذا حد جاب لك سيرتهم
تبسمل تكبر
وتهتف كذلك
يعيش التنابله
يعيش يعيش يعيش
يعيش أهل بلدي
*******
يعيش الغلابه
فى طي النجوع
نهارهم سحابه
وليلهم دموع
سواعد هزيله
لكن فيها حيله
تبدر تخضر جفاف الربوع
مكن شغل كايرو
ما يتعبش دايره
لا ياكل
ولا حتى يقدر يجوع
يا غلبان بلدنا
يا فلاح يا صانع
يا شحم السواقي
يا فحم المصانع
يا منتج يا مبهج
يا آخر حلاوه
يا هادي يا راضي
يا عاقل يا قانع
ما تتعبش عقلك
فى شغل السياسه
وشوف انت شغلك
بهمه وحماسه
وعود عيالك فضيله الرضا
لأن إحنا طبعا عبيد القضا
ورزقك ورزقي ورزق الكلاب
دا موضوع مؤجل ليوم الحساب
كمان الصحافه حتكتب فى حالتك
وتنشر مناظر لخالك وخالتك
وتتطلع يا مسعد عليك الغناوي
وتسمع باسمك
فى قلب القهاوي
تحبك مشيره وبنات الجزيره
وقصه غرامك
تشيع فى الرداوي
يعيش عم مسعد
يعيش يعيش يعيش
يعيش أهل بلدي
|