يحكـي أن وكان ياما كـان
كان فيه شاعر وأسمه سيد
كان بحقيقـــي وفعـلا سيـد
يرمي كلامه في قلبي اعيد
قول واطربنا يا أجمل سيد
يحكــي أن وكان ياما كـان
كان فيه شاعر شاغله وهمه
وطنــه بيحيـا جوه في دمه
أهله وعيلته وأبوه وأمــــه
كل حروف الشعــر الجيــد
قول واطربنا يا أجمل سيد
إيه يا عم عمرو ؟!
إنت حد واصفلك تعذبني؟ ده القلب قد الكمتراية ما يستحملش كده .
ولعيونك ياغالي ، أهديك تاج ماكتبت ، وهي رباعية أحسبها أيقونة ديواني القادم (جاهز للطبع) وهو عبارة عن 138 رباعية بعنوان " زي ما قالوا ..." وهو محاولة استراق سمع لكل ما تقوله الأشياء في هذا العالم.
ويشجعني على نشرها ، أنها نشرت مع خمسٍ أخر من نفس الديوان ، بمؤخرة ديوان رباعيات التعب ضمن مقتطفات من ديوانين تحت الطبع.
خد يا سيدي
لما استقام الألف حبت تكون ال " لام"
زيُّه تمام ، أكدت بعض المعاني بـ " لام"
باديه ف نهايته ال"هاء"، له كل خافي بدا
أزلي بلا مبتدا، أبدي ومالُه ختام
.................................................. ................
زي ماقال عمنا الشيخ فى وصف لفظ الجلاله العظيم