هذه هي كلمات أغنية جددت حبك ليه للشاعر المبدع الأستاذ أحمد رامي
جددت حبك ليه بعد الفؤاد ما إرتاح
حرام عليك خليه غافل عن اللى راح
ده الهجر وانت قريب منى كان فيه أمل لوصالك يوم
لكن بعادك ده عنى خلى الفؤاد منك محروم
ياهل ترى قلبك مشتاق يحس لوعة قلبى عليك
ويشعلل النار والأشواق اللى طفيتها إنت بأيديك
دنا لو نسيت اللى كان وهان على الهوان
أقدر أجيب العمر منين وأرجع العهد الماضي
أيام ماكنا احنا الاتنين أنت ظالمنى وانا راضي
صعبان على أقول لك كان والحب زى ماكان واكتر
وافكرك بليالى زمان واوصف فى جنتها واصور
إنت النعيم والهنا وانت العذاب والضنى
والعمر إيه غير دول
إن فات على حبنا سنه وراها سنة
حبك شباب على طول
إنت اللى فات بنعيمه وراح وفات لى طيفه فى خيالى
أسهر معاه الليل سواح عايش على العهد الخالي
وانت اللى فات بضناه وشقاه وساب لى ناره فى ضلوعي
أن مر ع الخاطر ذاكره تنزل من الوجد دموعى
ياللى قضيت العمر معاك ارضى جفاك واتمنى رضاك
أنت النعيم والهنا وانت العذاب والضني
والعمر ليه غير دول
إن فات على حبنا سن وراها سنة
حبك شباب على طول
ياللى هواك فى الفؤاد عايش فى ظل الوداد
انت الخيال والروح وانت سمير الأمل
ييجى الزمان ويروح وانت حبيب الأجل
وازاى أقول لك كنا زمان والماضى كان فى الغيب بكره
واللى أحنا فيه دلوقت كمان ح يفوت علينا ولا ندرى
ولما أكون وياك هايم فى بحر هواك
مااعرفش إيه فات من عمرى إن كان رضا أو كان كان حرمان
وافضل وبس أنت فى فكرى ياللي بحبك زى زمان
وطبعاً لا يمكن للعبد الفقير إلى الله أن يستطيع أن يتكلم عن مهارة الأستاذ أحمد رامي وبراعته فى الشعر وطريقته في إختيار الألفاظ والصور والخيال وغير ذلك من أمور الشعر
ولكني توقفت كثيراً عند كلمة ( يشعلل ) التي إستخدمها فبالفعل لا توجد كلمة أخرى تعبر عن فكرته وعاطفته سوى هذه الكلمة
وأعتقد أنه لاتوجد كلمة يمكن أن تترك هذا التأثير في قلبي وسمعي سوى هذه الكلمة وتذكرت أيضاً أنه استخدم نفس الكلمة في أغنية هجرتك عندما قال حاولت أهرب من الأفكار اللى تشعلل نار حبي فتركت نفس التأثير الجميل
وهناك بيتين أعتقد أن المغزى منهما كبير جداً ويناقشان موضوع شغل الكثير من الفلاسفة والعلماء وهو موضوع ما هو الزمن بالنسبة لنا أو نسبية الزمن لا أدري كيف أعبر عنه بالضبط وهما
وإزاي أقولك كنا زمان والماضي كان في الغيب بكره
واللي إحنا فيه دلوقتي كمان حيفوت علينا ولا ندرى
أعتقد أنه من الواجب أن نضيف للشاعر أحمد رامي لقباً جديداً ( أينشتين الشعر العربي )