ممكن أقلب راسك شوية
لفظ مسافة الثلاث أرباع ( نحن نقوله مجازا ) يعني إيه الكلام ده ؟ أقول لحضرتك
القواعد وضعت بالنسبة للآلات الغير ثابته ( فرد ليس ) يعني ملهاش دساتين ( كمان - عود - ربابه ) و ما شابهها يعني كلامي لا ينطبق على البيانو و ما شابهه من الآلات الثابته ( جيتار - كيبورد )
نرجع لمسافة الثلاث أرباع و حاتكلم عنها بالنسبة المئويه ( 0.75 )
تختلف المسافة دي من جنس للتاني و أديك أمثله
في ( نسبة سيكاه ) هناك نوعان من المسافت ( من مي نص بيمول إلى فا ) ممكن تكون ( 0.70 أو 0.80 )
في ( جنس البياتي ) ( من رى إلى مي نص بيمول ) بتكون ( 0.70 ) و ( من مي نص بيمول إلى فا ) بتكون ( 0.80 )
طبعا مش عايز أقلب راسك و حا أدخل في موضوع ( الحجاز )
أصل جنس الحجاز فيه مسافة بالأرباع و بيكون ترتيبها كالآتي :
من رى إلى مي نص بيمول ( 0.60 )
من مي نصف بيمول إلى فا دييز ( 1.40 )
من فا دييز إلى صول ( 0.50 )
و عل ما تقدم تقدر تقول إن لمقام الحجاز سيكا نقول عنها تجاوزا ( مشمومه ) و ما ينفعش تتلعب إلا على الآلات الغير ثابته
ما هى مسافة ( 0.60 ) مشمومه بين مي نصف بيمول و بين مي بيمول
عشان كده بتسمع ديما ( سيكا تركي و سيكا مصري و سيكا عراقي و سيكا سوري )
حتى أن هناك مقام إسمه ( بياتي مصري ) لإختلاف نسبة البعد
و أضيف أن الترتيب الأصلي لمقام الحجاز هو
جنس حجاز ( مشموم ) من درجة الدوكاه
يليه جنس ( راست ) متصل من درجة النوا و بتكون فيه السيكا كامله ( 0.75 )
و يوجد النسخة الأخرى منه ( الأكثر شيوعا و استخداما ) لدخول الآلات الثابته بكثره
جنس حجاز ( مش مشموم ) على درجة الدوكاه
يليه جنس ( نهاوند ) من على درجة النوا
و كل ظني أنك سمعت مقام الحجاز في نسخته القديمه
آسف على الإطاله
__________________
دَعْ عَنكَ تَعنيفي و ذقْ طعمَ الهوَى
فــإذا عَشِـقـتَ فبَـعـدَ ذلــكَ عَـنـِّـفِ