[غواص النغم]

سمعت وردة ... بتقول لوردة
الدنيا حلوة ... اوي النهاردة
*****
الفجر لما ...نده عليا ...
فتحت قلبي ...ومنيت عينيا...
في كل لمحة ...يقرب شوية..
وباس خدودي ... وهز عودي
في نسمة رايحة ... ونسمة جاية
ولقيتني وردة ... وبالجمال ده
والدنيا حلوة ... اوي النهارده
******
لمحت نسمة مروحة ... بتقول لعين نايمة الضحى
ياروحي لو فات الندى ... ولقاكِ صاحية مفتحة
اوقاتي متزوقة ... لما الندى يجيني
وكنت متشوقة ... من كاسه يسقيني
ولما فات الندى ... .. وشم انفاسي
ميِّل ع الخدود بكاس ... ملا كاسي
ولقيتني وردة ... وبالجمال ده
والدنيا حلوة ... اوي النهارده
****
وشفت بلبل... جناحته حِلوة
صبّح عليا... وقال لي غنوة
كلامه احلى كلام ... كله محبة وغرام
قال لي جمالك ... فاق الحدود
يا احلى وردة ... في احلى عود
ولما شوكة جمالي ... طالت وطالت جناحه
فتّحتِ له قلب خالي ... مليته من لون جراحه
ولقيتني وردة ... وبالجمال ده
والدنيا حِلوة .. ..حلوة
اوي النهارد ... . ده

مرسي جميل عزيز
محمود الشريف
أحلام

سمعت وردة

الدنيا حلوة
دي اول واحدة لازم تكون في صفحة احلام
موجودة بالمنتدى الان
حفلة و استديو