[unicorn]

المشاركة الأصلية كتبت بواسطة رائد المصري

أستاذنا الكبير عم سمعجي
أنا رافع صباعي من الصبح ومستني الإذن ...
أولا : أنا بافهم وعارف الحل بس بادكّن
مش برضه اللام القمرية لازم ييجي بعدها أي حرف من جملة ( ابغ حجك وخف عقيمه )
صح يا أستاذ....؟
أصل أنا فاكر القاعدة دي من زمان ..كان قالها لي مدرس صاحب ضمير بس للأسف.. أصيب إصابة بالغة في أحد طوابير العيش أبو شلن ...ثم اعتزل ...وانقطع لتأليف كتاب بعنوان (تصنيف التصنيف ...في الحصول علي الرغيف)...

يا نهار أبيض يا أستاذ رائد
هو الأستاذ أحمد المُحَسَّن بتاع العربى كان بيدرِّسلك برضه , دة كان فعلا أستاذ دقيق جدا فى اللغة و كان يحب يغربل اللغة من الألفاظ الدخيلة
و عمره ما يحب اللت و لا العجن فى الحصة
و تصدّق انه كان ساعات بيدرِّسلنا فرنساوى
و كان لا يعرف خُبز و لا مكر
هو اللى علّمنى لُبابة اللغة العربية
كان لمّا يعاقب يحب يقرَّص الودان
إسألنى أنا , ما هو أنا ملسوع منه كتير
و عمل كتاب تانى كمان اسمه عجائب الأمور بتحصل فى الطابور
الله يرحمه
مات بعد ما استوى من المرض