[سمعجى]

المشاركة الأصلية كتبت بواسطة هانى حازم

السلام عليكم ورحمة الله وبركاته

يا عم سمعجى

ايه المخمخة دى

قلى

المج ده بسلامته كان فيه
ايه

أوعى تقولى نسكافيه

حبيبي و نسيبي المتر هاني ( باعتباري جوز خالتك ستيتة ) ....
إنت فين يا متر ؟! ..

أنا شايف شمسك مستخبية ورا سحابة شتوية ..
فلا تحرمنا من طلعتك البهية ، و روحك العفوية

و صَدَق حدسُك ،، المج كان فيه نيس كافيه ،، مصنوع بالطريقة ( المَخنجية )

و اليك الطريقة :
1- ملعقة صغيرة من السكر ، يضاف اليها 3 ملاعق نيس كافيه ، يضاف إليهم مقدار معلقتي ماء ، ثم ملعقة سادسة ( ما تحطش فيها حاجة ) لتُقـَلِبَ بها هذا المزيج
تقليباً سريعا و مستمراً و مُلِحاً و قوياً و اندافعياً ، في عملية خـَض ٍدؤوبة ( يبقى إنت كدة محتاج 6ملاعق صغيرة من سرفيس خالتك ستيته اللي في الصندوق الخشب اللي مرسوم عليه جَمَل شايل هودَج و يجاورهُ نخلتان ، بينما يبدو في الأفق سربُ حَمام و شمسٌ برتقالية و 3 سحابات )


المحاذير
1- إياك أن تضيف الحليب إلى الخليط مثل الشباب ( الفافي )
2- إياك أن تصنعه بطريقة الكابتشينو ( ما تخافش ، الكابتشينو ما بيعضش زىّ الكابوريا ) بإضافة الحليب أو الكريم المبيض cafe mate

توضيح : (الخض هو عملية خلخلةٍ للسائل برجرجته أو تقليبه يدوياً أو بآلة صغيرة تشبه مضرب البيض ، و لها الصوت التالي : ( فووووووووووووووو )


تحياتي يا حياتي