[M O H A M E D]

يـــا بحــــر قـــوللى ليــه أنا قــلبى بيرتاحلك ؟
بقول لك همومى و اعـود من تـانى و اشتاقلك
يمــكـــن لإنـّـــك بتصـــون الســـــر و حــنيّـن
يــا ريـــت أنـــا كــنت ألقى صديـق يِشبِه لك !


*****

يـــا ريــت بلاش تقـاطعنى .. و سيبنى أتكـلم
هـــات لـــك مـــرايـة و بــص لنفسـك و اتعـلم
هـــتلاقى بُــؤ واحـــد و ودنيــــن يـــــا معـــلم
عشـــان يا حــلـو تـسمــع أكـــتر ممــا تتـــكلم


*****

وقـــعت عمـــارة و اتلم النــــاس من كـل حتة
اللى فى إيـــده جــردل و غيــره اللى نقذ ستة
مشـكـلتك يـا بــلدى فى نــاس باعوا ضميرهم
لــكـن أحـلى مـا فيكي اللّـمة فـ وقت الشدة !!

*****


مطـــرب و لا كـان لـُه أى دعـوة بالــــــطـرب
و مطــــربة مُضــربة عــن المـــلابس و الأدب
مالييــن شـــاشــات هــدفـــها تكســـب من الهوا
و النـاس بتتفـرج و تشكـي مع إنهم هم السـبب !