[أحــمــــــد]

المشاركة الأصلية كتبت بواسطة سيادة الرئيس

عمي الدكتور : يوسف شوقي

إستمتع به على مدار 33.46 دقيقة و هو يحلل بعض أعمال الشريف الآلية و الغنائية
كما أنه يتعرض للأصوات المؤدية للأعمال

رحمة الله على المحلِّل و المحلَّل له

ست الحسن : آلي
تروق و تحلى : غناء : فجر
آه يا سلام ع الهوى : غناء : نادية فهمي
إيه فكّر الحلو بيا : غناء : عبد الغني السيد

المهد المنصان : غناء : أحلام

*شكرا" سيادة الرئيس على تجميع الحلقات بالصورة الجميلة دى هما عندى بس متفرقين (( ست الحسن و تروق وتحلى )) فى حلقة والباقى منفصلين وفى أجزاء ناقصة لتعليق الدكتور يوسف شوقى وكمان عن تعليقه على المهد المنصان و إنها فازت بجائزة فى منظمة الطفل العالمية أو منظمة الطفولة العالمية.

*والحلقات كلها عندى بس الصوت مش ممتاز لكن اللى حضرتك تفضلت بتجميعهم ورفعهم صوتهم أوضح.

*وشكرا" لأغنية تروق وتحلى للمطربة فجر لإن عندى منها نسخة واحدة بس سريعة شوية وكنت بظبتها وبنفس جودة الصوت لإنى نادرا" جدا" لما يكون عندى أغنية صوتها ردىء أو عادى إلا إذا كانت هى كدة من الإذاعة وانا هقارن بين النسختين وأرفع الأفضل. وهنوه كمان عن إسم المؤلف

و ياريت بقا تمتعنا بشوية برامج من دى عن الشريف (( ولا كان لازم يعنى حد يحرك الدفة شوية )) المفروض إن حضرتك قديم فى المنتدى دا انت حتى الريس يعنى عيشنا والنبى يا ريس

وبإذن الله انا هارفع قائمة بأعمال محمود الشريف عشان فى أغانى كتييييييييييير جدا" ليه فى المنتدى هنا يا إما من الحانه ومنسوبة لحد تانى عن طريق الخطأ طبعا" أو مش معروف مين ملحن الأغنية وهتكتشفوا فعلا" أد أيه الراجل ده كان عبقرى بمعنى الكلمة ومحتاج لإعادة تقييم

* اخر حاجة اختم بيها و السلام ختام انا عندى معظم الأغانى اللى مرفوعة هنا من أعمال محمود الشريف لكن صوتها فوق الممتاز (( CD كواليتى )) وكاملة و صوتها مختلف عن اللى فى المنتدى وبإذن الله هارفعهم كلهم ، إلا الأغاني اللى بتتذاع بصوت أصلا" ردىء (( ودول عددهم قليل ))

___
__
_