[د أنس البن]

يا سلام يا ست دعاء يا سلام يا سلملم
الست صلحه المصريه
أول مره أشوف صورتها , ومع أنها واخده لقب المطربه النابغه , لكن للأسف ليس لها عندنا إلا طقطوقه واحده بعنوان ليلة الجمعه وليلة الحد , وحتى هذه الطقطوقه التى رفعتها من سماعى الى مكتبتى منذ عامين تقريبا فتشت عليها فى سلقط فى ملقط كأنها فص ملح وداب , ربنا يسهل ونعثر عليها أو يرفعها احد السميعه العظام او ارفعها وأمرى لله , مع أنى لست صاحبها ولست انا الذى رفعتها ..
المهم يا ست دعاء عايزين باقى صور الرواد الذين لم نراهم قبل اليوم وباذن واحد أحد ما لوش تانى حنشوفهم على إيدك , يا ريت صور الست سمحه المصريه اللى غنت مع عبد الوهاب نوبه على كوبرى قصر النيل , والست بهيه المحلاويه اللى عمنا الباز أتحفنا بتحفه أو بلوه من بلاويها , والست بديعه صادق والحاجه زينب المنصوريه والست أسما الكومساريه والست نظيره الفرنساويه والست سكينه حسن , وغيرهن كثيرات قبل ما ندخل على صنف الرجاله ودول ما تعديش حنقول مين والا مين , سعادتك فتحتى الباب , الله يكون فى عونك ..