ناسيه ودادي وجافياني – 1939
تأليف احمد رامى
تلحين زكريا احمد
ناسـية ودادي وجافيـــــــاني
وبرضه أقول لك واحشاني
صعب علي من صـــــــدك
صبرت ع الهجر ف بعدك
لما افتكرت زمـــــان ودك
حنيت له تاني
والوجد جاني
نطق لساني
ورجعت أقول لك
وحياة عيونك واحشــــــــاني
مين كان يقول تقســـــى علي
بعد اللي شــــــــفته في عنيا
دي العشرة مش هاينة علي
خطر ببــــالي
حالك وحالي
صادفت ليالي
خلتني أقول لك
وحياة عيونك واحشـــــــــاني
يا للي جمالك غاب عنــــــي
كل اللي اشـــــــــوفه يفكرني
نظرت للبــــــــــدر فتـنى
لكن جمالك
أيــام وصالك
وطيف خيالك
خلاني أقول لك
وحياة عيونك واحشـــــــــاني
كان ليــــــــه بعادك وصدودك
وانا حيــــــــــاتي ف وجودك
أهواك والقلب يريــــــــــــدك
مهما تجافي
ودادي صــافي
وقلبـي وافي
والقاه يقول لك
وحياة عيونك واحشـــــــانى