[محمود]

أول كلامي سلام ..

شوف يا حضرة الطائر المغرد على أغصان سماعي

إحنا نعمل اتفاق. من جانبنا مفيش مقصات. وشغل الحلاقين ده حنبطله. بس انت كمان تِركَز كده وتبطل رفرفة هنا وهناك. الفروع هنا كتيرة ومفيش عندنا لا حجز مسبق ولا قائمة انتظار ولا قرعة بالكمبيوتر ولا خطوط تنظيم ولا ارتفاعات. يعني من الصبح تبنيلك عش مطرحين بمنافعهم وتبتدي تشوف حالك وتلقط رزقك لأن شقشقة العصافير وحشتنا من زمان ، طبعا مع اقماع السكر وكبايات ياسين والطربوش والجلابية لصوف ام قطان ومكوجي الرجل والراديو ابو لمض ولمتنا حواليه في الخميس الأول من كل شهر وصوت شهرزاد في رمضان بعد الفطار وترانيم فؤاد حداد وصوت سيد مكاوي ساعة السحور ... يااااااه.

واطلع في نور الأدان ... إذا دعا الوالدان

مع تحياتي

محمود