لا تساؤلات بالنسبه لى يا اخ محمد
جميله قصه الكفاح دى فى سبيل هدف سامى لايحقق منافع ماديه بل يبذل صاحب الفكره من ماله وجهده ويمكن دموعه الكثير
لكن ايه رايك يا ابو حميد فى النجاح اللى بيجيى بعد احباط وفشل وخاصه لما بتكون مصر اصرار قوى على فكرتك وانجاحها والاستقتال فى سبيل النجاح وعدم التراجع عن تحقيق الفكره مهما كانت الامور المحيطه محبطه وتدعو الى الفشل
اظنك استمتعت بالنجاح الذى يتحقق وسط مناخ لايدعو الى الامل بل يدعو الى الياس والاحباط
اظنك تعرف ان النجاح فى وسط هذا المناخ بيكون جميل وحلو وانتصار وطعمه احلى من النجاح فى الظروف العاديه
هل جربت دموع الفشل ثم دموع النجاج يامحمد
كم هو جميل النجاح بعد كفاح وانت ترى فكرتك تتحقق وتلقى كل هذا التقدير ممن يراها او يمارسها او يشعر بها
اكمل ياصديقى محمد فكل يوم يزيد فيه عضوا جديدا فى سماعى هو دليل واعتراف يومى بانكم كنتم على حق وانكم انتصرتم
اكملوا ونحن معكم يدا بيد - وفقكم الله وزادكم نجاحا واعاد غائبيكم وجعلنا الله دعائم لهذا المنتدى الرائع
حكايه صغيره قديمه هااقولهالك عنك
انا لما دخلت منتدى سماعى لاول مره - لاحظت انك صاحب اسم ( سماعى ) وحدث انى شاركت بموضوع مش فاكره دلوقت لكن لاحظت ان الموضوع اتنقل الى مكان دردشه اعضاء المنتدى ولعدم خبرتى بالمنتديات ولم اشارك قبل الان فى اى منتدى قبل ان اشارك فى سماعى - فقد زعلت وغضبت ( انا ) لان الموضوع اتنقل مرتين - قلت لنفسى ايه الناس دى ياعم ومالهم بينقلوا موضوعاتى فى امكان مالهاش لازمه ومين الاخ ده اللى مسمى نفسه سماعى وشعره سايح وشكله متدلع ده - وعمال ينقل فى موضوعاتى - وزعلت وقتها وبمرور الايام عرفتك على حقيقتك وفهمت كل حاجه وادينا دلوقت ولو من ناحيتى انا بعتبرك صديقى وعرفت انك انسانا ممتاز وخلوق والان زدت فى عينى قيمه لما قراته عن قصه خلق منتدى سماعى فلى قصه مشابهه لقصتك تماما
واعرف واحس شعورك وعشته فى لحظات الفشل ثم النجاح واثبات الذات بعد تعب وسهر واحباط وياس ودموع والله دموع ثم الامل ويليه النجاح وتوفيق الله ورعايته
لكم كل التحيه اخى محمد انت وكل اخوانك المؤسسين وكلهم رجال فعلا نلمس اخلاقهم وتفانيهم واخلاقهم النبيله
سلام وتحيه اليكم جميعا وبعدين يااخى كان معاك (حسن وحسان ) وازاى متنجحش ( انت متعرفش ان لما بيكون فيه اى حسن فى اى حاجه بتبقى ناجحه وربنا يكتر حسنات المنتدى) وكمان احمد باشا الديب عصمت باشا النمر ( عاوز وحوش اكتر من دول ) وعمنا مختار ( ابونا كلنا مهما كان سننا ) وكلهم اصدقاء وايضا باقى المشرفين ومن يعملون على الارتقاء والعون واخص منهم د انس البن الرجل الخلوق
ومن نجاح الى نجاح باذن الله - لك وللمنتدى يا اخى محمد
اخوك حسن كشك