عيد ميلاد سماعى
(1)
عيد ميلادك يا سماعي
عيد ميلاد الفن كله
منتدى للأصل داعي
لـَبـِّينـَاه ..
نرتاح فى ضِلـُّه..
كلنا حواليه نقول له
كل عام وانت بتحلىَ
بالأصالة الفن أحلىَ
(2)
عيد ميلادك هو عيدنا
يا سماعي يا مواعِدنا
زيد فى أمجادك و زيدنا
ضُم ايدك ويَّّا ايدنا
نبتدي للحلم رحلة
كل عام و انتَ بتحلى
بالاصالة الفن احلى
(3)
شمعتين نورهم تجَلـَّى
نِجمتين ضَـوْوُّا ف سمانا
كل ثانـية مقامنا يعلا
تـفرح الـدنيا معانا
ألف وردة للي جانا
و اللى نـوَّر منتدانا
و اللى غايب م الحبايب
يصفىَ و يجدد لـُقانا
(4)
منتدانا يا أصـيل
كل شىء مِنـَّك جميل
بالإرادة و المحبة
تمحي كلمة مستحيل
فـَنـَّك الشرقي أسَـرنا
و الطرب سَمَّع فى دارنا
كان لنا فى الليل قمرنا
و ف نهارنا سلسبيل
هِلـُّوا يا أحباب تعالوا
و ف ليالي سماعي لالو
نـَوَّروا لنا الكون بحاله
جيل و بيسَلـِّم لجيل
(5)
نبتدي بعبده الحامولى
نـنتهي بعبد الحـليم
كنز ماس و ياقوت و لولي
لِلـِّي بيصون القديم
بس بيتنا فيه مطارح
لِلـِّي شجرُه عالي طارح
حِس شرقي و ذوق سَليم
يا هنانا بمنتدانا
نِجمتين ضَوْوُا ف سمانا
زوِّدوا نورنا و بهانا
كل عام وانت بتحلىَ
بالاصالة الفن احلىَ
ِِ
__________________
شاء اللي شاء ،، و اللي داء ،، مِـن وَردِة الشـِّفة
نـَـهَـل نـبـيـذ لاِشـْـتِيـاء ،، نهـــرِين ،، و لـَم كـَـفـَّىَ
شـَـهَـقْ شـُعاع خِصرَهَا ،، سَرْسِـب نـَدَى مَصْهـور
وِ فْ كلّ سَـرسوب شُـعاع ،، مَـلايكة مُصْـطـَـفـَّــة
يا تـراب و مخلوط بماء ،، إزاى غـَوِيـت النـُّـــور
يـِفـُــــــــــور علـى سِحــرَها ،، و فِــيها يـِتخـَـفـَّـىَ
كمال