منتدى سماعي للطرب العربي الأصيل - عرض مشاركة واحدة

**cooldoctor** · #3 07/04/2006, 07h41

لحن ياهادي ياهادي أو لحن الفرحة بجواز البنات
من رواية أم 44
مقام جهاركاه
أداء محمد البحر درويش والمجموعة

ياهادي ياهادي يجلي مزاجك يابوزقزوق الليله دي
يابن حارتنا يانوارتنا حتى بناتك جه بخت أجوازهم نادي
دوروا ماتخلوش مزيكه إلا اما تجيبوهالنا تدق لنا
عشرة بولكه النبي ياماريكا دا الحظ الليله يحق لنا
دي المسأله هاصت ابسطها ياباسط
ليلة صباحي وواقعة زلابية بالآلاتية واولاد رابية
أهو بت في بت يزفوهم وانجلي يابوزقزوق يابوهم ياهادي
ياهادي ياهادي يجلي مزاجك يابوزقزوق الليله دي
يابن حارتنا يانوارتنا حتى بناتك جه بخت أجوازهم نادي
الشكل بولاقي لكن خايل باشاوات مين دا أنت باشا وحته
وايش حال بقى لما تتمايل ووراك بدل المحسوب ستة
بكرة الموبيليا تيجي من مارسيليا
ليه لاهو نجار مصر إيده قصيرة ولا صنعته ناقصة تمدن
والنبي لو ترسى على حصيرة ولاحوجة لمارسيليا ولوندن ياهادي
ياهادي ياهادي يجلي مزاجك يابوزقزوق الليله دي
يابن حارتنا يانوارتنا حتى بناتك جه بخت أجوازهم نادي
ده يبقى نهار عال وكويس لما تتهنى بحبيبتك
ونيجي نقول لك عشرة ياريس ياللي ف وجودك وف غيبتك
اسمك مايروحش من بالنا لو راحت روحنا وأموالنا ياهادي
ياهادي ياهادي يجلي مزاجك يابوزقزوق الليله دي
يابن حارتنا يانوارتنا حتى بناتك جه بخت أجوازهم نادي

http://www.sama3y.net/forum/attachme...9&d=1167074887