[حسن كشك]

شكرا للساده الاعضاء
هبه على التشجيع
سمعجى على التحليل البحورى الرائع
توفيق على التصحيح

وبعد

حكايتى مع هذه الاغنية
اول مره استمعت الى بداية الاغنية بصراحه حسيت ان دمها تقيل اوى
وكمان مافهمتش اول كلمه فى الاغنية ( مضناك ) علاوه على كلمه ( مرقده )
حسيت ان عبد الوهاب بيغنى بالهندى او الفارسى الخلاصه ما انسجمتش مع الاغنية
وفضلت على كده مدة طويله لا انتبه للأغنية ولا تشدنى
وفى احد الايام كنت اشاهد التلفزيون واستمعت الى انغام فى مقطع
جحدت عيناك زكى دمى اكذلك خدك يجحده
قد عز شهودى اذ رامتا فاشرت لخدك اشهده
عجبنى جدا وشدنى طريقة اداء انغام للاغنية وانفعالاتها مع كلمات الاغنية ( وخاصة انى كنت واقع فى حب جديد وكانت حبيبتى تشبه انغام الى حد كبير ) وخللى الموضوع ده فى سركم ومتقولوش لحد عليه عشان ام محمد وانا مش ناقص
بحثت عن الاغنية واستمعت اليها من كل المطربين واحسست بكلماتها وخصوصا عشان السبب اللى قلتلكوا فى ودنكم عليه
ويالروعة الكلمات والمعانى وبساطتها ورقتها رغم ما ينتابك من الشعور بغلظة الكلمات فى اول مره تستمع اليها
وفهمت معناها
مضناك جفاه مرقده وبكاه ورحم عوده
لن اشرح معانى الكلمات خشية الخطأ فى تفسير معانيها او انقل ما احس به لما اسمعها يكون يخالف التفسير الصحيح لها
ولكن سانقل واشرح الابيات التى تؤثر فى شخصيا ونفسيا
ولعلمكم اهديت الاغنية لحبيبتى سالفه الذكر واصبحت من عشاقها
بينى فى الحب وبينكا مالايقدر واش يفسده
مابال العاذل يفتح لى باب السلوان واوصده
ويقول تكاد تجن به واقول واوشك اعبده
هذه الابيات كنا نكتبها لبعض فى لحظات توتر الحب او الخصام او لما واحد منا يصالح التانى
او عندما تبعد بيننا المسافات ويخشى اى واحد منا ان يضيع منه الاخر
ولما كان يطول فراقنا لاى اسباب
كنا نبعث لبعض الكلمات الاتيه
ما خنت هواك ولاخطرت سلوى بالقلب تبرده
ومازلنا
عملنا اللى علينا والباقى على الله وعليك يا عم محمد ياباشا ياابو الالاتيه عشان العزومه تكمل
وياريت واحد جهبز فى اللغة العربية يشرحلنا معانيها لان فيها والله حاجات مش فاهمها رغم احساسى الرهيب بها
وعشان اريحه من الشرح الطويل
ارجو شرح معانى الابيات الاتيه
وبكاه ورحم عوده
جحدت عيناك زكى دمى اكذلك خدك يجحده
قد عز شهودى اذ رامتا فاشرت لخدك اشهده
وانا مش فاهم ازاى الشاعر لما وجد ان خد الحبيبة انكر دمه عاد ليطلب من الخد ان يشهدام ان كلمه اكذلك تعنى ان المحب يقول ان عيونك ياحبيبتى انكرت دمى وخدك كمان هاينكر يعنى الكلمه معناها ان الخد مش هاينكر ذى ما نقول كده فى الاستشهاد بالناس ( على طلع كذاب كمان سيد هايكذب اشرحوا يا اخواننا
ثانيا كلمة رامتا ما معناها فى هذا السياق