[سامية]

السلام عليكم ورحمه الله وبركاته

اولا انا باشكرك يا استاذ مختار على دعوتك لنا على أغنية من أفضل أغانيك .. حتى لو قولت اسم المطرب واسم الاغنية برضه كنا هانسمعها تاني وتالت معاك ونشاركك فيها ذكرياتك .. لان أكيد اعجابك بهذه الاغنية ليس من فراغ وده اكبر تشجيع اننا نسمعها تاني بشكل مختلف عما كنا نسمعها به من قبل .. انا نزلت الاغنية من اول يوم رفعتها وسمعتها كتيييييييييير قبل ما ارد عليك واشاركك اختيارك الرائع

وعلى فكرة انا باسمعها دلوقتي وانا باكتب ردي وطبعا مش فاكرة دي المرة رقم كام لان كل ما تخلص باعيدها .. وعندك حق الاغنية غير شائعة وكتير مننا مايعرفش الاغنية دي وكمان المطرب للاسف ما أخدش حقه الكافي وكان له لون مختلف عن غيره .. وله أداء مختلف

كلام الاغنية رائع بالفعل ومعناه عميق .. كمان لحنها مبهج ولا تمل من سماعها
طبعا مقدرش اذكر اسم الاغنية ولا اسم المطرب احتراما لرغبة حضرتك .. منتظرين تصرح لنا وتقولنا كلماتها بنفسك
ومنتظرين تحليل الكلام والالحان
وشكرا على دعوتك الرائعة يا استاذ مختار
مع خالص تحياتي