لحظة ألم

[ALY ELHELALY]

لحظة ألم

كتير في الغربة قابلوني
وسألوني عن الحيره
وسر الحزن في عيوني
ضحكت وقلت مش سيره
ولا حكايه هنحكيها في غربة ليل
مفهش صحاب ولا جيره

كتير في الغربة بتألم
ولا عمري شكيت مره
ولا لحظة بكيت فيها
ولا قلت الكاسات مـُره

داريت الحزن جوايا
وخبيته عن أحبابي
رسمت في وشي ضحكايه
رسمت الفرح فوق بابي
وفي عنيا الدموع باينه
ولو لاحضو بقول فرحة
دموع فرحة
وبمسحها بإيدين خايفة
وأداري شوق عيون سارحه

وأعيش الغربة وأتعلم
وبشرب كل يوم مـ الكاس
وقلبي يقاسي يتألم
يقابل ناس يودع ناس
ساعات بيمل
أو يزهق
ساعات يصرخ
ساعات يحرق
وأعيش لحظة ألم مش يأس
بعيش لحظة ألم
مش يأس

علـ الهلالـ ـي

[ليلى ابو مدين]

لحظة ألم

كتير في الغربة قابلوني
وسألوني عن الحيره
وسر الحزن في عيوني
ضحكت وقلت مش سيره
ولا حكايه هنحكيها في غربة ليل
مفهش صحاب ولا جيره

كتير في الغربة بتألم
ولا عمري شكيت مره
ولا لحظة بكيت فيها
ولا قلت الكاسات مـُره

داريت الحزن جوايا
وخبيته عن أحبابي
رسمت في وشي ضحكايه
رسمت الفرح فوق بابي
وفي عنيا الدموع باينه
ولو لاحضو بقول فرحة
دموع فرحة
وبمسحها بإيدين خايفة
وأداري شوق عيون سارحه

وأعيش الغربة وأتعلم
وبشرب كل يوم مـ الكاس
وقلبي يقاسي يتألم
يقابل ناس يودع ناس
ساعات بيمل
أو يزهق
ساعات يصرخ
ساعات يحرق
وأعيش لحظة ألم مش يأس
بعيش لحظة ألم
مش يأس

علـ الهلالـ ـي



الشاعر الملهم أ. علي الهلالي
ياااااااااااااااااااااااااه يا شاعرنا كلماتك أوجعتني لدرجة البكاء
لأنها تعبر عن زفرات قلب يتألم في غربته أصدق تعبير، وبكلمات سلسة تدخل الى قلوبنا دون إستئذان.
سيدي الفاضل ...يبدوا أن الغربة كأس وداير على كثير منا مكتوب ومسطر على الجبين
أهنئك يا شاعرنا على باكورة أعمالك الشعرية إستمر وللأمام دائماً
دعواتي لك بالتوفيق ودمت بكل خير
ليلى ابو مدين

[سلوى خزبك]

داريت الحزن جوايا
وخبيته عن أحبابي
رسمت في وشي ضحكايه
رسمت الفرح فوق بابي
وفي عنيا الدموع باينه
ولو لاحضو بقول فرحة
دموع فرحة
وبمسحها بإيدين خايفة
وأداري شوق عيون سارحه

علـ الهلالـ ـي



ما أجمل التعبير عن الم الغربة
احسست به رغم اننى لم اعشه والحمد لله
الا فى فترات السفر القصيرة
ولكن كان الحنين لمصر يجعل قلبى يتراقص
بمجرد ظهور ارضها من شباك الطائرة
عاشت بلدى الحبيبة
واعانها الله على المرور من ازمتها الى طريق الامان
واحييك على قصيدتك الرائعة

http://t0.gstatic.com/images?q=tbn:ANd9GcTU_j5s3J89Msmy7Y4MJI_wM-99El8CMpKzwk_IhZm3mj1_r-oi

[الألآتى]

أهنئك يا شاعرنا على باكورة أعمالك الشعرية

يالهوى ياأبله ليلى .. باكورة ده إيه !!

على الهلالى شاعر قديم .. وله فى سماعى وغيره من المنتديات العديد والعديد من الأعمال الشعرية الجميلة ..

خدى لك لفة فى قسم الشعر والأدب ..

[الألآتى]

لحظة ألم

كتير في الغربة قابلوني
وسألوني عن الحيره
وسر الحزن في عيوني
ضحكت وقلت مش سيره
ولا حكايه هنحكيها في غربة ليل
مفهش صحاب ولا جيره




أحسنت ياشاعر ياجميل .. أحسنت يابيضا .. إمتى بقى يتحول هذا الإحساس بالغربة إلى فعل ماضى

[ليلى ابو مدين]

يالهوى ياأبله ليلى .. باكورة ده إيه !!

على الهلالى شاعر قديم .. وله فى سماعى وغيره من المنتديات العديد والعديد من الأعمال الشعرية الجميلة ..

خدى لك لفة فى قسم الشعر والأدب .. [/CENTER]

صبحك الله بكل خير أخي الغالي أبو حسام
كل سنه وحضرتك بخير وعيد أضحى سعيد عليك والأسرة الكريمة
يا كسوفي ...مكنتش عايزة أقول الكلام ده لكني مضطرة ..!
تصدق أخي أبو حسام إني لفيت فعلاً في ملتقى الشعر والأدب وقمت بتصفح قسم الشعر العامي
بصفحاته ال26 وأيضاً تصفحت قسم شعر الفصحى بصفحاته ال22 ولم أجد قصيدة واحدة أو مشاركة
بإسم الشاعر علي الهلالي...لا أدري ما السبب في ذلك ؟! هل هو مُقلْ في أعماله أم ماذا ؟!
وسبب تصفحي كان أنني لاحظت أنه مواطن قديم في سماعي والملاحظ من خلال بياناته أن عدد مشاركاته في المنتدى منذ بدأ عضويته هو 18 مشاركة فقط !! ، هل كان يستخدم لقب أو إسم آخر ثم غيره أم ماذا؟!
متزعلش مني أخي أبو حسام حضرتك تعرف أن لي إهتمام بالأدب والشعر
وقد كان هناك وقت لم يكن يعلق أو يرد على زملائي الشعراء غيري وعذراً سامحني على إسهابي في الكلام
وكل سنه وحضرتك والأسرة الكريمة بخير وسلام ..عيد أضحى سعيد
تحياتي
أختك ليلى ابو مدين

[الألآتى]

تصدق أخي أبو حسام إني لفيت فعلاً في ملتقى الشعر والأدب وقمت بتصفح قسم الشعر العامي
بصفحاته ال26 وأيضاً تصفحت قسم شعر الفصحى بصفحاته ال22 ولم أجد قصيدة واحدة أو مشاركة
بإسم الشاعر علي الهلالي...لا أدري ما السبب في ذلك ؟! هل هو مُقلْ في أعماله أم ماذا ؟!


ربما يكون الأستاذ على الهلالى مقل فى أعماله بعض الشئ .. لكن كان هناك أعمال عديدة له فى سماعى ..

وأعتقد أنها راحت مع الوبا الذى أصاب سماعى ردح من الزمن ( حلوة ردح دى ) يعنى فترة من الزمن

وخلال هذه الفترة الكئيبة فقدنا العديد والعديد من الأعمال الأدبية والشعرية والموسيقية أيضاً

كما فقدنا الكثير من رواد سماعى من جراء عمليات التنظيف التى حدثت إبان العدوان الغاشم على أقسام الإبداع ( برضه حلوة إبان دى )

وعموماً .. لقيت لك واحدة يتيمة ( لقيتها مزنوقة وسط موضوع عن عيد الأم ) .. لحد مالأستاذ على يدلنا على مغارة أعماله


http://www.sama3y.net/forum/showpost.php?p=296497&postcount=16 (http://www.sama3y.net/forum/showpost.php?p=296497&postcount=16)

[ALY ELHELALY]

الشاعر الملهم أ. علي الهلالي
ياااااااااااااااااااااااااه يا شاعرنا كلماتك أوجعتني لدرجة البكاء
لأنها تعبر عن زفرات قلب يتألم في غربته أصدق تعبير، وبكلمات سلسة تدخل الى قلوبنا دون إستئذان.
سيدي الفاضل ...يبدوا أن الغربة كأس وداير على كثير منا مكتوب ومسطر على الجبين
أهنئك يا شاعرنا على باكورة أعمالك الشعرية إستمر وللأمام دائماً
دعواتي لك بالتوفيق ودمت بكل خير
ليلى ابو مدين



السلام عليكم ورحمة الله وبركاته

الأخت الكريمة الفاضلة / ليلى ابو مدين
جزيل الشكر على تواجدك وعلي هذه الكلمات الرقيقه
فلقد وصفتي مجمل الإحساس بكلمات في غاية الرقة (زفرات قلب يتألم في غربته )
وحقا كما قلتي يبدوا أن الغربة كأس وداير على كثير منا مكتوب ومسطر على الجبين
وهذا المعني موجود في باقي هذه الزفرة ويسعدني أن أرفعها وتمنياتي ان تنال قبولك
لك تحياتي وتقديري




وبنحاول نعيش في الغربة
ونرضي بالمكتوب علينا
حلوة مره إيه هتفرق
والدموع ساكنة في عنينا

ضحكة كانت أو ألم
أو حتى بحر من الندم
لو هنشكي من المواجع
تفتكر هيحسوا بينا

مين هيسمع شكوة الموجوع
وهو في دنيته وعايش حياته
مين هيمسح دمعة المجروح
يحس بوحدته دقات ساعاته

مين هيتندم عشانه
مين هيتألم مكانه
قسمته وبخته في زمانه
والزمان أهو حر فينا
هنرضى بالمكتوب علينا


..........


وكل عام وحضرتك بخير بمناسبة عيد الأضحى المبارك أعاده الله علينا جميعا بالخير واليمن والبركات

[ALY ELHELALY]

أحسنت ياشاعر ياجميل .. أحسنت يابيضا .. إمتى بقى يتحول هذا الإحساس بالغربة إلى فعل ماضى


السلام عليكم ورحمة الله وبركاته
أستاذي الكبير اللي دايما واحشني
كم أشتقت لكلماتك وتعليقاتك التي ينشرح لها قلبي
بالنسبة لأمتى الاحساس بالغربة يتحول لفعل ماضي
فأنت أدعيلي
( يا رب يبقى فعل ماضي مدفون في التربه )
وبالنسبة لتعليقك على الأستاذه ليلي
فهى لم تخطأ فعلا الكلمات دي باكورة كتاباتي في سماعي
انت ناسي ان بقالي اكتر من سنتين مكتبتش حاجه هنا
ربنا ما يحرمني من وجودك
دمت بكل خير
وكل عام وحضرتك بخير
بمناسبة عيد الأضحى المبارك
أعاده الله علينا جميعا بالخير واليمن والبركات

[ALY ELHELALY]

ما أجمل التعبير عن الم الغربة
احسست به رغم اننى لم اعشه والحمد لله
الا فى فترات السفر القصيرة
ولكن كان الحنين لمصر يجعل قلبى يتراقص
بمجرد ظهور ارضها من شباك الطائرة
عاشت بلدى الحبيبة
واعانها الله على المرور من ازمتها الى طريق الامان
واحييك على قصيدتك الرائعة

http://t0.gstatic.com/images?q=tbn:ANd9GcTU_j5s3J89Msmy7Y4MJI_wM-99El8CMpKzwk_IhZm3mj1_r-oi



السلام عليكم ورحمة الله وبركاته
الأخت الكريمة الفاضلة /سلوى خزبك
جزيل الشكر على تواجدك ورقة كلماتك
وبما انك مجربتيش الغربة
فأنا بدعيلك من كل قلبي ربنا ما يكتبها عليكي
مفيش اجمل من الحياة وسط الاهل والاحباب
على تراب الأرض الغالية ارض الحبيبه مصر
ربنا يوصلها لبر الأمان يا رب
دمتى بكل خير
وكل عام وحضرتك بخير
بمناسبة عيد الأضحى المبارك
أعاده الله علينا جميعا بالخير واليمن والبركات

[ALY ELHELALY]

يا كسوفي ...مكنتش عايزة أقول الكلام ده لكني مضطرة ..!
تصدق أخي أبو حسام إني لفيت فعلاً في ملتقى الشعر والأدب وقمت بتصفح قسم الشعر العامي
بصفحاته ال26 وأيضاً تصفحت قسم شعر الفصحى بصفحاته ال22 ولم أجد قصيدة واحدة أو مشاركة
بإسم الشاعر علي الهلالي...لا أدري ما السبب في ذلك ؟! هل هو مُقلْ في أعماله أم ماذا ؟!
وسبب تصفحي كان أنني لاحظت أنه مواطن قديم في سماعي والملاحظ من خلال بياناته أن عدد مشاركاته في المنتدى منذ بدأ عضويته هو 18 مشاركة فقط !! ، هل كان يستخدم لقب أو إسم آخر ثم غيره أم ماذا؟!
متزعلش مني أخي أبو حسام حضرتك تعرف أن لي إهتمام بالأدب والشعر
وقد كان هناك وقت لم يكن يعلق أو يرد على زملائي الشعراء غيري وعذراً سامحني على إسهابي في الكلام
وكل سنه وحضرتك والأسرة الكريمة بخير وسلام ..عيد أضحى سعيد
تحياتي
أختك ليلى ابو مدين




الأخت الكريمة / ليلى ابو مدين
لكم يسعدني ويشرفني أن تبحثي في صفحات المنتدى عن مشاركات لي
وبالنسبه لإستفسار حضرتك الاول
لم أجد قصيدة واحدة أو مشاركة
بإسم الشاعر علي الهلالي
فده يرجع ان مفيش شاعر اسمه علي الهلالي
لكن فيه مواطن من مواطني سماعى بالاسم ده
بالنسبة للاستفسار الثاني
عدد مشاركاته في المنتدى منذ بدأ عضويته هو 18 مشاركة فقط !!
هو كان على شمال ال18 مشاركة مئات المشاركات
ولظروف ما طارو المئات وفضلو ال18 مشاركه فربنا يبارك في القليل
وأخيرا جزيل الشكر لحضرتك على الإهتمام والسؤال
فأنا أيضا من المتابعين والمهتمين بكتاباتك ونشاطاتك داخل
المنتدي
دمتي لنا بكل خير
خالص تحياتي

[ALY ELHELALY]

ربما يكون الأستاذ على الهلالى مقل فى أعماله بعض الشئ .. لكن كان هناك أعمال عديدة له فى سماعى ..

وأعتقد أنها راحت مع الوبا الذى أصاب سماعى ردح من الزمن ( حلوة ردح دى ) يعنى فترة من الزمن

وخلال هذه الفترة الكئيبة فقدنا العديد والعديد من الأعمال الأدبية والشعرية والموسيقية أيضاً

كما فقدنا الكثير من رواد سماعى من جراء عمليات التنظيف التى حدثت إبان العدوان الغاشم على أقسام الإبداع ( برضه حلوة إبان دى )

وعموماً .. لقيت لك واحدة يتيمة ( لقيتها مزنوقة وسط موضوع عن عيد الأم ) .. لحد مالأستاذ على يدلنا على مغارة أعماله


[/URL][url]http://www.sama3y.net/forum/showpost.php?p=296497&postcount=16 (http://www.sama3y.net/forum/showpost.php?p=296497&postcount=16)


ربنا ما يحرمنى منك يا استاذ محمد
بجد تعليقك يفتح النفس بخفة دمك المعهودة عليك .( حلوة المعهودة دي ) يعني اللي عودتنا عليها
وبالنسبة لليتيمه دي لقيتها فين مستخبيه
ومغارة ايه بقى اللي بتسأل عنها ( يكنش مغارة على بابا )
خالص تحياتي لك استاذي الكبير
بجد واحشني وانا عارف انى قصرت في حقكم كتير بالغياب وعدم السؤال
ولكن مهما غبنا بنرجع بكل شوق نطمن عليكم ونعرف أخباركم
ونتابع جديد روائعكم
فلا حرمنى الله منكم ودمتم بكل خير

[ALY ELHELALY]

لحظة ألم

كتير في الغربة قابلوني
وسألوني عن الحيره
وسر الحزن في عيوني
ضحكت وقلت مش سيره
ولا حكايه هنحكيها في غربة ليل
مفهش صحاب ولا جيره

كتير في الغربة بتألم
ولا عمري شكيت مره
ولا لحظة بكيت فيها
ولا قلت الكاسات مـُره

داريت الحزن جوايا
وخبيته عن أحبابي
رسمت في وشي ضحكايه
رسمت الفرح فوق بابي
وفي عنيا الدموع باينه
ولو لاحظوا بقول فرحة
دموع فرحة
وبمسحها بإيدين خايفة
وأداري شوق عيون سارحه

وأعيش الغربة وأتعلم
وبشرب كل يوم مـ الكاس
وقلبي يقاسي يتألم
يقابل ناس يودع ناس
ساعات بيمل
أو يزهق
ساعات يصرخ
ساعات يحرق
وأعيش لحظة ألم مش يأس
بعيش لحظة ألم
مش يأس

(2)


وبنحاول نعيش في الغربة
ونرضي بالمكتوب علينا
حلوة مره إيه هتفرق
والدموع ساكنة في عنينا

ضحكة كانت أو ألم
أو حتى بحر من الندم
لو هنشكي من المواجع
تفتكر هيحسوا بينا

مين هيسمع شكوة الموجوع
وهو في دنيته وعايش حياته
مين هيمسح دمعة المجروح
يحس بوحدته دقات ساعاته

مين هيتندم عشانه
مين هيتألم مكانه
قسمته وبخته في زمانه
والزمان أهو حر فينا
هنرضى بالمكتوب علينا

(3)


قسمة كانت إننا
نبعد نفارق
حظـــــنا
ونسيب قلوبنا لوحدها
مع ذكرايات بتهزنا

غربه وغريب
فيها في لهيب
عايش على ذكرى اللي فارقهم زمان

عايش ومش عايش
وحــــيد
في أحزان في يوم عن يوم تزيد
وأحساس بخوف ومهوش جديد
في الغربة فاقدين الأمان

عايش ألام معظم كلام
الغربة يحكي في ذكرايات
يحلم ببكره فيه حبايب
أه حبايب
مع صحبه حلوة
يعيش ساعات
ولو سألتو كل غايب
تتمنى إيه ؟
يتمنى يرجع للي فات

ذكرايات
هي الأمل بتصبر المجروح في جرحه
ذكرايات
هي الطريق بتوصل المهموم لفرحه

ذكرايات
ومفيش لنا في الغربه غيرها من اللي فات
ذكرايات
ومفيش لنا في الغربه غيرها الذكرايات

ذكرى لحبايب غبنا عنهم من سنين
ذكرى لصحبة وجيره حلوة
وناس قلوبهم طيبين
ذكرى لتراب الأرض
ذكرى و شوق حنين
لنسمة هوا
محلى عبيرها في أرضنا
وأهي قسمة كانت إننا
نبعد نفارق
حظـــــنا
ونسيب قلوبنا لوحدها
مع ذكرايات بتهزنا
في لحظة ألم

(4)

والغربة مش بس فراق
ولا لحظة بنعيشها إشتياق
ولا سكة فيها يطول سفر

ولا غيبة بنغيبها لسنين
ولا دمعة نبكيها بأنين
ولا ليلة نقضيها في سهر

ممكن تكون الغربه إحساس
جوه منك
وإنت بين أهلك وناسك
وقت ما تحس إن عطشك
زاد تدور
وسط كاسات المحبة
ومتلاقيش في الحب كاسك

وهي دي الغربة اللي تحرق
واللي تسرق فرحتك
اللي تلاقيها فوق شفايفك
إيد بتخطف ضحكتك
وقوام ساعتها تحس إن الدنيا دي
رغم إتساعها
ديقة ومش من مقاسك

علـ الهلالـ ـي

[محمد الشافعى احمد]

الشاعر الكبير الأستاذ / على هلالى
أعتقد أن غربة الجسد مقدور عليها
لكن الأصعب منها هى غربة النفس
والروح ، أسأل الله تعالى أن يخفف
عنك غربتك وأن يصلك ويسعدك بمن
تحب.

مع خالص تحياتى

[ALY ELHELALY]

الشاعر الكبير الأستاذ / على هلالى
أعتقد أن غربة الجسد مقدور عليها
لكن الأصعب منها هى غربة النفس
والروح ، أسأل الله تعالى أن يخفف
عنك غربتك وأن يصلك ويسعدك بمن
تحب.

مع خالص تحياتى



أخي الكريم الاستاذ محمد
اولا لي تحفظ علي مخاطبتك لي بالشاعر الكبير
انا لا شاعر ولا كبير احنا هنا كلنا اخوات
واللي بنكتبه مش اكتر من احاسيس بنشاركها مع بعض في جو أسري
وثانيا أشكرك علي صدق إحساسك ودعائك لي
واتفق معاك في كلامك صح لسانك
الاصعب من غربة الجسد هي غربة الروح
وده هيخليني أضيف مقطع رابع يتضمن الفكره دي
دمت بكل خير أخي الكريم
تقبل تحياتي
أخوك علي الهلالي

[ALY ELHELALY]

.
لحظة ألم

كتير في الغربة قابلوني
وسألوني عن الحيره
وسر الحزن في عيوني
ضحكت وقلت مش سيره
ولا حكايه هنحكيها في غربة ليل
مفهش صحاب ولا جيره

كتير في الغربة بتألم
ولا عمري شكيت مره
ولا لحظة بكيت فيها
ولا قلت الكاسات مـُره

داريت الحزن جوايا
وخبيته عن أحبابي
رسمت في وشي ضحكايه
رسمت الفرح فوق بابي
وفي عنيا الدموع باينه
ولو لاحظوا بقول فرحة
دموع فرحة
وبمسحها بإيدين خايفة
وأداري شوق عيون سارحه

وأعيش الغربة وأتعلم
وبشرب كل يوم مـ الكاس
وقلبي يقاسي يتألم
يقابل ناس يودع ناس
ساعات بيمل
أو يزهق
ساعات يصرخ
ساعات يحرق
وأعيش لحظة ألم مش يأس
بعيش لحظة ألم
مش يأس

(2)


وبنحاول نعيش في الغربة
ونرضي بالمكتوب علينا
حلوة مره إيه هتفرق
والدموع ساكنة في عنينا

ضحكة كانت أو ألم
أو حتى بحر من الندم
لو هنشكي من المواجع
تفتكر هيحسوا بينا

مين هيسمع شكوة الموجوع
وهو في دنيته وعايش حياته
مين هيمسح دمعة المجروح
يحس بوحدته دقات ساعاته

مين هيتندم عشانه
مين هيتألم مكانه
قسمته وبخته في زمانه
والزمان أهو حر فينا
هنرضى بالمكتوب علينا

(3)


قسمة كانت إننا
نبعد نفارق
حظـــــنا
ونسيب قلوبنا لوحدها
مع ذكرايات بتهزنا

غربه وغريب
فيها في لهيب
عايش على ذكرى اللي فارقهم زمان

عايش ومش عايش
وحــــيد
في أحزان في يوم عن يوم تزيد
وأحساس بخوف ومهوش جديد
في الغربة فاقدين الأمان

عايش ألام معظم كلام
الغربة يحكي في ذكرايات
يحلم ببكره فيه حبايب
أه حبايب
مع صحبه حلوة
يعيش ساعات
ولو سألتو كل غايب
تتمنى إيه ؟
يتمنى يرجع للي فات

ذكرايات
هي الأمل بتصبر المجروح في جرحه
ذكرايات
هي الطريق بتوصل المهموم لفرحه

ذكرايات
ومفيش لنا في الغربه غيرها من اللي فات
ذكرايات
ومفيش لنا في الغربه غيرها الذكرايات

ذكرى لحبايب غبنا عنهم من سنين
ذكرى لصحبة وجيره حلوة
وناس قلوبهم طيبين
ذكرى لتراب الأرض
ذكرى و شوق حنين
لنسمة هوا
محلى عبيرها في أرضنا
وأهي قسمة كانت إننا
نبعد نفارق
حظـــــنا
ونسيب قلوبنا لوحدها
مع ذكرايات بتهزنا
في لحظة ألم

(4)

والغربة مش بس فراق
ولا لحظة بنعيشها إشتياق
ولا سكة فيها يطول سفر

ولا غيبة بنغيبها لسنين
ولا دمعة نبكيها بأنين
ولا ليلة نقضيها في سهر

ممكن تكون الغربه إحساس
جوه منك
وإنت بين أهلك وناسك
وقت ما تحس إن عطشك
زاد تدور
وسط كاسات المحبة
ومتلاقيش في الحب كاسك

وهي دي الغربة اللي تحرق
واللي تسرق فرحتك
اللي تلاقيها فوق شفايفك
إيد بتخطف ضحكتك
وقوام ساعتها تحس إن الدنيا دي
رغم إتساعها
ديقة ومش من مقاسك
.
علـ الهلالـ ـي

[ALY ELHELALY]

لحظة ألم (5)

معدش في قلبي من بعدك
مكان للفرح من تاني
غرقت في دمعي وجروحي
تعبت يا كتر أحزاني

سنين قلبي اللي عاش جنبك
وداق حبك وردد أحلى ألحاني
سنين فرحة وشوق عاشها
في هواك ياللي
هواك كان بيتي عنواني

وبعد القرب والفرحة
وقلوب عاشقة
وعيون سارحة
وضحكة مالية وجداني
فراق جالنا سرق منا
حجات فينا
كانت هي اللي تسعدنا
وتحيينا
جرحني قتلني بكاني

فراق سابني مع جروحي
ألملم م الهوى روحي
أدور في اللي راح ذكري
أداوي بيها في جروحي
وأمسح دمعتي بإيدي
وأخبي في أهة حرقاني

معدش في قلبي من بعدك
مكان للفرح من تاني

غرقت في دمعي وجروحي
تعبت يا كتر أحزاني


تعبت خلاص من الفرقة
ومـ الأحزان ومـ الأوجاع
ومن كتر الألام فيا
كفاية جراح ما هيش فارقة
أعيش مرتاح
وأفارق دمع في عنيا

أهات ما تبانشي في سكاتي
بقولها في كل أوقاتي
تعبت ونبض دقاتي
تعبها الشوق
لليلة فرح منسية
وتايهة في وسط أحزاني
معدش في قلبي من بعدك
مكان للفرح من تاني


علــ الهلالـ ــي

[علي سيف]

لحظة ألم (5)

تعبت خلاص من الفرقة
ومـ الأحزان ومـ الأوجاع
ومن كتر الألام فيا
كفاية جراح ما هيش فارقة
أعيش مرتاح
وأفارق دمع في عنيا

أهات ما تبانشي في سكاتي
بقولها في كل أوقاتي
تعبت ونبض دقاتي
تعبها الشوق
لليلة فرح منسية
وتايهة في وسط أحزاني
معدش في قلبي من بعدك
مكان للفرح من تاني


علــ الهلالـ ــي




آه وآه من الغربة وآه من تلك الزفرات .............مشكور أستاذ علي..... لهذه الروائع وننتظر المزيد ان شاء الله

:emrose::emrose: