كلنا نحب القمر - محمد عبد الوهاب

[guest]

الاساتذة الافاضل في سماعي

نطلب تحليل الاغنية المذكورة ل عبد الوهاب

‫ظ…ط*ظ…ط¯ ط¹ط¨ط¯ ط§ظ„ظˆظ‡ط§ط¨ - ظƒظ„ظ†ط§ ظ†ط*ط¨ ط§ظ„ظ‚ظ…ط±‬‎ - YouTube (http://www.youtube.com/watch?v=OVMCli6I1u8&feature=player_embedded)

ذكرياتي الشخصية مع الاغنية

1.كنت فاكر غلط انها من تأليف الشاعر احمد شوقي و طلع انها من تأليف الشاعر احمد عبد المجيد

2.ان استاذ محمد الالاتي قافش علينا و مش راضي يعمل تحليل للاغنية بعد سؤال صديقنا انور عن مقامها و سؤالي عن تحليلها موسيقيا .. راح عمنا محمد الالاتي قلبنا ب سرعة و قافش علينا و قال ما ينفعش الكلام دة و قال بالحرف

الخلاصة : أنا لا أكتب تحليل مفصل إلا فى قسم دعوة موسيقية على أغنية .. حتى لا تتناثر التحليلات هنا وهناك .. مش كده ولا إييييه
الموضوع و كلامه هنا يشهد :chut:
http://www.sama3y.net/forum/showthread.php?p=604499#post604499

( لما نشوف بقي :mad: )

[الألآتى]

هههههههه .. حاضر .. إن شاء الله

[guest]

:cool:
في انتظار تحليل حضرتك يا استاذ محمد

تحياتي و تقديري

[guest]

العمل تم تلحينه حسب المصادر سنة 1928 و في اماكن اخري لقيتها 1927
المهم .. ان العمل في بدايات محمد عبد الوهاب
انا شخصيا اول مرة سمعت العمل كنت فاكر ان محمد عبدالوهاب بيغني لحن من الحان سيد درويش زي ما غني حاجات ل سلامة حجازي وكدة يعني
اعتقد يوجد تأثر كبير ل عبد الوهاب ب اسلوب سيد درويش في الوقت دا ؟

عموما
طيب انا هابتدي بالكلمات
الكلمات للشاعر احمد عبد المجيد و عمل حاجات كتير مع عبد الوهاب و مثله الاعلي كان الشاعر احمد شوقي و احمد شوقي كان هو حلقة الوصل الاولي و سبب التعارف بين عبد الوهاب و احمد عبد المجيد

السفير احمد عبدالمجيد
ولد 1905 و توفي 9 اكتوبر 1981
و ليه عدة كتب .. واحد منهم عن الشاعر احمد شوقي اسمه ( أحمد شوقي الشاعر الإنسان )
و كان رجل دبلوماسي و تقلد العديد من المناصب الدبلوماسية
و لكنه كان فنان و شاعر
قال عنه عبد الوهاب : اذا أردت الذيوع و الانتشار و الإحساس الغامر بما تقول فلحن و غنّ شعر أحمد عبد المجيد لأنه يفيض بالحرارة
و من اشهر الاغاني اللي كتبها حسدوني – خايف أقول اللي في قلبي – كثير يا قلبي – يا ليل يا روحي – القلب ياما انتظر – مريت على بيت الحبايب – يا ترى يا نسمة – الهوان وياك – ما كنش على البال
و كلنا نحب القمر

كلمات الاغنية

كلنا نحب القمـر
والقمر بيحب ميـن
حظنا منه النظر
والنظر راح يرضى ميـن
كل يـوم يظهر عـزول
تفتـــنه ويغير عليك
واجتبـاه النوم وطال بيك
انيـنه ويلومنى فيـك
عـذبـه قلبه اللى مال
ياما غيره ومال عليك
وان شافنى صابرعلى نارى
وحلى لى تعذيبـك فيا
يحسدنى ويغير من صبرى
على بعدك ماتحـن عليا
وان كنت يــوم ترضى
وتعطف حتى لغيرى
اعيش بامل انك يوم تصفالى
ماتقوللى ازاى انساك
لاانا طايل تعذيب فى هواك
ولا قادر قلبى يسلاك
خلصت دموعى بكفـاك

الكلمات تقطر حب .. و كلمات الحب كلها مستترة و القمر كناية عن المحبوب ..
اخر شياكة يعني

في انتظار التحليل الموسيقي لأن عبد الوهاب موسيقي مكار جدا , دايما يفاجئك بالمتوقع ! بس يديلك المتوقع في سلوفانة متغلفة و يلففك حواليه .. يخليك قاعد جنبه و ما يفتنش علي اللي عاوز يعمله و دايما يغير
متعب يعني الصراحة
رغم ان اللحن دا بسيط مقارنة لحاجات تانية ل عبد الوهاب و لكن ..

في انتظار التحليل
تحياتي و تقديري

[انور الحارث]

ذكرياتي الشخصية مع الاغنية

1.كنت فاكر غلط انها من تأليف الشاعر احمد شوقي و طلع انها من تأليف الشاعر احمد عبد المجيد

2.ان استاذ محمد الالاتي قافش علينا و مش راضي يعمل تحليل للاغنية بعد سؤال صديقنا انور عن مقامها و سؤالي عن تحليلها موسيقيا .. راح عمنا محمد الالاتي قلبنا ب سرعة و قافش علينا و قال ما ينفعش الكلام دة و قال بالحرف

الخلاصة : أنا لا أكتب تحليل مفصل إلا فى قسم دعوة موسيقية على أغنية .. حتى لا تتناثر التحليلات هنا وهناك .. مش كده ولا إييييه


احكى ذكريااتي مع الاغنية ايهاااب :


اللى صديق... صديق عزيز منذ سنين...ظلاله ونوره تشبه نور القمر...على الارض

ارسلت له من كااام يوم اسال عليه ..مرة ...واثنتين ...فى الثالثة... تحولت الى بلبل

حزين حيرااان.جفاااه النوم ..ولاخبرمن صديقى...

ادرت الراديو على الاذاعة (اذااعة كاان زمااان الموسيقية)

فاذاا بعبد الوهااب يشدو بانغااام جميلة ...وفجاة وجدت نفسي اقع تحت سحر غريب..له فعل مخدر عجيب

رقة صوت عبد الوهاااب وكلمااات الاغنية وكاانهااا وضعت خصيصااا ليتلاشى ألمى

استمعت اليهااا . اكثر من مرة..قدرت المقااام رغم حاالتى السيئة وكاان تقديرى صحيح

لم اطلب التحليل ..كامل كنت ساخسر الاغنية اريد ان استمتع بهاا هكذاا فقط بالتاكد من المقااام

والان انااا تشبعت بهااا

ولهذااا اضيف ماااذكرت من ذكرى بناااء على طلبالاستاااذ الالاتى

هاااااا ايهاااب :emrose:

ارتحت دلوقتى ضرورى تطلب التحليل مفصل؟

شكرااا استااذ الالاتى واستاااذ ايهااب على كل المعلومااات..الواااردة

بانتظاار التحليل

انور الحااارث

[جابر المراغي]

ونضيف أيضا الى أغانيه أغنية بالك مع مين ياشاغل بالى ياحبيب العين ارحم حالى وأغنية فى الجو غيم وأغنية نسيم الربيع وهذه الأغنيات من تأليف السفير/ أحمد عبد المجيد وهناك معلومه طريفه فكرتنى بيها اغنية فى الجو غيم حيث كان مهربى المخدرات فى مصر عندما يشعرون بأن الجو غير مناسب لتهريب المخدرات عبر الحدود المصريه فكانوا يطلبون أغنية ( فى الجو غيم) من خلال برنامج مايطلبه المستمعون وفى حالة مااذاكان الجو مناسب لتهريب موادهم المخدره يطلبون أغنية ( الجو رايق وصافى) ولكن جهاز مكافحة المخدرات تفطن لذلك حيث كان لهم بالمرصاد

[guest]

يا استاذ محمد

انا فعلا منتظر التحليل

حضرتك قلت ان مقام الاعنية من الكورديللي

ازاي ؟
الكورديللي او الحجاز كاركرد
جنس كرد علي الدو
و جنس بوسليك علي الفا

المقام كورديللي طالع نازل

دو - ري بيمول - مي بيمول -فا - صول - لابيمول - سي بيمول - دو

حتي الحجاز كار العادي حجاز علي الدو راست , و حجاز علي الصول نوا و انت طالع
و انت نازل كورد علي الصول و بوسليك علي الدو

المهم بقي ان مفيش اي احساس عندي بالحجاز في الموضوع بأكمله !

عبد الوهاب ابتدا المقدمة من السي بيكار , فين بقي الكورديللي ؟ فين الدو ؟
و الكورد الاصلي .. جنس كورد علي الري و الجنس التاني نهاوند علي الصول ( يعني السي مخفوضة نص )
و برضه مفيش السي !
انا كتبت نوتة للمقدمة من التسجيل حرفيا عشان اتأكد و هارفقها ل حضرتك
عبد الوهاب ابتدا الغناء من نغمة السي برضه و لما قفل ( والنظر راح يرضى ميـن ) قفل علي السي برضه
حتي اللازمة الموسيقية .. يروح و ييجي و يقفل علي السي لو بنحكم عليها من القفلة

ارجوك التوضيح عشان فعلا كدة فيه لخبطة

تحياتي ل حضرتك
و انا مستني

[الألآتى]

التحليل جاهز .. ولكنى سأرد على أخونا إيهاب أولاً .. بعد إذنكم

أولاً ياعم إيهاب .. إنت إللى لخبطت نفسك .. الراجل بيغنى من الدو فعلاً .. لكن التسجيل مزقزق شوية لورا نصف تون

ودى حاجه بتحصل دايماً عند سماعنا للتسجيلات القديمة .. لأنهم بيسجلوها من شرائط أو إسطواات

وكانت الإسطوانة أوالشريط بطئ شوية .. يدينا تون أو أقل مخفوض .. ولو الإسطوانة سريعة شوية تدينا تون أو أقل مرتفع

عل الله تكون المعلومة وصلت

حضرتك بقى ترفع التون عندك نص تون .. علشان تعزف من الدو

أما بخصوص أجناس الكورديللى .. فالموضوع فيه شوية لخبطة .. لمؤاخذه

حجاز كار إيه إللى فيه بوسليك على الدو ( وإنت نازل )

وكورديللى إيه إللى فيه بوسليك على الفا

الحجاز كار مافيهوش بوسليك خالص .. ولا وإنت طالع ولا وإنت نازل

ولو كان فيه بوسليك .. لأصبح المقام ( نهاوند طبيعى ) نهاوند + حجاز

الحجاز كار يتكون من جنسين منفصلين هما ( حجاز من درجة الدو .. وحجاز من درجة النوا )

والكورديللى .. يتكون أيضاً من جنسين منفصلين هما ( كرد من درجة الدو .. وكرد من درجة النوا )

وبالطبع هناك من يحسبها جمع متصل .. بحيث يكون جنس الفرع ( نهاوند من درجة الجركا ( الفا )

ولكن فى وجود كرد الصول إظهار لطابع اللحن وتسهيل للتحويل لمقامات أخرى بداية من جنس الفرع ( الدرجة الخامسة للمقام ) .. لماذا إذن نوجع قلبنا ونحتاس فى الإنتقالات المقامية

[الألآتى]

بسم الله نبدأ فى تحليل أغنية ( كلنا نحب القمر )

كلمات : أحمد عبد المجيد

ألحان وغناء : محمد عبد الوهاب

بداية يجب أن نعرف أن العمل تم تلحينه فى العشرينات .. أى فى بدايات عبد الوهاب التلحينية

وكان التركيز على الطرب والغناء أكثر من التركيز على الموسيقى .. بدليل هذا الكم الكبير من العُرب والحليات بجميع أشكالها فى الغناء

إختار عمنا ( عب وهاب ) مقام الحجاز كار كرد ليصوغ منه لحنه .. ويكون هو المقام المسيطر الذى يبدأ منه ويعود إليه طوال العمل

ولمن لا يعرف الحجاز كار كرد .. هو الكرد نفسه لكن من درجة الدو .. وسبب تسميته أنه من نفس درجة الحجاز كار

والبعض يسميه ( كورديللى )

المهم .. مقدمة موسيقية قصيرة من نفس المقام وبألآت موسيقية قليلة جداً وبسيطة

والميزان الإيقاعى بسيط ( 4 / 4 ) .. ويغنى عبد الوهاب من نفس المقام ( كلنا نحب القمر .. والقمر بيحب مين )

ومن أولها نتعثر فى مصائب عبد الوهاب التلحينية .. الراجل بيقول ( كلنا نحب القمر ) من الكرد ..

ييييه .. الحجاز كار كرد ياسيدى .. ماتزعلش

المفروض فى مسار سلم الكرد .. أننا نستعمل الرى بيمول .. لكنه يأبى إلا أن يدهشنا من أول جملة

فيستعمل الرى بيكار ( البيضاء على البيانو ) أو كما نقول ( ناتوريل ) وهو يقول ( نحب القمر )

يعنى من تانى كلمه .. ماعندوش يامه إرحمينى

طيب وبعدين .. نكمل ..

هل إكتفى عبد الوهاب .. أو سابنا ناخد نفسنا .. حاشا ياباشا .. مش ممكن طبعاً ..

نجده يقفل الجملة الغنائية على درجة معلقة .. غير درجة ركوز المقام

نفسر الحكاية دى

معروف أن الجملة الموسيقية أو الغنائية عبارة عن سؤال وجواب

فنجده يقول ( كلنا نحب القمر ) هذا هو السؤال .. وبعدها يقول ( والقمر بيحب مين ) هذا هو الجواب

المفروض أن ينهى الجملة اللحنية على درجة ركوز المقام ( قرار أو جواب مايهمش )

لكنه كعادته ومن بدايات أعماله .. نجده يخرج عن المألوف .. فبدلاً من أن ينهى الجملة على درجة الدو ( درجة ركوز الكرد )

نجده أنهاها على درجة السى بيمول .. لييييه .. سنعرف بعدها ..

لأنه سيبدأ الجملة التالية من السى بيمول ( حظنا منه النظر ) ولأنها أيضاً تحويلة لمقام البياتى

ويعود للكرد مرة أخرى عند ( فيك أنينه يلومنى فيك ) ..

وأترككم قليلاً لتستمتعوا معى بـ ( عذبه ) فهو يصول ويجول فيها ( مطرب بقى ) من البياتى أيضاً

ويعود مرة أخرى للكرد مع ( أعيش بأمل إنك يوم تصفالى ) ويظل معه للنهاية

لكننا وحتى النهاية نسمع ونستمتع بكم رهيب من الحليات الغنائية من بداية ( ماتقوللى إزاى أنساك .. لا أنا طايل تعذيب فى هواك )

فنجده يكرر الجملة ثلاث مرات وكل مرة بشكل ..

إسمعوا معى ( يسلاك ) وصعوده لجواب النوا ( سهم )

ثم نسمع السلم الملون ( كروماتيك ) عند ( يسلاك ) أيضاً عند الإعادة

وينهى الأغنية عند درجة الدو ( ركوز المقام ) ليؤكد لنا أنه يعرف درجة ركوز المقام .. وماكانش تايه عنها

أرجو أن أكون وُفقت فى هذا التحليل المتواضع

[انور الحارث]

اضع بعض الشغلات الصغيرة:

-1-هل هذاا العمل شرقى..بحت ام ان

ثم نسمع السلم الملون ( كروماتيك ) عند ( يسلاك ) أيضاً عند الإعادة

نفى الشرقية

2-برأيكم الالة التى تظهر بالفيدو اعلاه

استخدمت بالعمل..ام كان هناك صوت الة اخرى موسيقية حاليااا غير

مستخدمة(هل يوجد ألة غريبة)

-3- مواااصفاات مقام حجاازكاركرد

كيف هذااا التناااقض بالمقااام بالكراهية باغنية انااا اكرهك كانت ايضااا من الحجااازكااركرد

والان باغنية حب ولوعة والم

[guest]

التحليل جاهز .. ولكنى سأرد على أخونا إيهاب أولاً




شكرا علي التحليل يا محمد بيك .. احسنتم

[guest]

اضع بعض الشغلات الصغيرة:

-1-هل هذاا العمل شرقى..بحت ام ان

ثم نسمع السلم الملون ( كروماتيك ) عند ( يسلاك ) أيضاً عند الإعادة

نفى الشرقية

2-برأيكم الالة التى تظهر بالفيدو اعلاه

استخدمت بالعمل..ام كان هناك صوت الة اخرى موسيقية حاليااا غير

مستخدمة(هل يوجد ألة غريبة)

-3- مواااصفاات مقام حجاازكاركرد

كيف هذااا التناااقض بالمقااام بالكراهية باغنية انااا اكرهك كانت ايضااا من الحجااازكااركرد

والان باغنية حب ولوعة والم


استاذ انور

الالة الموجودة في الفيديو هي الة البانجو Banjo

لم يتم استخدامها في العمل الموسيقي - من خلال سمعي المتواضع الالات المستخدمة عود و كمنجات و الة ايقاع

مقام الكرد عموما مقام مفيهوش حزن .. و لكن في ثانية ممكن تغير حرف منه تبقي في الصبا و يحزن او تبقي في النهاوند و تفرح زيادة , يعني بين البينين .. مقام ابن حلال و عشري

العمل تم تحليله
تم استخدام الكرد من الدو .. و دا مفيهوش ارباع تون
يبقي مش شرقي
تم استخدام البياتي و دا مقام شرقي فيه الربع تون
يبقي شرقي
و تم استخدام الكروماتيك و دا مش شرقي و استخدمه عشان يوصل للركوز تاني موسيقيا .. و لكن احساسا بقي استخدمه صعودا تعبيرا عن الحسرة اعتقد انه مش قادر ينسي او يسلي المحبوب , تعبيريا في مكانها كويسة

علي اعتبار ان الشرقي معناه بالنسبة لي استخدام مقامات فيها الربع تون
اذن العمل مش شرقي بحت و لا غربي بحت
عبد الوهاب عمل توليفة حلوة

و تحياتي و تقديري

[الألآتى]

اضع بعض الشغلات الصغيرة:

-1-هل هذاا العمل شرقى..بحت ام ان

ثم نسمع السلم الملون ( كروماتيك ) عند ( يسلاك ) أيضاً عند الإعادة

نفى الشرقية



العمل شرقى بحت .. وليس معنى إستعمال السلم الملون فيه .. أن يبتعد عن الشرقية .. كما أن عبد الوهاب إستعمل الكروماتيك فى الأداء الصوتى وليس الموسيقى




2-برأيكم الالة التى تظهر بالفيدو اعلاه

استخدمت بالعمل..ام كان هناك صوت الة اخرى موسيقية حاليااا غير

مستخدمة(هل يوجد ألة غريبة)



الآلة التى تظهر هى البانجو .. ويسميها البعض ماندولين بالخطأ .. والصورة مأخوذة من أغنية ( عاشق الروح )

وقد إستعملت الآلة فى الأغنية بالفعل ( عاشق الروح ) فى الجملة الرئيسية للأغنية ..مع الماندولين والبزق .. لكنها لم تستعمل فى أغنيتنا هذه

وكما ذكرنا أن الألآت المستخدمة قليلة وبسيطة ( قانون ، عود ، كمان )





-3- مواااصفاات مقام حجاازكاركرد

كيف هذااا التناااقض بالمقااام بالكراهية باغنية انااا اكرهك كانت ايضااا من الحجااازكااركرد

والان باغنية حب ولوعة والم

مواصفات الحجاز كار .. مثل مقام الحجاز .. لأن الجنس الأصلى واحد ( جنس الجذع )

ومواصفاته الخشوع والتبتل واللوعة فى التعبير

ومن حق الملحن أن يرى المقام كيفما شاء .. فليس هناك قواعد جامدة تلزم الملحن .. فالتلحين إبداع أولاً

ولو قام كل ملحن بإتباع القواعد ومواصفات كل مقام .. لأصبحت كل الألحان متشابهة

فالقواعد وُضعت للإستدلال بها وليس التقيد الجامد

[انور الحارث]

إسمعوا معى ( يسلاك ) وصعوده لجواب النوا ( سهم )


( سهم )؟؟؟؟؟؟؟؟؟؟؟؟؟؟

[الألآتى]

إسمعوا معى ( يسلاك ) وصعوده لجواب النوا ( سهم )


( سهم )؟؟؟؟؟؟؟؟؟؟؟؟؟؟

كنت عارف إنك حاتسأل ..

شوف ياسيدى .. الصول الوسطى فى البيانو .. إسمها الشرقى ( نوا )

والصول إللى قبلها ( القرار يعنى ) هل إسمها نوا برضه ..لا .. إسمها ( يكاه )

طيب والصول إللى بعدها ( الجواب يعنى ) .. إسمها ( سهم )

هذه مسميات شرقية نستدل بها ولا نستعملها فى الواقع

[guest]

استاذ محمد

شكرا جزيلا علي التوضيح
انا عملت نوتة توضيحية حسب فهمي المتواضع عشان افهم
و حضرتك اهل علم و خبرة

هل انا كدة فاهم البوسليك غلط ؟
و لا دخلت البوسليك علي النهاوند ولا انا عملت ايه ؟ انا الكلام دا قرأته مش من دماغي و عاوز اتأكد من سيادتك
لسة الموضوع ملخبط معايا
انا كدة فهمت الكورديللي تمام و اشكرك
و الحجاز كار موجود في النوتة .. هل فيه خطأ ؟ صعودا و هبوطا ؟
النوتة موجودة في المشاركة رقم 11
انا اعرف ان البوسليك هي نغمة المي البيكار
ايه هو بقي مقام البوسليك .. بعد اذنك ؟
جنسه الاصل ايه و فرعه ايه ؟

و شكرا جزيلا مقدما
تحياتي و تقديري

[الألآتى]

هههههههههه .. طيب اعمل إيه .. مانت بتزعل منى .. ماشى ياسيدى .. مافيناش من زعل



هل انا كدة فاهم البوسليك غلط ؟
و لا دخلت البوسليك علي النهاوند ولا انا عملت ايه ؟ انا الكلام دا قرأته مش من دماغي و عاوز اتأكد من سيادتك
لسة الموضوع ملخبط معايا


البوسليك هو نفسه النهاوند الكردى .. لكن من درجة الرى ( دوكاه ) ويتكون من جنسين ( جنس نهاوند من درجة الرى .. وجنس كرد من درجة اللا ) والبعض يعتبره جمع متصل ليكون جنس الفرع نهاوند من درجة النوا

يعنى لما تسمع ( مقام بوسليك ) تعرف إنك فى النهاوند

وطبعاً إحنا نعرف إن المى بيكار هى البوسليك .. أو المى ناتوريل

لذا نجدهم أطلقوا مسمى بوسليك على نهاوند الرى .. لأنه يستعمل المى بوسليك فى سلمه وليس المى بيمول

وأيضاً هناك الصبا البوسليك .. الذى يبدأ من الرى أيضاً .. ويستعمل المى بيكار بدلاً من المى سيكا



و الحجاز كار موجود في النوتة .. هل فيه خطأ ؟ صعودا و هبوطا ؟


الحجاز كار يستمد إسمه وأسلوبه وقوته .. من أن أجناسه كلاهما حجاز .. وبه بُعد التون ونصف

وهو يختلف عن الحجاز العادى .. الذى يحتوى على بياتى فى جنسه الفرعى

فإذا إستبدلنا السى ناتورل بالسى البيمول .. فإننا نُفقد الحجاز كار الكثير من طبيعته .. سواء كان هذا فى الصعود أو الهبوط على حد سواء

وإذا كان البعض من الباحثين يعتبرون أن جنس الفرع للحجاز كار يكون كرد فى الهبوط ..

فإنهم إعتمدوا فى نظريتهم هذه .. على كون بعض المقامات تختلف أبعادها فى الهبوط عن الصعود

ولكنى أرد عليهم .. بأن مايصلح لبعض المقامات لا يصلح بالضرورة لغيرها

فإذا كنا نعتبر مثلاً أن السى سيكا ( فى حالة الراست ) نستبدلها بسى بيمول

وكذلك الأمر فى سلم مقام العجم .. فإننا نستبدل السى ناتوريل بالسى بيمول

فإن هذا الأمر لا يصلح مثلاً مع النهاوند .. لأننا إذا إستبدلنا السى بيكار بالسى بيمول ( فى حالة النهاوند الطبيعى )

لأصبح نهاونداً أخر هو النهاوند الكردى ..

وفى حالة الصبا مثلاً .. فإن الجنس الأصلى يتغير تماماً فى منطقة الجوابات ليكون حجاز من درجة الدو الجواب ( الكردان )

ومن هذا المنطلق .. لا يجب علينا أن نعمم مانعرفه على جميع المقامات .. فلكل مقام طبيعته وأسلوبه المميز

وعموماً .. كل هذا الكلام .. غير ملزم للمؤلف الموسيقى أو الملحن .. فإن من حقه كسر كل هذه القواعد والإلتفاف حولها

يعنى إحنا نوجع قلبنا فى النقاش حول القواعد ويصل بنا الحوار والنقاش إلى أن نمسك فى خناق بعضنا

بينما إخوانا الملحنين يضربوا بهذه القواعد عرض الحائط .. ولا يلتزموا بها فى أغلب الأحيان

[guest]

انا عارف ان احنا خرجنا عن الموضوع

و لكن عذري ان حضرتك حللت العمل و مفيش حاجة تتقال زيادة و مكتفي ب بالتحليل اللي اتعمل

و لكن انا احب لو فهمت حاجة اتأكد انها صح

انا هارفق نوتة
علي اساس فهمي من حضرتك
1.مقام الكورديللي
2.مقام حجاز كار ب طريقتين العادية و الاختلاف في النزول
و لي كلمة احب اقولها .. انا متفق معاك , بالنسبة لي في النزول الاختلاف في النزول ما يعملش مشكلة ! دا نص تون الفرق , حتي في نفس العمل ممكن استخدام الاتنين انا مش شايف فيها حاجة يعني , و ممكن استخدامها ك تنويع
و الحجاز الاصلي العادي ليه طعم تاني خالص عشان متشرق في الجنس البياتي زي ما ذكرت .. ملناش دعوة بيه دلوقتي مش موضوعنا
يعني ممكن نقول الحجاز كار في النزول في جنس الفرع حجاز و فيه رأي تاني انه كرد و مفيش مشاكل , مفيش تعصب
زي سلم المينور فيه هارمونيك و عادي و انت نازل تغير و لو ما غيرتش عادي يعني انت و احساسك
المشكلة ممكن تبقي مثلا لو غيرت من نهاوند ل ماهور او راست , يبقي الجو تغير تماما

انا عملت النوتة ب طريقة الجنسين المنفصلين عشان اوضح ( ونسيت موضوع البوسليك دا خالص بما انه نهاوند و كمان علي الري مش تبعنا خالص ) و احب اتأكد ان اللي عملته كدة سليم

و بمناسبة العجم .. ايه الفرق بينه و بين الماهور ؟ مش الاتنين سلم الماجور طالع نازل ؟ و لا فيه اختلافات ؟ عشان شوية الاقي ان هما زي بعض و في كتب تانية الاقي فيه اختلاف في الدرجة السابعة
انا مش بتكلم عن التلحين او التأليف .. في التأليف انت حر , اضرب شقلباز .. الميلودي كل الابعاد مسموحلك بيها
و لكن الاستقرار علي القاعدة و بعدين تكسرها هو دا الصح من نظري

شكرا يا استاذ محمد و مفيناش من زعل و لا ضرب نار
تحياتي و تقديري

[الألآتى]

مافيش مشكلة فى كون جنس الفرع عند الهبوط كرد .. مافيش أى مشكلة

إحنا قلنا إن القواعد موجودة للإستدلال بها وليس التقيد الملزم ..

لكننا فى هذه الحالة سنكون فى مقام جديد .. فكما نعرف جميعاً أن المقامات الشرقية لا حصر لها

المقام الجديد سيكون ( حجاز عجمى ) مصوراً على الدو

لأن الحجاز العجمى يتكون من جنس حجاز وجنس كرد .. نعمل إيه ساعتها بقى ياسى إيهاب

لسه مصمم أن جنس الفرع كرد عند الهبوط ..

نيجى بقى لسؤالك بخصوص الفرق بين العجم والماهور

العجم معروف ياعم إيهاب .. جنس عجم .. وجنس عجم برضه

لكن الماهور من فصيلة الراست ياعمنا

يعنى جنس راست وجنس عجم .. مافيش قرابة خالص إلا فى جنس الفرع .. ودى قرابة من بعيد

العبرة بجنس الجذع

أنا بصراحة مش عارف إنت بتجيب المعلومات دى منين ..
مؤكد إنت بتجيبها من كتب ( مشمومة ) :mdr:

[انور الحارث]

-لايوجد لزم بالاغنية

-لاكورس-لااأهات

طرب وغناء واظهار العرب والحليات بالغنااء

والاغنية بالعشرينات تحت اى شكل من اشكال الغناء استطيع ان اصنفهااا؟

ام اغنية قديمة وخلص؟

لانهااا بصراحة عم توحى كانهاا دور

[guest]

انا مش مصمم علي موضوع النزول انه يكون كرد !
انا كنت فاكر ملهاش اسم و ان فيه رأيين .. و انا من انصار لو فيه رأيين و الاتنين شغالين قول الاتنين و قول فيه ناس تحسبها كدة و فيه باحثين شايفين كدة .. مفيش تصميم علي رأي عندي
و كلامك صح القواعد مش للتقيد ..للاستدلال , لما بعمل موسيقي مش بقول انا هاطلع من هنا و ادخل من هنا , مش بحسبها و بسيب نفسي لاحساسي .. بحسبها بس بعد ما اخلص الميلودي عشان احط الهارموني و الكونتربيونت لو عاوز
في الميلودي لو انا عطلت و مش عارف اعمل ايه .. ساعتها ارجع للقواعد
يعني لو الحجاز كار و هو نازل او طالع جنس الفرع كرد
ما تعملش حاجة يا محمد بيك , سيبني عليهم
كدة بقي حجازعجمي .. صح كدة ؟
عجمي بقي ( بيطاش و لا هانوفيل عشان تعبتونا معاكم ! )
انا مش فاهم الكتب هي اللي مشمومة .. و لا اللي كاتبنها بيشموا , و لا انا اللي مش بعرف اقرا عربي ! و كتب كتير وحياتك
اجيب احسن من كتاب البشير ايه طيب ؟! و المؤتمر بتاع سنة 19 حاجة و تلاتين دا ! مش بقولك حاجة تغيظ
خلاص العجم عجم .. يعني دو ماجور , صح كدة ؟
و الماهور من فصيلة الراست .. جنس الاصل راست يعني التالتة مي كاربيمول , و جنس الفرع عجم يعني السي نازلة ناتورال حساس للدو تاني عشان لو هو جنس الفرع راست .. بقي راست مش ماهور
و الماهور , السي في جنس الجذع .... يييه ... قصدي جنس الفرع ممكن في النزول يبقي سي بيمول او سي ناتورال حساس .. من غير خناقات .. تبع رأي بعض الباحثين

تشكر يا محمد بيك .. دانا لسه هاوريك الشم كله , بس في مواضيع تانية .. ملحوقة :)

[guest]

الدور

مذهب و غصن

طبقا ل تعريف الدور .. يكون فيه كورس
بس فيها اهات يا انور باشا .. دا عبد الوهاب هرانا حليات و اهات , مش كفاية الكروماتيك طالع نازل ؟
الاغنية مش خفيفة , ما ينفعش نقول عليها طقطوقة !

مش عارف
ممكن نقول دور ؟
و ممكن نقول
اغنية قديمة طربية و خلاص ؟ ... ورانا شغل كتير

خالص تحياتي

[guest]

محمد بيك

قابل عندك كدة النوتة

و قوللي الكلام كدة سليم ؟

تحياتي و تقديري

[الألآتى]

-لايوجد لزم بالاغنية

-لاكورس-لااأهات

طرب وغناء واظهار العرب والحليات بالغنااء

والاغنية بالعشرينات تحت اى شكل من اشكال الغناء استطيع ان اصنفهااا؟

ام اغنية قديمة وخلص؟

لانهااا بصراحة عم توحى كانهاا دور

ياعم ماتوجعش قلبك .. سميها مونولوج وخلاص .. وهذا قالب معروف للأغانى الفردية .. وممكن يكون بدون كورس

[الألآتى]

محمد بيك

قابل عندك كدة النوتة

و قوللي الكلام كدة سليم ؟

تحياتي و تقديري
مافيش مشكلة فى النوتة .. حتى إذا تغير جنس الفرع لنهاوند مع الماهور .. برضه مافيش مشكلة .. لأن العبرة بجنس الجذع .. طيب ماهى الحكاية دى بتحصل مع العجم .. مابنقولش ليه إن جنس الفرع إتغير لنهاوند عند الهبوط

وكذلك الحال بالنسبة للراست عند الهبوط ..

الكلام ده لما نلاقى إن المقام تحول لمقام تانى موجود فعلاً

وإذا بحثنا فى المقامات الشرقية مش حانخلص .. لابد من شئ من المرونة

[الألآتى]

تشكر يا محمد بيك .. دانا لسه هاوريك الشم كله , بس في مواضيع تانية .. ملحوقة :)


تحت أمرك ياحبيب قلبى ..

[انور الحارث]

بسم الله نبدأ فى تحليل أغنية ( كلنا نحب القمر )

كلمات : أحمد عبد المجيد

ألحان وغناء : محمد عبد الوهاب

بداية يجب أن نعرف أن العمل تم تلحينه فى العشرينات .. أى فى بدايات عبد الوهاب التلحينية

وكان التركيز على الطرب والغناء أكثر من التركيز على الموسيقى .. بدليل هذا الكم الكبير من العُرب والحليات بجميع أشكالها فى الغناء

إختار عمنا ( عب وهاب ) مقام الحجاز كار كرد ليصوغ منه لحنه .. ويكون هو المقام المسيطر الذى يبدأ منه ويعود إليه طوال العمل

ولمن لا يعرف الحجاز كار كرد .. هو الكرد نفسه لكن من درجة الدو .. وسبب تسميته أنه من نفس درجة الحجاز كار

والبعض يسميه ( كورديللى )

المهم .. مقدمة موسيقية قصيرة من نفس المقام وبألآت موسيقية قليلة جداً وبسيطة

والميزان الإيقاعى بسيط ( 4 / 4 ) .. ويغنى عبد الوهاب من نفس المقام ( كلنا نحب القمر .. والقمر بيحب مين )

ومن أولها نتعثر فى مصائب عبد الوهاب التلحينية .. الراجل بيقول ( كلنا نحب القمر ) من الكرد ..

ييييه .. الحجاز كار كرد ياسيدى .. ماتزعلش

المفروض فى مسار سلم الكرد .. أننا نستعمل الرى بيمول .. لكنه يأبى إلا أن يدهشنا من أول جملة

فيستعمل الرى بيكار ( البيضاء على البيانو ) أو كما نقول ( ناتوريل ) وهو يقول ( نحب القمر )

يعنى من تانى كلمه .. ماعندوش يامه إرحمينى

طيب وبعدين .. نكمل ..

هل إكتفى عبد الوهاب .. أو سابنا ناخد نفسنا .. حاشا ياباشا .. مش ممكن طبعاً ..

نجده يقفل الجملة الغنائية على درجة معلقة .. غير درجة ركوز المقام

نفسر الحكاية دى

معروف أن الجملة الموسيقية أو الغنائية عبارة عن سؤال وجواب

فنجده يقول ( كلنا نحب القمر ) هذا هو السؤال .. وبعدها يقول ( والقمر بيحب مين ) هذا هو الجواب

المفروض أن ينهى الجملة اللحنية على درجة ركوز المقام ( قرار أو جواب مايهمش )

لكنه كعادته ومن بدايات أعماله .. نجده يخرج عن المألوف .. فبدلاً من أن ينهى الجملة على درجة الدو ( درجة ركوز الكرد )

نجده أنهاها على درجة السى بيمول .. لييييه .. سنعرف بعدها ..

لأنه سيبدأ الجملة التالية من السى بيمول ( حظنا منه النظر ) ولأنها أيضاً تحويلة لمقام البياتى

ويعود للكرد مرة أخرى عند ( فيك أنينه يلومنى فيك ) ..

وأترككم قليلاً لتستمتعوا معى بـ ( عذبه ) فهو يصول ويجول فيها ( مطرب بقى ) من البياتى أيضاً

ويعود مرة أخرى للكرد مع ( أعيش بأمل إنك يوم تصفالى ) ويظل معه للنهاية

لكننا وحتى النهاية نسمع ونستمتع بكم رهيب من الحليات الغنائية من بداية ( ماتقوللى إزاى أنساك .. لا أنا طايل تعذيب فى هواك )

فنجده يكرر الجملة ثلاث مرات وكل مرة بشكل ..

إسمعوا معى ( يسلاك ) وصعوده لجواب النوا ( سهم )

ثم نسمع السلم الملون ( كروماتيك ) عند ( يسلاك ) أيضاً عند الإعادة

وينهى الأغنية عند درجة الدو ( ركوز المقام ) ليؤكد لنا أنه يعرف درجة ركوز المقام .. وماكانش تايه عنها

أرجو أن أكون وُفقت فى هذا التحليل المتواضع

اتوجه بالتقدير والشكر الى معاليكم ياباشاا
الحقيقة ابدعتم بالتحليل
استفدت كثيراا من اجوبة الاسئلة
التى قدمتهاا بدقة عاالية وتركيز شديد
الشكرالجزيل ايضاا للاخ العزيز ايهاب لم يقصر
والله يعطيكم الف عافية
انور الحاارث

[الألآتى]

اتوجه بالتقدير والشكر الى معاليكم ياباشاا
الحقيقة ابدعتم بالتحليل
استفدت كثيراا من اجوبة الاسئلة
التى قدمتهاا بدقة عاالية وتركيز شديد
الشكرالجزيل ايضاا للاخ العزيز ايهاب لم يقصر
والله يعطيكم الف عافية
انور الحاارث




العفو أخى العزيز أنور ..

وإلى اللقاء فى تحليلات أخرى

[انور الحارث]

العفو أخى العزيز أنور ..

وإلى اللقاء فى تحليلات أخرى






إن شاءالله ياباشاا



...........