ما اقدرش أحب تانى

[ام مدحت]

(ما اقدرش احب تانى)
كلمات/أم مدحت الشرقاوى
لحن وغناء أ/محمد الألاتى


مكتوب على شط قلبى
ما اقدرش أدّيك حنانى
انا شوقى زمان نهيته
بالحب الأولانى
خلــّينى بقلبى حٌرّه
ولا أحسْ بلحظه مٌرّه
دا أنا عيشت الحب مرّه
ما اقدرش أحب تانى
,,,
ما اقدرش أكدب عليك
والزّاى ح انسى اللىّ فات
وصراحتى مابين ايديك
أحسن لى من السّكات
العشْ انهار ياطيرى
روح شوفلك حدْ غيرى
لا ف يوم حاتحسْ خيرى
ولا تتـْهنىّ بحنانى
د أنا عشت الحب مرّه
ما أقدرش أحب تانى
,,,
ماتعوّدتش ياغالى
أعشق من غير ضمير
وأوصف بالكدب حالى
أو قلبى يساع كتير
دانا احساسى وصراحتى
فى هوايا همّا راحتى
ولا يوم ترْخص بضاعتى
لو حتى الشوق نادانى
دا انا عيشت الحب مرّه
ما اقدرش أحبْ تانى
,,,

[سعدالشرقاوى]

كلمات جميلة
ولحنا عبقريا
كل التقدير لكم
اخى الاستاذ ابوحسام
لكم التحية

[ام مدحت]

يعنى يا عمده كل الشكر والتحية لأبو حسام
وانا ماليش اى شكر
طيب دا انا بافول ما اقدرش احب تانى
عموما كل واحد منه لله هههههههههه

[الألآتى]

ياستى إنتى ليكى تحية من نوع خاص .. حاجات عوائلية يعنى

ربنا يخليكو لبعض ويبارك لكم فى أولادكم

[عبدالعزيز كايد]

.

المبدعه
ام مدحت
ما شاء الله
لوحة فنية رائعه
اسجل حضوري واعجابي
دمت ودام الابداع




.

[حمدى شبانة]

ربنا يسعدكم زى ماأسعدتونا

طبعاً أنا بقول هذا الكلام
للفنان الملحن الجميل
الأستاذ محمد الآلاتى

والشاعرة الرائعة دائماً
الأستاذ أم مدحت

ربنا مايحرمناش من أعمالكم الرائعة

أخوكم حمدى شبانة