3 اقتراحات و استفسار

[guest]

1.بالنسبة ل ركن النوتة
بعيدا عن المواضيع المثبتة و رغم بعض التحفظات علي سيره و نظامه و في نفس الوقت تفهم الوضع انه قائم بالجهود الذاتية ..
من وجهة نظري الموضوعات خارج المثبت , محتاج غربلة كاملة حيث ان هناك مواضيع قديمة لا يشاهدها احد تقريبا و المشاركات داخلها مش اكتر من 3 او 4 مشاركات و بالشكل دة عدد صفحات الركن نفسه كتيرة علي الفاضي و بيصعب البحث عن النوت .. اقتراحي هو نقل كل المواضيع و النوت و المشاركات الي موضوع مغلق و نديله عنوان مثلا ( نوتات متفرقة او اي اسم تختاروه )
و الموضوعات الجديدة كلها تكون في موضوع جديد اسمه ( نوتات متفرقة 2 ) .. و لا يتم السماح مجددا بفتح مواضيع جديدة او وضع نوت جديدة الا في الصفحة المذكورة .. و يكون لطاقم الاشراف الرأي و الحق في فتح موضوعات جديدة في حالة مثلا ظهور مدون جديد و جدير بالثقة و في الحالة دي يتم التثبيت

[guest]

2.الصفحة الرئيسية - أصحاب الريادة والأعلام

طبعا مصر ليها الريادة ( لأني لاحظت انهم كلهم من عندنا ) .. و لكن من اصحاب الريادة برضه عثمان الموصلي .. ليه مش موجود في اصحاب الريادة ؟ اقترح فتح موضوع باسمه و هناك الكثير من الاصدقاء العراقيين ربما يكون عندهم تسجيلات نادرة او صور او ما شابه ليتم تجميع تراثه زي سيد درويش
و نفس الوضع بالنسبة ل داوود حسني ( هل استبعاده متعمد بسبب اصوله اليهودية ؟ ) .. داوود حسني كان من فلتات الزمان الموسيقية

[guest]

3.موجود في ركن سيد درويش ( نوتات سيد درويش ) .. نوتات كتيرة مبهمة و بعضها مليان غلطات
لأني لاحظت مثلا ( دور انا هويت ) مكتوب علي مدرجين صول و فا ( اظن و ليس كل الظن اثم ان سيد درويش ماكانش بيكتب نوتاته للبيانو !)
ليه محدش يعيد كتابتها و يصلحها لو فيه اخطاء علي احد برامج التدوين عشان تكتمل الاستفادة ؟
و لا النوتات دي صور نادرة بخط ايده محطوطة للذكري ؟ علما ان فيه نوتات بتوقيع و تدوين جميل عويس ( موسيقار كبير و كان يدون ل عبدالوهاب ايضا )
يعني ممكن احد المشرفين يوزع ادوار عمل علي المتطوعين الراغبين في المساهمة
يعني لو كل واحد اعاد كتابة نوتة هنخلص في اسبوع و لا 2

[guest]

الاستفسار

بالنسبة للمدونين الافاضل
ليه في تدوين النوتة لا يتم ذكر صاحب العمل ؟ مطرب و مؤلف و ملحن ؟ او علي الاقل بما انه تدوين موسيقي يتم كتابة الملحن او المؤلف الموسيقي من باب الامانة العلمية .. لأن لو واحد ملوش في المزيكا و اديتله النوتة هيفتكر انها من تأليف المدون خاصة انه حتي المدون مش بيكتب انها تدوينه ! بيكتب اسمه و خلاص .. مش ها تخسر حاجة لو كتبته في اخر الصفحة يعني .. يعني لو حصلت كارثة كونية ( لا قدر الله ) و كل حاجة ضاعت و لم يتبقي غير النوتات .. يضيع
اسم صاحب العمل الاصلي ؟ و المدون يأخد مجد مش بتاعه ؟ و يشار الي المدون انه عبقري تاليف او تلحين مع انه فقط قام بالتدوين ؟
الحاجة التانية .. اعتقد ان الاولوية في التدوين تكون للاعمال القديمة الغير مدونة للحفاظ عليها مش علي حسب المزاج و النوت اللي موجودة اصلا في المكتبات و المحلات في وسط البلد !

كان عندي استفسار كمان بس نسيته دلوقتي .. لما افتكره هبقي اكتبه :cool:

[سماعي]

لا اجد ما ارد به عليك لتبرير هذه النواقص
لك الحق في كل ما قلته ، ولقد صار حوار بين المشرفين على الاقل في موضوع النوت الموسيقية ووحد الزملاء ان يعملوا على تنقية القسم وهم بصدد تنفيذ ذلك وهذا العمل يحتاج جهد ووقت لا اضن ان هذا الشهر الكريم يساعد على هذه المهمة الصعبة
اما بالنسبة لداود حسني فلنا صفحة في قسم الرواد بها القليل من الاعمال التي تمكن الاعضاء من الحصول عليها فحسب علمي تسجيلاته شحيحة جدا واغلبها مفقودة، وهذا رابط الصفحة
http://www.sama3y.net/forum/showthread.php?t=241

اما عن باقي ما ذكرت من فنانين فنحن نعمّل دائما على الاعضاء فهذا المنتدى نشأ وترعرع وكبر بأعضائه ومساهماتهم وليس لدينا اي تحفظ على اي فنان ساهم من قريب او بعيد في كتابة تاريخ الفن العربي الاصيل
كل الشكر والتقدير

[guest]

لا اجد ما ارد به عليك لتبرير هذه النواقص
لك الحق في كل ما قلته ، ولقد صار حوار بين المشرفين على الاقل في موضوع النوت الموسيقية ووحد الزملاء ان يعملوا على تنقية القسم وهم بصدد تنفيذ ذلك وهذا العمل يحتاج جهد ووقت لا اضن ان هذا الشهر الكريم يساعد على هذه المهمة الصعبة
اما بالنسبة لداود حسني فلنا صفحة في قسم الرواد بها القليل من الاعمال التي تمكن الاعضاء من الحصول عليها فحسب علمي تسجيلاته شحيحة جدا واغلبها مفقودة، وهذا رابط الصفحة
http://www.sama3y.net/forum/showthread.php?t=241

اما عن باقي ما ذكرت من فنانين فنحن نعمّل دائما على الاعضاء فهذا المنتدى نشأ وترعرع وكبر بأعضائه ومساهماتهم وليس لدينا اي تحفظ على اي فنان ساهم من قريب او بعيد في كتابة تاريخ الفن العربي الاصيل
كل الشكر والتقدير

استاذ محمد المحترم
او
سماعي

1.اعتذر عن التأخير في متابعة الرد ..

2.شرف كبير ان حضرتك شخصيا ترد عليا ...
و احب اشكرك شكرا جزييلا جدا جدا علي سماعي
و اشكر كل مساهمات الاعضاء من جهود .. جهود جبارة بمعني الكلمة .. و انا شخصيا فخور ان فيه حاجة اسمها سماعي
المجهود المعمول جبار
و التنظيم المعمول ب جهود فردية علي العين و الراس
فقط اتمني يكون فيه unified system
عشان تكتمل الصورة تماما
يعني مثلا
قسم سيد درويش
في منتهي التنظيم و حاجة عظيمة
و فعلا .. بالنسبة للنوت .. اتكلمت مع استاذ عادل مباشرة علي اقتراحي باعادة تدوين حاجات سيد درويش , و رحب و بدأ بالفعل .. و أول الغيث قطرة .. بل و تشجع ايضا اصدقاء تانيين بتدوين حاجات سيد درويش .. و طوبة طوبة البناء هيكتمل ان شاء الله

اشكرك مرة تانية علي ردك الكريم
و اشكرك مليون مرة علي انشائك سماعي

تحياتي و تقديري ل حضرتك و كل سماعي