تسجيل الدخول

مشاهدة النسخة كاملة : وعد

محمد الشافعى احمد
04/07/2012, 17h54
اهل سماعى الكرام
اقدم لكم هذه الخواطروالتأملات الانسانية المتواضعة
كما واننى اشكر كل من تفضل وشرف اعمالى بالمنتدى
يحضوره الكريم .. تحياتى للجميع

------------
وعد
------------
اصل الحنان انسان .. بالحب كان مأمور
يزرع زمانه أمان .. يروى السنين البور
يدعى فى كل آذان .. للخالق المشكور
------------
خلق الحياة بستان .. فيه الامل مبدور
والحسن فيه الوان .. والحب كاس بيدور
والخير فى اعلى مكان .. والحق سيف مشهور
------------
فين لما كنت جنين .. باحلم أشوف النور
مين كان معايا مين .. خلف الحجاب مستور
غير بس رب أمين .. غير بس رب غفور
------------
وان كنت فيها غريب .. ريشه فى وسط بحور
شط الامانى قريب .. للى يحب يزور
هتلاقى عنده حبيب .. حلمك معاه ميسور
------------
والحلم ما له شهود .. الا بنات الحور
لما فى يوم ها تعود .. تقرا كتاب منشور
والوعد والموعود .. جوه الكتاب مسطور

UUUUUUUUUUUUUUUUUUUUUUUUUUUU
جميع الحقوق محفوظة
سعدالشرقاوى
06/07/2012, 22h27
والحلم ما له شهود .. الا بنات الحور
لما فى يوم ها تعود .. تقرا كتاب منشور
والوعد والموعود .. جوه الكتاب مسطور

كلمات رائعة
سلمتم اخى الاستاذ
محمد الشافعى
بارك الله فيكم
خالص تحياتى
محمد الشافعى احمد
08/07/2012, 15h14
استاذنا الكبير شاعر الاصالة
صوت الريف المصرى الجميل
سعد الشرقاوى
اسعد الله اوقاتكم كما اسعدتنى بكلماتك الرقيقة
وحفظكم ضميرا ونصيرا للمستضعفين
مع شكرى وتقديرى