الشاعر رويعى موسى الفاخرى

[محمد بوشيبه]

الشاعر الكبير رويعى موسى الفاخرى



http://www.sama3y.net/forum/attachment.php?attachmentid=274985&d=1321942119



مانك غريب اصداف ..اندزك انكان انطول فى لولاف ..تعال يالى

[صلاح الرشيد]

عشرين عام ما تقول غايب دقيقة .. بو شفة رقيقة .. جاباته علي وان غفلة طريقة


الرويعي موسي

[صلاح الرشيد]

الرويعي موسي الفاخري





يا بن علي انذهلت من الناس والدهر .. ودرهت الكبد وزاد نفسي حيارها


سبحانه اللي ما زلت نوخذ بالغرر .. وناس واجدة مازلت مذهب اخيارها


وانا عند روحي كنت عراف بالسير .. واجيال عاقبت الاجيال قاري اصفارها


وضاحك ولاعب في مواعيد السهر .. وشاكي و باكي عبرتي يا احرارها


طايل علي الليل ما شاب وانهتر .. نين لحيتي م المر شيب سمارها


قاصر علي الليل جوزاء في الندر .. مقباس فيد جرايه علي بيت جارها


مقيولة اللي عراف في روحه ضمر .. طريق ناعرة للجهل لاقط مسارها


بلا نقط هــ الزمان يكتب ع الظهر .. ولا هــ الكتيبة بيت نعرف اسرارها


واصبحت نتهبك فيه ما بين الحفر .. ونا قبل شور النجم عيني ندارها


ولقيت روحي فيه نوقع في العثر .. وندير في اشياء ونلوم غيري ان دارها


ونجامل ونا مرات في نفسي غثر .. وخطاي ع الوفاء بالوعد تقصر اشوارها


ونقفل علي الزقوم ونحق في الضرر .. بعيني وعيني ما تبين انكارها


ع الباطل ان كان حكيت نحكي في الصدر .. وقول الحقيقة همس خايف اجرارها


ونكولس مع دنو القبيله منجبر .. ونزكي دنوع النفس في شان كارها


وبحقه علي الوطن ماني معتبر .. تقول ليبيا ما يهمني في عمارها


وغيري يجي شحات بايدات م السفر .. اثيابه علي جلدة تعبس انغارها


اتهينه ايسن اوقات ويغض النظر .. وان تقرض بلادة جاء العين نحمارها


وانرافق اللي في دي فتو في البعر .. وانا نياهم في عارف اغمارها


يتلاقن ايديهم في قصاعي ع النقر .. والسنهم ونا غايب كلني شفارها


ونقول في كلام الناس ونحود ع الحظر .. م الزيف المبهرج في ثناوي اخبارها


ان قالوا ان ريت فلان ع النار كي حدر .. علي كوت والحربة يلهلب شرارها


والاخر اللي في السرد ما بي ينذكر .. في النار اندفس حفيان وقت انسعارها


وذابح الثني م الضان في الوطن ينشكر .. وذابح الدجاجة فيه يلصاق عارها


حتي وهي حدود الكسب الامال في النشر .. ولا في شقيقة بات عازق ابذارها


تطاوي لها الاذيال وانا منفقر .. وخوفي ان كان غنيت ننزل اديارها


ويجي الكفر والطغيان في ساعة الظفر .. والموت في جناح النمل ساعة مطارها


وراقد الريح اوقات بالطيب ينشهر .. وهو لو نهار يشوخ يخرب قرارها


حتي وهو كلامي شبهة النقر ع الدبر .. تداوي جروح اوقات بينت عوارها


بلا قناع بالك خير من ثورة الشعر .. ولا قناع حجالة يلاون خصارها


مفهوم اختلاف الراي سنة في البشر .. واللي له فرس في وين ما راد سارها


مرات هــ الظروف نكون منهن مندقر .. وغيري بقوة عين حاصد افخارها


من قال الغراب يريد لونة ينتور .. وذهبت (احذان قاته) وين دارها


وما يكون طربازي علي الطير مفتخر .. بلمعة سواد الريش خاطف ابصارها


وتقول في حجايج بيض وبهن تعتذر .. الناس ع الزلل واوقات تقبل عذارها


ولولا لسان الذيب لا قالوا غدر .. لو ناره الجوع ايقول ضقتو امرارها


و قايل يقول ان ردت بالمجد تنتصر .. دروب العوج لابد ترقي اخطارها


وتخش سوق من للمال يحنو في الظهر .. واثمان المبادي فيه بخسن اسعارها


وتخلي العاجز بين الاحداث منبهر .. لسان في لهاه وما تجي من اضرارها


لا وحق من لقح بالارياح للمطر .. اثقال السحاب بهبو كثف ابخارها


في نفسي غراض اكبار ما لهن شئ حكر .. ولو عمر نوح نعيش يقصر اعبارها


ما بالك حياة بعمر بدري ينبثر .. ضبي الحمار حشاك (بيس اندبارها)


() الفتاة قاتله تعفف والعصر .. شومة جراير غر ساعة غرارها


من قال عندي خير نفني وننقبر .. ولا ميسم الغزاي شعوط اوبارها


وما من اللي منواه دانية الثمر .. اسنون الحنش نبت وما جاب ثارها


وعقاب النهار نقول ما تقيمشي جرر .. فانية اللي في الناس بين غرارها


ولو كان فيها خير ما تلين للكفر .. وتكضّم علي الاسلام ضيقة حبارها


ومزنتها علي ملح الجلادي تنهمر .. وما من مري عطشان راجي امطارها


وكمين كاينه الوجوه منها تنصفر .. عطتها لضحكه صافية من غثارها


ومامن طرابة بين رنات الصفر .. ورقص الجواري بهنكن في اشعارها


خذاهم عدو كيف الجراد المنتشر .. من قبل عين الديك يفتح صفارها


وعدو علي حجاز علي بارد الشفر مخالب الموت الحمر فكن اشفارها


كلتهم الشمس اوكال والطير بالنقر .. فوقهم ذيول الريح صفن اغبارها


وباتن علي روس اليتامي في الصحر .. وكمين ارملة تمسح ومنصوب طارها


تمنيت عندي قلب منحوث من حجر .. نين هــ الدنيا ما نحس بغيارها


تاعباتني مساء وصباح ذايبات ع الدقر .. تقال الروانج عاينه في مدارها


والناس م الدهر تشكي ومشكاها اكثر .. وهو اللي يتكلم قال منكم دمارها


خربتو شرايع الارض في البر و والبحر .. وذبحتو حضين دوابها في اوكارها


حرام لا اسلم حيوان لا طير لا شجر .. قيس الحياة قريب تمحو آثارها


من سم طبخكم للشر الاوزون منقعر .. وانسودت مطركم شان طيب ادرارها


وحروب ودمار وظلم وخداع و بطر .. وما من مهالك غبر شلتو اوزارها


يا بن علي مازال لحني ما جبر .. قرار وجواب ترف نفسي اوتارها


نلقاني مليت م الورد والصدر .. وشرب السوايا من منقي اخيارها


الله والعلم بركان ويريد ينفجر .. غياضي اللي مازلت كامت افوارها


علي من سعو لا ذاي في سته صفر .. وعقولهم علي سطاش بذلن افكارها


اللي ينبحو في نبحة الكلب ع القمر .. ويبو الشمس بالغربال تحجب انوارها


ولكن انزال الصقر علي بوم الصير .. مريب الجناح ان هف تخفض اطيارها


ويطير حشوها م الثلب وقتن ما هدر .. وقصعة الجرة نين تقطع اجرارها


ناخذهم بعون الله وخذة مقتدر .. يمينها عصاي تشط فيهم يسارها


وان تكبر العين الغامزة في بالشجزر .. ويطير السواد منها ونا في اصدارها


طال العلل يا شيخ راقي ومنحدر .. حكاية تطول تغيب نكهة اثمارها


ما لقيت كيف الصمت يوجز في الخبر .. وكبار المعاني هو حدود اختصارها

[محمد بوشيبه]

ياخبار لولاف لقدم
راك تقول خانوا عهدهم

الرويعى الفاخرى

[محمد بوشيبه]

شوق الغلا ياريم

الله الله لوكان الزمان سقيم

نلقاهانك

مقطع

[محمد بوشيبه]

هبت الريح من بحرى
جابت انفاس الغالى

إزلزل طاحن اسيرى
وان حلن ترابس اقفالى

معا براد جلن ظهرى
سمهن برد فى اوصالى

استماع طيب

[محمد بوشيبه]

والت العين مطرها


4091

[صلاح الرشيد]

السفيرة عزيزة


نلقاني صريع الغلا من اولها .. ونقول يا الخلاص خلص وحلها

الرويعي موسى الفاخري

[صلاح الرشيد]

ويش خير من ود تصدق اشواقة .. وجلسة رواقة .. وجوب الخلا مع خيار الرفاقة


الرويعي الفاخري

[محمد بوشيبه]

نرجى فى موعد نا وغالى
وقبل الوقت مايحين بدقيقه

ناهى لمر ومبيت مقالى
غيضى سيل حيد من طريقه

قلت اساع انقوله ياتغالى
كيف ماهى تغالى ها الخليقة

يامن توا نقطعهن احبالى
ماعاد فيك تلزمنى عليقه


الى ألأستاذ صلاح الرشيد

[محمد بوشيبه]

قصيدة السفيرة عزيزه

عليش ليش يا قلب خفــّـاق
اليوم طــاير الا اطيارة

وبين عوج لضلاع صعفاق
والشوق شايطة فيك ناره

اغلبت عادتك يا العشّــاق
وعاودت النظر في انظاره

نين نفـّــــذن فيك مزراق
ابقيت ترتعد من احراره

هـــــذي خاتمة خطف لرماق
واتصنت قلوب العذارى

تسجيل مختلف ... من روائع القصيد

[صلاح الرشيد]

إهداء للاستاذ محمد بوشيبة



كل يوم بليقه .. عزيز في الغلا خلّا العين شريقة .. تداول ارياها

الرويعي موسي الفاخري



ملاحظة :- قصيدة السفيرة عزيزة هي قصيدة (نلقاني صريع الغلا من اولها )

[محمد بوشيبه]

ويش خير من ود تصدق اشواقة .. وجلسة رواقة .. وجوب الخلا مع خيار الرفاقة


الرويعي الفاخري


جلسة اخرى
لشيخ صلاح الرشيد

[محمد بوشيبه]

ويش خير من ود تصدق اشواقة .. وجلسة رواقة .. وجوب الخلا مع خيار الرفاقة

الرويعي الفاخري




تعليق الدكتور سليمان الساحلى على هذه القصيدة الرائعة
استماع طيب

[محمد بوشيبه]

السفيرة عزيزة
نلقاني صريع الغلا من اولها .. ونقول يا الخلاص خلص وحلها
الرويعي موسى الفاخري



تعليق اخر لدكتور سليمان الساحلى على هذه القصيدة

[عبد اللطيف محمد]

http://www.sama3y.net/forum/attachment.php?attachmentid=333206&stc=1&d=1394804707

[صلاح الرشيد]

انت و الساحلي و الرويعي رائعين بروعه هذة القصيدة ابدعت يا شيخ
كم تمنيت ان اتعرف لهذا الرائع الساحلي

[صالح العوكلي]

استمتعت كثيرا بما مرني من هنا

شكرا لكم

[صلاح الرشيد]

بعد طول غياب مجدداً اهداء للمبدع " محمد بوشيبة "

الشاعر الرويعي موسى الفاخري

كل يوم يزيد .. غوالي خذوا ف العقل شوط بعيد .. غلانا معاهم

[محمد بوشيبه]

بعد طول غياب مجدداً اهداء للمبدع " محمد بوشيبة "

الشاعر الرويعي موسى الفاخري

كل يوم يزيد .. غوالي خذوا ف العقل شوط بعيد .. غلانا معاهم

استاذ صلاح حياك الله واطال الله عمرك ومرحبا بك بعد هذا الغياب تحياتي لك الخاصة واشكرك علي الهدية الراقية من امثالك صلاح حياك الله واطال الله عمرك ومرحبا بك بعد هذا الغياب تحياتي لك الخاصة واشكرك علي الهدية الراقية من امثالك استاذي

[عبدالحليم حمد]

عندما احمل مقطع يتعذر تشغيله ساعدوني ما الحل يا اخوانا