المساعد الشخصي الرقمي

مشاهدة النسخة كاملة : مقطوعة "شمس" -من الحانى وتوزيعى-


sayed_lv
08/01/2012, 19h10
السلام عليكم ورحمة الله وبركاته
*******************
احب ان اقدم لكم اول مقطوعه لى:emrose:
و هى بعنوان
"شمس"
دى مقطوعه قصيره من عزفى و توزيعى 100% على كيبورد الكمبيوتر:crazy: وبرنامج FL Studio العبقرى
و الالات المستخدمه و VSTs
-Piano (FL Keys)
2 String Sections (Hypersonic2)
2 Acoustic guitars (Hypersonic2)
3 Drums
-acoustic normal (FDP)
-acoustic jazz (Drumaxx)
-Oriental percussion(Direct wave)
kanoon (HTT Sika)
2 saxphones
- HTT Sika
- Direct wave
Accordion (purity)
Bass (3x osc)
Pads (Sytrus)

ارجو ان تنال اعجابكم و انا منتظر ارائكم
و ان شاء الله هنزل النوتة قريب بس انا اليومين دول عندى امتحانات:crazy:


SMS

swaifi73
08/01/2012, 19h21
جميلة يا أستاذ تسلم ايدك
ما هي طريقة تحميل البرنمج لأن أتوقع كنت قرأت عنه في المنتدى وحاولت أنزله وفشل التحميل
أنا عندي فيستا ومش كل التحميلات بتنفع معه وهل بتدخل العزف عن طريقة وصلة بين الأورج والجهاز ولا ما هي الطريقة وهل البرنامج يعطيك نوتة بالتوزيع أم توزيع سمعي فقط أسف على كثر الأسئلة

sayed_lv
08/01/2012, 20h58
جميلة يا أستاذ تسلم ايدك
ما هي طريقة تحميل البرنمج لأن أتوقع كنت قرأت عنه في المنتدى وحاولت أنزله وفشل التحميل
أنا عندي فيستا ومش كل التحميلات بتنفع معه وهل بتدخل العزف عن طريقة وصلة بين الأورج والجهاز ولا ما هي الطريقة وهل البرنامج يعطيك نوتة بالتوزيع أم توزيع سمعي فقط أسف على كثر الأسئلة

شكرااا لسرعة الرد:emrose:
و طبعا حضرتك تسأل براحتك احنا هنا فى المنتدى اسره واحده و المعلومه لازم الكل يعرفها:)

البرنامج اسمه FL Studio (Fruity Loops Studio 10.0.0.9) و ده ضمن مجموعه كبيره من برامج التوزيع الموسيقى من خلال الكمبيوتر و المعروفه باسم )DAW) او Digital Audio Workstation ودى فى منها كتيير اوى شوف اللينك دة انا كنت اتكلمت عنه قبل كده
http://www.sama3y.net/forum/showpost.php?p=565977&postcount=5128 (http://www.sama3y.net/forum/showpost.php?p=565977&postcount=5128)
اما بالنسبه للتحميل انا معتقدش ان البرنامج موجود هنا على المنتدى . هو فى برنامج اخر اسمه sonar وده اللى موجود على المنتدى وده برده زى الفروتى لووبز و لكنه اكثر تعقيدا
لكن انا بحمل الفروتى لووبز كامل من ماى ايجى لو حضرتك حابب ابعتلك اللينك بالظبط راسلنى على الخاص عشان الموقع لا يسمح للوصلات الخارجيه هو يعمل على كل انظمة ويندوز و يمكن العزف عن طريق كيبورد الكمبيوتر و دى بتديك اكبر مساحه للعزف اكثر من اى برنامج اخر و هى 2 اوكتاف و نصف .. اى برنامج تانى بيديك اوكتاف واحد وكام نغمه كده .. وممكن ايضا استعمال الوصله الخارجيه و هى اسمها Midi-usb-port"in&out" ودى متواجده بالاسواق عادى بس هى عادة غاليا شويه يعنى فى مصر بتبقى بـ150 جنيه اللى هى الصينى والانواع الكويسه زى الياماها و الكورج بتبدا من 250 جنيه اما بالنسبه للنوتة فهو برنامج فاشل فى موضوع النوتة ده لأنها حاجه جديده عالبرنامج و اتوقع ان شاء الله يظبطوها شويه لأن البرنامج بيطلع نوتة لكل آله منفصله و بيطلعها من غير السكتات يعنى لو حد حب يعزفها هتبقى مصيبه .. يالطبع اللحن هيدمر بس ممكن تعمل لكل آله تراك ميدى و تطلعها بصيغة ميدى و تفتحها على الانكور و بيكتبهالك نوتة
ولو فى اى استفسار آخر انا تحت امركم ... وآسف للاطاله
تحياتى

SMS

swaifi73
09/01/2012, 18h41
أشكرك استاذي على الرد والأهتمام جاري التحميل وحجمه كبير ما شاء الله
ويارب بعد كل هذا الوقت في التحميل يشتغل ويكون كامل
أستاذي تواصلت معك على الخاص وشكرا جزيلا لك

عمرو الهنداوي
09/01/2012, 18h57
ابقى خليك فاكر انى اول واحد فى المنتدى قولت لك انك
فنان وموهوب بس كل شىء بالصبر والعلم يعنى شوية شوية

على فكرة انا عندى برضو فروتى لوبز 10 وتقريبا
عندى كل الخامات اللى انت اتكلمت عنها بس ماعندى ايقاعات شرقية

المهم ياعم المقطوعة حلوة ولو انها صغيرة والفكرة العامة بتاعتها
مش واضحة ودة حيجى بالتعليم والخبرة وتعرف انه
كل مقطوعة لازم يكون لها فكرة محددة رغم انك ابتدت
حلو اوى وقفلت برضو حلو اوى

تعالى بقى للتوزيع

الوتريات كانت اجمل مافى الحكاية سواء عزف الجمل الاساسية
او توزيع خلفى للحن الاصلى

مجموعة الجتيارات برضو كانت كويسة
الاكردايون حلو اوى وعزف جملة حلوة اوى
الايقاعات حلوة لكن كانت مش مسبوطة اوى مع الالحان والتوزيع فى
وسط الاغنية يعنى الايقاعات كانت بتدخل غلط شوية
دة ممكن يتحل من خلال تغير الميزان بتاع الايقاع او الاغنية

كمان خلى الة تانية تقول الجمل اللى فيها تريل
غير الالة المستخدمة

وبشكل عام انت بتقدم بشكل ملحوظ
احياك عليه وبالتوفيق فى الامتحانات
وحاول انه استاذ عادل يسمع ويقولك نصائح فى المقطوعة دى
وكمان استاذ الالاتى هو جامد اوى اوى فى المواضيع دى
لانى انا رايى مستمع وهاوى فقط وممكن كل اللى
انا قولته غلط اصلاا لكن استاذ عادل والاستاذ الالاتى
عازفين ومحترفين وهما يفدوك اكتر منا
و انا واثق انك الجاى احسن واحلى ان شاء الله
بالتوفيق

sayed_lv
09/01/2012, 20h18
عزيزى الاستاذ عمرو:-
انا طبعا مش ناسى ورأيك كان يهمنى اوى
و بالنسبه للايقاعات الشرقيه هى فعلا نادره اوى على الانترنت بس انا عندى كولكشن حلو اوى عندى اصوات منفصله و انا اركب بقى زى مانا عايز و عندى ايقاعات جاهزة كتيير اوى بصيغة rx2 يعنى بتشتغل معاك على اى سرعه بس انا بحب اكتب الايقاع بنفسى لو حضرتك حابب ارفغهوملك انا معنديش مشكله بس مش هيبقى على المنتدى عشان المساحه كبيره اوى و بالنسبه للوتريات اعتقد ان الـHypersonic من افضل اصوات الوتريات وعلى فكره هو فيه كل الاصوات العالميه تقريبا و بشكل احترافى و لكن ينقصه الالات الشرقيه و انا خدت منه الجيتار كمان لأنه بيديك الجيتار بأحساس اوى حتى صوت خرفشة المرايا بعد كل نغمه وبالنسبه لموضوع ميزان الاغنيه فهو بيبدأ ب4/4 بدون ايقاع و بعد كده 3/4 وده فيه ايقاع خفيف وبيتحول لـ6/4 ايقاع اعلى شويه ثم السرعه تتضاعف والايقاع 2/4 ثم ينتقل الى 4/4 مره اخرى فى النهايه يا ريت حضرتك توضحلى الخطأ فى اى جزء بالظبط

وشكرااااااااااااااااااااا:emrose:

Hisham Khala
10/01/2012, 02h32
عمل جميل و شغل موسيقي جيد.

Virtual Instruments المستخدمة ليست عالية الجودة ، و هي أقرب إلي صوت الملفات الميدي ، و هذا لا يقلل من شأن الموسيقي ذاتها و لكن يؤثر علي النوعية.

الديجتال أوديو وارك ستاشن DAW عددهم كبير و كل برنامج بيكون معه حزمه من VST و من المهم أيضاً أختيار الآلات التي ستعزف اللحن و تحديد مكانها علي Stage (المسرح) و ذلك بضبط Pan و ضبط مكان الباص … عشان الاصوات تخرج من السماعات مضبوطة و تماثل الفرقة أو الأوركسترا.

تحياتي لك و إلي مزيد من التقدم.

sayed_lv
10/01/2012, 17h15
عمل جميل و شغل موسيقي جيد.

Virtual Instruments المستخدمة ليست عالية الجودة ، و هي أقرب إلي صوت الملفات الميدي ، و هذا لا يقلل من شأن الموسيقي ذاتها و لكن يؤثر علي النوعية.

الديجتال أوديو وارك ستاشن DAW عددهم كبير و كل برنامج بيكون معه حزمه من VST و من المهم أيضاً أختيار الآلات التي ستعزف اللحن و تحديد مكانها علي Stage (المسرح) و ذلك بضبط Pan و ضبط مكان الباص … عشان الاصوات تخرج من السماعات مضبوطة و تماثل الفرقة أو الأوركسترا.

تحياتي لك و إلي مزيد من التقدم.


الاستاذ الدكتور/هشام خلف
شكرا لتشريف حضرتك للموضوع وعلى المعلومات دى كمان
و منكم نستفيد وان شاء الله المره الجايه يكون احسن

تحياتى:emrose:

الألآتى
10/01/2012, 23h10
عمل جيد خصوصاً فى بداياتك .. ونتوقع أحسن وأجمل فى المرات القادمة

ويكفى أن أستاذنا الدكتور هشام خلف .. شرّف الموضوع وقال رأيه وكلنا نعتز برأيه الأكاديمى المتخصص

فى إنتظار جديدك

sayed_lv
11/01/2012, 18h03
الاستاذ محمد الألآتى
شكرااااااا جدا على رأى حضرتك
و طبعا الدكتور هشام متخصص
بس انا حابب آخد من كل بستان ورده زى ما بيقولو
يعنى اخد رأى كل واحد لأن اكيد كل واحد ممكن يشوف خطأ او عيب غير التانى.

تحياتى لكل اسرة المنتدى