خدتني سنين

[علاء طه ياسين]

خدتني سنين
وراجع تاني لحروفي
بنفس النظرة ف عينية
ونفس الرجفة من خوفي
بيبان الحلم ما اتفتحتش
ولا عود الأماني اشـتد
ولا باتهد
كأن العمر ليل مسجون ف زنزانة
وعاشق كل ما يعدي لحبيبته سـور
يلاقي سور كمان غيـره
بيقطع كل خيط للنور

خدتني سـنين
وآديني رجعت للمرسى
سفينتي لسة بشراعها
وشعري شاب
صحيت فجأة علي همسه
لقيت البنت بتعاند وتهجـرني
وهية كانت الخمرة اللي تسكرني
وهية كانت الهدمة اللي تسـترني
قالتـلي بس لو ترجع
في عيني شباب !!!!!!!!!!!
أكونـلك زي ما تهوى
ونفضل للأبد أحباب !!!!

أنا اللي البحر خد مني ولا إداني
على أمواجه نيِّمْني
وفوق أمواجه صحاني
لحد ما لَفِّتْ الموجة وجات بَّيا
بنفس الرجفة من خـوفي
ونفس النظرة ف عينيا
وآهة حزن ف لساني
وأنا عارف ح أتوه تاني
وحأرجع تاني لحروفي
أحاول أزرع الفرحة
ينبِّتْ حزن ف كفوفي
وح أعمل إيه
آآآآآآآآآآآآآآآآآآآآآآآآآ آآآآآآآآآآآآآآآآآآآآآآه

[NAHID 76]

بسم الله الرحمن الرحيم
الشاعر الحساس علاء
هى كده طبع الأيام وحترجع تانى وحتكتب ومره نعلق وعشرات نتوه ومنعلقش لكن المهم انك تكتب وتكتب لحد ما تنسى انك بتكتب لحظتها حتلاقى الجميع جوه القصيده بتنقد وبتشجع

تحيييياتى

[علاء طه ياسين]

الأستاذة الرائعة
مدام ناهد

أشكرك علي الاهتمام والتعليق
شكرا يليق بمقامك

أنا أوؤمن علي كلامك
وأدعو كل من في المنتدي إلي الدخول والقراءة والرد
أريد أن يعود منتدي سماعي للشعر العامي
كما عهدته سابقا
منارة إبداع

علاء

[ام مدحت]

أنا اللي البحر خد مني ولا إداني
على أمواجه نيِّمْني
وفوق أمواجه صحاني
لحد ما لَفِّتْ الموجة وجات بَّيا
بنفس الرجفة من خـوفي
ونفس النظرة ف عينيا
وآهة حزن ف لساني
وأنا عارف ح أتوه تاني
وحأرجع تاني لحروفي
أحاول أزرع الفرحة
ينبِّتْ حزن ف كفوفي
وح أعمل إيه
آآآآآآآآآآآآآآآآآآآآآآآآآ آآآآآآآآآآآآآآآآآآآآآآه
ودائما مايستوقفنى جمال المعنى
وسحر النظم
فى هذا المقطع
لاشعر اننى امام شاعر
مهمته احياء موروث الشعر الغنائى الجميل
اخى الاستاذ
علاء ياسين
لكم خالص تحياتى وتقديرى

[عفاف سليمان]

خدتني سنين
وراجع تاني لحروفي
بنفس النظرة ف عينية
ونفس الرجفة من خوفي
بيبان الحلم ما اتفتحتش
ولا عود الأماني اشـتد
ولا باتهد
كأن العمر ليل مسجون ف زنزانة
وعاشق كل ما يعدي لحبيبته سـور
يلاقي سور كمان غيـره
بيقطع كل خيط للنور

خدتني سـنين
وآديني رجعت للمرسى
سفينتي لسة بشراعها
وشعري شاب
صحيت فجأة علي همسه
لقيت البنت بتعاند وتهجـرني
وهية كانت الخمرة اللي تسكرني
وهية كانت الهدمة اللي تسـترني
قالتـلي بس لو ترجع
في عيني شباب !!!!!!!!!!!
أكونـلك زي ما تهوى
ونفضل للأبد أحباب !!!!

أنا اللي البحر خد مني ولا إداني
على أمواجه نيِّمْني
وفوق أمواجه صحاني
لحد ما لَفِّتْ الموجة وجات بَّيا
بنفس الرجفة من خـوفي
ونفس النظرة ف عينيا
وآهة حزن ف لساني
وأنا عارف ح أتوه تاني
وحأرجع تاني لحروفي
أحاول أزرع الفرحة
ينبِّتْ حزن ف كفوفي
وح أعمل إيه
آآآآآآآآآآآآآآآآآآآآآآآآآ آآآآآآآآآآآآآآآآآآآآآآه

وها هو ذا
عاد شاعر الاغنيه الجميله
والكلمات الرقيقه
اخى الشاعر
(((((أ.علاء ياسين))))):emrose:
نورت بيت الشعر من جديد
وأتمنى من الله العلى القدير
ان يعودوا شعراء هذا القسم
جميعا وان ينوروا قسم الشعر
الذى
كنا لا نبرحه ابدا:(
من جمال ورقة الاحساس
والمشاعر الجميله
فى الشوق والحب والوطن
والشجن وبحور كثيره
من بحار النغمات الشعريه
والكلمات التى بدون موسيقى تغنى
كم اسعدنى عودتك اخى الكريم
واتمنى ان يعود هذا القسم
كسابق عهده شغلة نشاط:)
تحدى الشعراء تحدى رقيق الاحساس
كلُ يخرج ما عنده
من اجمل وارقى وارق
معانى الكلمات
العاطفيه والغنائيه
والثوريه الوطنيه
افتقدكم جميعا :emrose:
اخوانى الكرام
تحياتى
وتحياتى لكلماتك اللحنيه الجميله
التى لطالما رغبت ان القيها بنفسى
تحياتى لاحساسك الراقى
واتمنى مزيدا من هذه الابداعات
وعودة اخوانى الشعراء
اللهم آمين
اختك عفاف