انا والقمر

[سعدالشرقاوى]

http://www.teebason.com/vb/images/statusicon/wol_error.gifهذه الصورة تم تصغيرها تلقائياً، قم بالنقر على هذا الشريط لعرضها بحجمها الأصلى. الأبعاد الأصلية للصورة: 640x480.http://www.3bir.com/m/files/6800.jpg (http://www.3bir.com/m/index.php?action=viewfile&id=6800)
(أنا والقمر)
سعدالشرقاوى
بصّيت فى وشْ القمر عينى رأت تجاعيد
وناس كتير فى السما بتفكــّره بالعيد
قال ماضى منىّ يمين ما اظهر ولو ساعتين
وحبايبى متخاصمين ولاعادش سهرى يفيد
,,,,,,,,,
طلعت فوق السطوح وناديت عليه بالليل
كان أملى كتر النوح هايخلىّ قلبه يميل
والزّاى يكون قاسى وعمره ماكان ناسى
أتاريه شرب كاسى بايت وقلبه عليل
,,,,,,,,
وصّيت عليه النجوم باتت تصالح فيه
وتقول له ليه مهموم طاب قول لنا جرى ايه
يامجمّع العشــّاق على لهفة الأشواق
والكل لك مشتاق ياترى انت ساكت ليه
,,,,,,,,,
قام قال تعبنى السّهر نفسى أدوق النوم
ومرار قلوب البشر والجو كله غيوم
حتى الناس الحلوين فى هلالى متواعدين
من كام سنه نايمين طاب اعمل ايه يانجوم
,,,,,,,,,
دانا اللى كاشف عيوب الكل ومدارى
وبعينى شايف وساكت بس من نارى
صحّيت قلوب نايمين وصالحت متخاصمين
طلعوا اللى متفاهمين بيـبيعوا فى الشارى
,,,,,,,,,,
الظاهر انّ الزمن غيّر قلوب الناس
كان حب غالى التمن والقلب زىّ الماس
صبح الهدف مكشوف وماعادش فيها كسوف
وكتير نسوا المعروف وابن الاصول انداس
,,,,,,,,,

[Hisham Khala]

ايه يا عم الجمال و الحلاوة دي
أمتعتنا كعادتك
كل عام و انتم بخير و صحة و سعادة.

[علاء طه ياسين]

إنت القمر العالي الغالي ياخال ..
ووحشني كلامي معاك ..
وانا جاي علي استحياء .. باقدم رجل وأأخر التانية ..
وأقول لنفسي .. ياتري هيفتكرني بعد غيبة .. ولا نسيني ..
علي العموم ..
أنا مش هاقول لك مبدع كالعادة .. لأنك مبدع فعلا .. ومنتاش محتاج شهادة مني ..
ولا يسلم سن قلمك اللي بتدوس بيه علي الورق .. لأن ده أمر مفروغ منه ..
أنا هاخدك بالأحضان .. واقولك كل سنة وانت طيب..
وحشني طعم الغنا .. وكلامك السكر
وقريت حروف غنوتك .. اشتقت ليك أكتر
يابو الكلام مسافات .. من شوق ومن أحلام
انت القمر يا قمر .. وانا مين أنا ؟؟ .. فكَّر !

[NAHID 76]

بسم الله الرحمن الرحيم
والله وفى الحقيقه القمر قمرين مع تجمع الصحبه من تانى والله زمان تحياتى

[هدى دولت]

القمر يعرف يا سيدي ... أن ما زال هناك
قلوب صادقة ... بنبض الحب عايشه
إختار نفسك النقية .. وهمس برسالة عتاب شجية
لقلب مشتاق متعود على طهر السريرة وصفائها

لكل منا طريقته بالتعبير عن الحب
وكل زمن له وسائله المتفرد بها

وأؤكد لك أيها الشاعر الرقيق
مازال بيننا من يكتفي بنور القمر دليل

وحوارك البديع شاهد

حوار ظاهره الإنكسار ... وباطنه الشجن واللوعة
وتتراقص بينهما نفس عزيزة أبيه
عاشقة للحب الأفلاطوني
تتوارى بثوب الحياء
لأنه شعبة من شعب الإيمان

أستاذي ... سعد الشرقاوي
زادك ربي من نقاء مشاعرك
صح لسانك ...
أشكرك ..
دولت

http://inlinethumb35.webshots.com/6690/1094074961050147451S500x500Q85.jpg

[علاء طه ياسين]

أمي الرائعة الغالية ..
مدام ناهد ..
كما أنت قمرا يطل فتنزاح أمام نوره كل الظلمات ..
تنثرين العطور في كل أنحاء المنتدي ..
فتملأه الروائح الطيبة ..
لك تقديري وامتناني وشكري العميق ..
واتمني أن تعود تلك الأيام الخوالي ..
وستعود إن شاء الله .. وتحت ظل رعايتك الكريمة ..

[سعدالشرقاوى]

ايه يا عم الجمال و الحلاوة دي
أمتعتنا كعادتك
كل عام و انتم بخير و صحة و سعادة.


والله وعاد القمر ويّا النجوم بالليل
وعزمها عند الحبايب تسمع المواويل
وخدها ع التحرير لمصر بلد الخير
ورّاها حب كتير علىشط نهر النيل
اخىد/هشام
كل عام وانتم بخير

[سعدالشرقاوى]

إنت القمر العالي الغالي ياخال ..

ووحشني كلامي معاك ..
وانا جاي علي استحياء .. باقدم رجل وأأخر التانية ..
وأقول لنفسي .. ياتري هيفتكرني بعد غيبة .. ولا نسيني ..
علي العموم ..
أنا مش هاقول لك مبدع كالعادة .. لأنك مبدع فعلا .. ومنتاش محتاج شهادة مني ..
ولا يسلم سن قلمك اللي بتدوس بيه علي الورق .. لأن ده أمر مفروغ منه ..
أنا هاخدك بالأحضان .. واقولك كل سنة وانت طيب..
وحشني طعم الغنا .. وكلامك السكر
وقريت حروف غنوتك .. اشتقت ليك أكتر
يابو الكلام مسافات .. من شوق ومن أحلام

انت القمر يا قمر .. وانا مين أنا ؟؟ .. فكَّر !

يانجمه يااخت القمر بالليل حبيبى جاى
من بعد طول السفر حايقضىّ عمره معاى
ياريت تحوشى العزول وتبعديه عننا
نسهر مع بعضنا واسقيه بايدى الشاى
توأم روحى
حبيبى الغالى
ابو ياسين
احمد الله على سلامتك
فقد اكتملت فرحة عيدنا
وعمت السعادة بيتنا
ارجو ربى ان تكونوا بخير
وان لا يحرمنا تواجدكم الكريم
كل عام وانتم بوافر الصحة والسعادة
0169922774

[سعدالشرقاوى]

بسم الله الرحمن الرحيم
والله وفى الحقيقه القمر قمرين مع تجمع الصحبه من تانى والله زمان تحياتى

طلعت فوق السطوح وناديت على الحلوين
ردّ عليّه القمر قال لى انت عايز مين
انا قلت ست الحبايب امنا ناهد
قام قال لى ساعة زمن ونجمّعوا الغاليين
يارب تكونى بخير
والوالد الكريم د/انس
ويعود عليكم الايام بالخير
ياست الكل
خالص تحياتى وتقديرى
لمروركم الطيب

[سعدالشرقاوى]

القمر يعرف يا سيدي ... أن ما زال هناك

قلوب صادقة ... بنبض الحب عايشه
إختار نفسك النقية .. وهمس برسالة عتاب شجية
لقلب مشتاق متعود على طهر السريرة وصفائها

لكل منا طريقته بالتعبير عن الحب
وكل زمن له وسائله المتفرد بها

وأؤكد لك أيها الشاعر الرقيق
مازال بيننا من يكتفي بنور القمر دليل

وحوارك البديع شاهد

حوار ظاهره الإنكسار ... وباطنه الشجن واللوعة
وتتراقص بينهما نفس عزيزة أبيه
عاشقة للحب الأفلاطوني
تتوارى بثوب الحياء
لأنه شعبة من شعب الإيمان

أستاذي ... سعد الشرقاوي
زادك ربي من نقاء مشاعرك
صح لسانك ...
أشكرك ..
دولت

http://inlinethumb35.webshots.com/6690/1094074961050147451S500x500Q85.jpg

طوّل عليّه السّهر وانا وحدى باستناك
ولمحت نور القمر باصص من الشباك
سألته فين الحبيب مارضيش يكلمنى
ولقيتنى باجرى عليه وباقول له خدنى معاك
الغاليه الاستاذة
هدى دولت
كم اسعدنا مروركم ونيل توقيعكم
فى متصفحنا المتواضع
ممازين الكلمات
وعطر الصفحات
بارك الله فيكم
وكل عام وانتم بخير

[عفاف سليمان]

بعد الكلام الجميل ده
المفروض القمر ينكسف
منك
ويعلن اسفه وينور لك
لانك
غليتُه وعليته
وانتظرت نوره
وزهوره وقربه
منك
والاصل دائما ما يطلع الا
منك
مانت عمدة كفر الشراقوه
وتحت التوته ياما سمعنا كلام
منك
عيب ع القمر يزعلك او يزعل
منك
لما النجوم تحايله او تصالحه
وانت اعلم بحاله ومين اعلم
منك
سلمت اناملك ولا حرمنا الله
منك
اخى الكريم
عم سعد الشرقاوى:emrose:
عمدة كفر التوته:emrose:
تحياتى لك ولغاليتى
الست ام مدحت:emrose:
الله لا يحرمنا
منها ولا منك:emrose:
دمتم لى وللجميع بخير
اختك عفاف