تسجيل الدخول

مشاهدة النسخة كاملة : موشح .. ملا الكاسات ...

حسن كشك
19/07/2011, 21h11
موشح ملا الكاسات

كلمات احمد عاشور سليمان

من تلحين محمد عثمان ... كملحن اصلى
للأسف لم اعثر عليه بصوته واظن ان عبده الحامولى قد غناه له

النوته الموسيقية والكلمات للحن محمد عثمان
هنا (http://www.sama3y.net/forum/showpost.php?p=154732&postcount=94)

وكلماته عباره عن ثلاث شطرات
لكن تلك الشطرات الثلاثة خلدت فى الموسيقى العربية
آه ملا الكاسات وسقانى ياليل ...نحيل الخصر والقد
آه حياة الروح فى لفظه ياليل ... سبانى لحظه الهندى
آه مُليمى لا تسل عنى ... وخلينى على عهدى
آمان آمان يالالالى


ولنستمع اليه من آداء
فرقة الموسيقى العربية
هنا (http://www.sama3y.net/forum/showthread.php?t=48871)
ونجد اللحن قد تم اسراعه من اول
آه موليمى واختلف اللحن عن الاصلى

وغناه الشيخ امام
بإختلاف لكن بنفس السرعة الاصلية مع ملاحظة ان موشح ياشادى الالحان منفصل عن موشح ملا الكاسات
هنا (http://www.sama3y.net/forum/showpost.php?p=420120&postcount=241)

وغناه المطرب الكبير على الحجار
بطريقة اقرب الى الشيخ امام واكيد الى الشيخ محمد عثمان
هنا (http://www.sama3y.net/forum/showpost.php?p=1636&postcount=3)

وغناه الموسيقار محمد عبد الوهاب
عام 1923 ولكن تصرف فيه كعادته
هنا (http://www.sama3y.net/forum/showpost.php?p=1151&postcount=31)
والكثيرين جدا من المطربين والفرق ( محظوظة جدا هذه الاسطر الثلاث )


لكن ايضا غنته ليلى مراد
بشكل اخر مختلف تماما
وهو موضوع دعوتنا اليوم
هنا (http://www.sama3y.net/forum/showpost.php?p=37210&postcount=51)
وهنا (http://www.sama3y.net/forum/showpost.php?p=134075&postcount=119)

وفيديو له
هنا (http://www.teknikdestek.tv/--izle-t8Sc5uKx09CV0K4.html)

وهاتعجبكم اغانى تانيه فى نفس الصفحة بتاعت الفيديو


لا اعرف من اعاد تلحينه لليلى مراد
اهو الموسيقار محمد عبد الوهاب

لكنه قام بعمل تغيير تام لطريقة اللحن
وبإعجاز منقطع النظير وخاصة فى الكورال والهارمونى بينهم
واقول اعجاز لأن فى ذلك الوقت المبكر ان يقدم ملحن الى الاعتماد على الكورال فى لحن بتلك الصعوبة والدقة والتوقيت فى وقت كان تقريبا كل الكورال ... غير دارسين
ناهيك عن الاخراج السينمائى لهذا الموشح وجيوش الكورس والكومبارس من اخراج انور وجدى
شئ رائع فعلا
وهل قام حسين السيد بإعادة كتابة الكلمات ؟
ليس المطلوب ممن سيقوم بتحليل اللحن ... ان يحلل الالحان السابقة ... لكن يحلل لنا لحن ليلى مراد خاصة ... واذا اراد ان يحلل لنا الالحان الاخرى ... فذلك كرم منه
انا اتعجب من حلاوة اداء الكورال رجال ونساء فى ذلك اللحن
وكنت قد تناقشت انا واخى المايسترو محمد الالاتى فى هذا اللحن فى لقاؤنا الاخير
واردت ان يتمتع معنا رواد سماعى بتحليلاته عن هذا اللحن
بشيرالأنس
19/07/2011, 21h36
ومن يشرح لنا شرحا أخي حسن هذه الأبيات حتى نفهم المعنى
حسن كشك
20/07/2011, 02h00
ومن يشرح لنا شرحا أخي حسن هذه الأبيات حتى نفهم المعنى

اظن ان الشرح سهل اخى بشير
ملا الكاسات وسقانى .... اى انه ملء كاسات الهوى او الخمر وسقى صاحب الموشح .... ومن سقاه ... نحيل الخصر والقد ... والخصر هو خصر السيدة اى المنطقة تحت الصدر وفوق البطن .... ومن معالم الجمال فى الاناث ان يكون خصرهن نحيل اى نحيف ... والقد وهو كامل الجسم .... يعنى ... انثى رائعة الجمال جسديا ( موزه )
حياه الروح فى لفظه .... اى عندما يتكلم او يتلفظ بأى الفاظ يشعر صاحبنا ان روحه بتحلق وبترد له ... والبعض يشعر من صوت الانثى وكلامها ان روحه ها تطلع ... وسبانى لحظه الهندى .... اى اسرته عيناها التى تشبه عيون الهنود ..... او يمكن بيشبه عيونها بالسيف ... الهندى .... مُليمى لا تسل عنى .... انا ها اجتهد فى مُليمى دى ... لأن لها عندى تفسيران .... اى يقصد بها (يا لائمى )..... او يقصد بها من دعاه الى الوليمه ( اولمه ) فيكون ( مُليمه ) وفى كل الحالتين هو يخاطب من يلومه ... او يخاطب من اولمه ...ان يتركه فى حاله ولا يسأل عنه ... لأن الحال كده عاجبه اوى وخلينى على عهدى .... اى اتركنى على ما تعهدنا به ... وفيها بعض الغرابه هل يقصد على عهدى ان يتركه على حاله .... ام يقصد ان كان بينهم عهدا ....
هو يريد ان يبقى عليه ....
يعنى الخلاصه ان صاحبنا كان فى مكان وكانت هناك انثى رائعة الجمال نحيفة الخصر وجسمها رشيق رائع كانت تصب له كاسات الخمر ... ذات صوت انثوى جميل رائع حنون يرد الروح وعليها جوز عيون اسرته وتشبه عيون الهنود والسيوف الهنديه واختاروا
ويا من دعانى الى هذا المكان ويامن لامنى ... (ومش عارف ليه )... سيبنى فى حالى ولا تسأل عنى انا فين لأنى عاوز افضل موجود فى المكان .
وارجو الا اكون لخبطت ...
الألآتى
20/07/2011, 04h37
يالهوى ياعم حسن .. ملا الكاسات مرة واحدة .. وموشح كمان

إنت عايز توقعنى مع أساتذة الموشحات فى المنتدى ولا إيه ؟

أنا فاكر إن عمنا سمير الجنحانى حلل الموشح ده قبل كده .. وطبعاً بعد تحليل الأستاذ سمير .. ماحدش يقدر يعدل عليه

إنت بقى عايز تحلل الموشح كما غنته ليلى مراد

هى ليلى مراد غنت حاجه .. غير ( أه أه ياموليمى )

عموماً .. نقول كلمتين .. علشان مانطلعش وإيدينا فاضيه

الموشحات عموماً .. تعتمد على التلوين فى اللحن والأداء .. وتعدد المقامات

أمال إسمها موشحات ليه .. جايه من الوشاح .. حاجه كده زى الكوفيه المزخرفة إللى بتحطها على رقبتك

حاجة مدندشة كده

المقام الرئيسى للموشح .. هو الراست

والإيقاع هو السماعى الثقيل وميزانه 10 / 8

بدأ بالراست وإنتهى إليه .. ولم ينسى أن يعرج على السيكا والنهاوند والبياتى أيضاً

لكن الراست هو المسيطر على العمل .. حتى الشطرة الشهيرة ( أه مليمى لا تسل عنى .. وخلينى على عهدى )

راست برضه .. ولكن من الجواب .. ونسميه ( كردان )

فى أغنية ليلى مراد .. سابت الكورس يعمل كل التلوينات .. وغنت هى جملتها الوحيدة اليتيمة من الراست ..

سنلاحظ تكرار جملة ( أمان يالالالى ) .. عامله زى ( ياليل ياعين ) عندنا فى مصر

أو زى ( أوف يابا ) فى بلاد الشام

ومعروف طبعاً إن ( أمان يالالالى ) جملة تركية

أرجو أن يشرفنا الأستاذ سمير الجنحانى .. ويضع لنا تحليله الجميل المفصل .. وخصوصاً أنه تحليل صوتى

مبسوط ياعم حسن ياكشك .. ماتبقاش تعملها تانى ;)
حسن كشك
20/07/2011, 05h01
يالهوى ياعم حسن .. ملا الكاسات مرة واحدة .. وموشح كمان

إنت عايز توقعنى مع أساتذة الموشحات فى المنتدى ولا إيه ؟

أنا فاكر إن عمنا سمير الجنحانى حلل الموشح ده قبل كده .. وطبعاً بعد تحليل الأستاذ سمير .. ماحدش يقدر يعدل عليه

إنت بقى عايز تحلل الموشح كما غنته ليلى مراد

هى ليلى مراد غنت حاجه .. غير ( أه أه ياموليمى )

عموماً .. نقول كلمتين .. علشان مانطلعش وإيدينا فاضيه

الموشحات عموماً .. تعتمد على التلوين فى اللحن والأداء .. وتعدد المقامات

أمال إسمها موشحات ليه .. جايه من الوشاح .. حاجه كده زى الكوفيه المزخرفة إللى بتحطها على رقبتك

حاجة مدندشة كده

المقام الرئيسى للموشح .. هو الراست

والإيقاع هو السماعى الثقيل وميزانه 10 / 8

بدأ بالراست وإنتهى إليه .. ولم ينسى أن يعرج على السيكا والنهاوند والبياتى أيضاً

لكن الراست هو المسيطر على العمل .. حتى الشطرة الشهيرة ( أه مليمى لا تسل عنى .. وخلينى على عهدى )

راست برضه .. ولكن من الجواب .. ونسميه ( كردان )

فى أغنية ليلى مراد .. سابت الكورس يعمل كل التلوينات .. وغنت هى جملتها الوحيدة اليتيمة من الراست ..

سنلاحظ تكرار جملة ( أمان يالالالى ) .. عامله زى ( ياليل ياعين ) عندنا فى مصر

أو زى ( أوف يابا ) فى بلاد الشام

ومعروف طبعاً إن ( أمان يالالالى ) جملة تركية

أرجو أن يشرفنا الأستاذ سمير الجنحانى .. ويضع لنا تحليله الجميل المفصل .. وخصوصاً أنه تحليل صوتى

مبسوط ياعم حسن ياكشك .. ماتبقاش تعملها تانى ;)


يامايسترو
انا كنت طالب منك ... انك تحلل لنا ابداعية الكورال وعملوها ازاى ..... فى ذلك الزمن ..... وانت قولت لى ان الكورال لا تكتب له نوته .... فسر لنا ياعمنا
بشيرالأنس
20/07/2011, 09h19
اظن ان الشرح سهل اخى بشير

ملا الكاسات وسقانى .... اى انه ملء كاسات الهوى او الخمر وسقى صاحب الموشح .... ومن سقاه ... نحيل الخصر والقد ... والخصر هو خصر السيدة اى المنطقة تحت الصدر وفوق البطن .... ومن معالم الجمال فى الاناث ان يكون خصرهن نحيل اى نحيف ... والقد وهو كامل الجسم .... يعنى ... انثى رائعة الجمال جسديا ( موزه )
حياه الروح فى لفظه .... اى عندما يتكلم او يتلفظ بأى الفاظ يشعر صاحبنا ان روحه بتحلق وبترد له ... والبعض يشعر من صوت الانثى وكلامها ان روحه ها تطلع ... وسبانى لحظه الهندى .... اى اسرته عيناها التى تشبه عيون الهنود ..... او يمكن بيشبه عيونها بالسيف ... الهندى .... مُليمى لا تسل عنى .... انا ها اجتهد فى مُليمى دى ... لأن لها عندى تفسيران .... اى يقصد بها (يا لائمى )..... او يقصد بها من دعاه الى الوليمه ( اولمه ) فيكون ( مُليمه ) وفى كل الحالتين هو يخاطب من يلومه ... او يخاطب من اولمه ...ان يتركه فى حاله ولا يسأل عنه ... لأن الحال كده عاجبه اوى وخلينى على عهدى .... اى اتركنى على ما تعهدنا به ... وفيها بعض الغرابه هل يقصد على عهدى ان يتركه على حاله .... ام يقصد ان كان بينهم عهدا ....
هو يريد ان يبقى عليه ....
يعنى الخلاصه ان صاحبنا كان فى مكان وكانت هناك انثى رائعة الجمال نحيفة الخصر وجسمها رشيق رائع كانت تصب له كاسات الخمر ... ذات صوت انثوى جميل رائع حنون يرد الروح وعليها جوز عيون اسرته وتشبه عيون الهنود والسيوف الهنديه واختاروا
ويا من دعانى الى هذا المكان ويامن لامنى ... (ومش عارف ليه )... سيبنى فى حالى ولا تسأل عنى انا فين لأنى عاوز افضل موجود فى المكان .
وارجو الا اكون لخبطت ...

:emrose:شكرا لك أخي حسن على هذا الشرح البسيط والكامل:emrose:
الألآتى
20/07/2011, 10h18
يامايسترو

انا كنت طالب منك ... انك تحلل لنا ابداعية الكورال وعملوها ازاى ..... فى ذلك الزمن ..... وانت قولت لى ان الكورال لا تكتب له نوته .... فسر لنا ياعمنا


أنا لم أقل أن الكورال لا تكتب له نوتة

أنا قلت أن الكورال لا توضع أمامه نوتة .. هناك فرق ياعم حسن

ماتوديناش فى داهية

النوتة تكون عامة .. يعنى للموسيقى والغناء

وعلشان الدكتور هشام خلف مايتهمناش بالجهل ..

عندنا فى موسيقانا الشرقية .. غير عند العالم دكهما فى الموسيقى الغربية

يعنى الأمور بتختلف

أنا بتكلم على موسيقانا الشرقية .. مافيش نوتة أمام الكورال .. لكن غناء الكورال مكتوب طبعاً فى النوتة العامة للحن
عادل فؤاد رفاعى
20/07/2011, 18h11
يا عينى على الطرب الأصيل..انا حبيت بس ادخل اسجل إعجابى بالموضوع الشيق
Hisham Khala
21/07/2011, 19h05
أنا لم أقل أن الكورال لا تكتب له نوتة

أنا قلت أن الكورال لا توضع أمامه نوتة .. هناك فرق ياعم حسن

ماتوديناش فى داهية

النوتة تكون عامة .. يعنى للموسيقى والغناء

وعلشان الدكتور هشام خلف مايتهمناش بالجهل ..

عندنا فى موسيقانا الشرقية .. غير عند العالم دكهما فى الموسيقى الغربية

يعنى الأمور بتختلف

أنا بتكلم على موسيقانا الشرقية .. مافيش نوتة أمام الكورال .. لكن غناء الكورال مكتوب طبعاً فى النوتة العامة للحن

حاشا لله يا عمنا و عم الموسيقيين :emrose:

الأستاذ حسن كشك عمل بحث و جمع حاجات كثيرة عن هذا الموشح ، مجهود رائع و فكرة حلوة …

أنا حاليا قاعد داخل مخ رياض السبناطي و بأشوف هو بيفكر أزاي و ها أحتاج مساعدتك في هذا الموضوع لعمل مقارنة في أسلوب التلحين عند الملحنين المعاصرين له و سوف أتخذ المقدمة الموسيقية لأغنية ليلي و نهاري (لا يا حبيبي) مثال لطريقة و أسلوب رياض السبناطي في التلحين و حاجة لعبد الوهاب عشان نشوف برضه طريقته و أسلوبه في التلحين. أنا كتبت النوتة خلاص بس ناقص حاجة من اعمال عبد الوهاب للمقارنة. و المقارنة ليس الغرض منها أننا نقول مين الأحسن أو الأشطر و لكن الأسلوب و طريقة التفكير لأنهما مختلفان بشدة في أسلوب التلحين.
الألآتى
21/07/2011, 20h01
ماشى ياعم حسن ياكشك

حاتعمل جروب إنت والدكتور هشام .. ربنا يسهل له

المهم .. عايزين نعرف النتيجة قريباً
حسن كشك
22/07/2011, 07h16
ماشى ياعم حسن ياكشك

حاتعمل جروب إنت والدكتور هشام .. ربنا يسهل له

المهم .. عايزين نعرف النتيجة قريباً

يامايسترو نعملك ايه يعنى .... ما انت عمال تتدلع علينا وبنشد منك الكلام شد ..... وانت بتدينا بالقطاره .... وترجع تقول اسأل واعرف .... ما احنا سألنا وسهلنا ... وجمعنا لك كل حاجه عشان تتكلم ...
مش عاوز ..... نعمل لك ايه يعنى ... نقف لك بالليل على ناصية الحارة .... ولا نخطفك ونقررك بطريقة مباحث امن الدولة
:mad:
الألآتى
23/07/2011, 02h14
يامايسترو نعملك ايه يعنى .... ما انت عمال تتدلع علينا وبنشد منك الكلام شد ..... وانت بتدينا بالقطاره .... وترجع تقول اسأل واعرف .... ما احنا سألنا وسهلنا ... وجمعنا لك كل حاجه عشان تتكلم ...

مش عاوز ..... نعمل لك ايه يعنى ... نقف لك بالليل على ناصية الحارة .... ولا نخطفك ونقررك بطريقة مباحث امن الدولة
:mad:


لا والنبى ياعم .. حرمت ..
hossamrezk
19/12/2011, 16h51
حقيقة لى الشرف لوجودى فى وسط هذه الحديقة الزاهرة بكل صنوف الفن و الطرب ...ادام الله لنا افضال الاساتذة العظام
عادل الصامت
20/12/2011, 13h31
هذا الموشّح أدّته المطربة التونسية السيدة نعمة بطريقتها الخاصّة في جلسة مع مجموعة من الفنّانين . تابع الرابط التالي
http://www.sama3y.net/forum/showthread.php?t=75861
samirjenhani
01/01/2012, 21h55
يالهوى ياعم حسن .. ملا الكاسات مرة واحدة .. وموشح كمان

إنت عايز توقعنى مع أساتذة الموشحات فى المنتدى ولا إيه ؟

أنا فاكر إن عمنا سمير الجنحانى حلل الموشح ده قبل كده .. وطبعاً بعد تحليل الأستاذ سمير .. ماحدش يقدر يعدل عليه

إنت بقى عايز تحلل الموشح كما غنته ليلى مراد

هى ليلى مراد غنت حاجه .. غير ( أه أه ياموليمى )

عموماً .. نقول كلمتين .. علشان مانطلعش وإيدينا فاضيه

الموشحات عموماً .. تعتمد على التلوين فى اللحن والأداء .. وتعدد المقامات

أمال إسمها موشحات ليه .. جايه من الوشاح .. حاجه كده زى الكوفيه المزخرفة إللى بتحطها على رقبتك

حاجة مدندشة كده

المقام الرئيسى للموشح .. هو الراست

والإيقاع هو السماعى الثقيل وميزانه 10 / 8

بدأ بالراست وإنتهى إليه .. ولم ينسى أن يعرج على السيكا والنهاوند والبياتى أيضاً

لكن الراست هو المسيطر على العمل .. حتى الشطرة الشهيرة ( أه مليمى لا تسل عنى .. وخلينى على عهدى )

راست برضه .. ولكن من الجواب .. ونسميه ( كردان )

فى أغنية ليلى مراد .. سابت الكورس يعمل كل التلوينات .. وغنت هى جملتها الوحيدة اليتيمة من الراست ..

سنلاحظ تكرار جملة ( أمان يالالالى ) .. عامله زى ( ياليل ياعين ) عندنا فى مصر

أو زى ( أوف يابا ) فى بلاد الشام

ومعروف طبعاً إن ( أمان يالالالى ) جملة تركية

أرجو أن يشرفنا الأستاذ سمير الجنحانى .. ويضع لنا تحليله الجميل المفصل .. وخصوصاً أنه تحليل صوتى

مبسوط ياعم حسن ياكشك .. ماتبقاش تعملها تانى ;)

زميلي العزيز أبو حسام ، هذا تواضع كبير منك ، أشكرك جدا على كلماتك الجميلة و ثقتك الغالية في تحليلي المتواضع لهذا الموشح، كما أنوه بالايضافات القيمة التي أضفتها لهذا الموشح القيم لشيخ الملحنين محمد عثمان أحد ملحني عصر النهضة ، كل الاحترام و التقدير لك يا أبا حسام ، و عفوا عن تأخري في الرد,
Meher Ben Ali
02/05/2012, 11h17
أخي محمد الالتي شكراً على التحليل لكن ينقص شيء مهم هو الصبا الحسيني وهو ما يا جعل الى مقام رست دلنشين ولمزيد الاستمتاع نستمع للموشح بصوت عبدالوهاب أو محمد خيري والاثنين موجودين على youtube
Meher Ben Ali
02/05/2012, 12h38
شكراً أخي محمد الالاتي على التحليل ولكن يبدو أنك نسيت شيئاً مهم وهو الصبا على درجات الحسيني مما يجعل المقام راست دلنشين و لمزيد الاستمتاع بالموشح فلنسمعه بصوت محمد عبدالوهاب ‫ظ…ط*ظ…ط¯ ط¹ط¨ط¯ ط§ظ„ظˆظ‡ط§ط¨ ظ…ظˆط´ط* ظ…ظ„ط§ ط§ظ„ظƒظ€ظ€ط§ط³ط§طھ‬‎ - YouTube (http://www.youtube.com/watch?v=1bEhNRUXo94)
أو محمد خيري ‫ظ…ط*ظ…ط¯ ط®ظٹط±ظٹ ظ…ظˆط´ط* ظ…ظ€ظ€ظ€ظ„ط§ ط§ظ„ظƒط§ط³ظ€ظ€ط§طھ‬‎ - YouTube (http://www.youtube.com/watch?v=DoaiRYBP6WI) :)
abdellahjaber
13/09/2012, 11h03
نوتة موشح في الروض انا شفت الجميل
lejebli
15/04/2013, 08h23
مشاركة في القمة اكما هي العادة في هذا الموقع.مواد رائعة ومشاركات ذات طابع موسوعي .أشكركم جميعا
أما فيما يخص تفسير كلمة" مليمي" فهي حسب علمي تفيد العتاب على من يلومه ولا معنى للوليمة هنا والله أعلم
salah salah
12/02/2014, 23h09
موشح مـــلا الكاســات
آداء صاحب الصوت الرائع
المطرب السوري الراحل
محمد خيري
nawawy
23/05/2014, 13h15
أريد سماع موشح ملا الكاسات فرقة المعهد العالي للموسيقى العربية وذلك عام 1971 بقيادة المايسترو الكبير شعبان أبو السعد .
( فرقة أم كلثوم للموسيقى العربية فيما بعد )
لأنه استخدم فيه التعبير الموسيقي من الضعف والقوة ( البيانو والفورتي ) وإختلاف في السرعات من بطيء جداً جداً ( سكران يتمايل ) آه ملا الكاسات بصوت منخفض في الجزء الأول .
ثم سريع في الجزء الثاني الى سريع جداً جداً تعبير غن انفاله وبصوت عالي من آه مليمي لا تسل عني ثم قفلة تامة بطيئ إلى أبطأ .
فكان معبرا عن حالة السكر ومراحلها إلي وقوع صاحبها على الأرض .
هبة بهاء
25/05/2014, 20h30
رائع جدا فقد كنت ابحث عن كل هذا التنوع لهذا الموشح الرائع فأنا من اشد المعجبين بذلك الموشح واتمني من الله ان اسمعة بصوت الملحن محمد عثمان قبل ان يضيع للابد طبعا اذا لم يكن قد ضاع فعلا
لكم كل التحية والتقدير
Islam Eidrisha
26/05/2014, 11h35
الأخت هبة
للأسف لا توجد أي تسجيلات بصوت محمد عثمان فضلاً عن هذا الموشح الرائع
محمد عثمان توفى قبل بداية عصر التسجيلات إلى مصر
إســـلام جـُـبـّـه
13/05/2017, 01h34
سعاد محمدموشحملا الكاسات وسقانيهنا الملف الصوتيوهـنا مـلف الفـيديو (http://www.sama3y.net/forum/showpost.php?p=7950&postcount=12)
د. ماهر(أبو خالد)
13/05/2017, 09h11
سعاد محمدموشحملا الكاسات وسقانيهنا الملف الصوتيوهـنا مـلف الفـيديو (http://www.sama3y.net/forum/showpost.php?p=7950&postcount=12)

بارك الله بكم أخي الكريم ملف فيديو رائع :emrose::emrose::emrose:
إســـلام جـُـبـّـه
13/05/2017, 19h12
بارك الله بكم أخي الكريم ملف فيديو رائع :emrose::emrose::emrose::emrose: مع الشكر والامتنان اخي الفاضل :emrose: