طاير يا هوا

[elgien]

بسم الله الرحمن الرحيم

اولا سلامى على كل اعضاء هذا المنتدى العظيم

ترددت كثيرا فى عرض الاغنية دى هنا علشان انا

الصراحه شايف نفسى ولا حاجه وسط الفنانين الكبار اللى موجودين هنا


بس رجعت وقلت لنفسى انا المستفيد فى الاخر عشان اشوف راى الاساتذه واتعلم من نقدهم ليا

علشان كدا حبيت اشارك باول اغنيه ليا فى المنتدى واتمنى انها تنول اعجابكم


طبعا الاغنيه غنيه عن التعريف طاير يا هوا لمحمد رشدى

بصوتى المتواضع ايضا مع توزيعى المتواضع على احد برامج التوزيع



www.youtube.com/watch?v=gJEh1CnC6NE

اتمنى التقييم من الاساتذه ..............

[elgien]

دا رابط للغنية بصيغة ام بى 3

[الألآتى]

أجمل شئ فى الموضوع .. صوتك جميل ومعبر .. وتؤدى بشكل صحيح

أما التنفيذ الموسيقى .. فيحتاج لبعض التعديلات

التقطيعات بين الكوبليهات لم تكن مضبوطة

الشغل كله على الأورج .. ولم أسمع أى شغل على برامج التوزيع على الكمبيوتر

فى إنتظار جديدك .. أتمنى لك التوفيق

ملحوظة .. الروابط الخارجية ممنوعة .. يمكنك رفع ملفاتك عن طريق خاصية الملفات المرفقة

[رائد عبد السلام]

رائع يامحمد .... رائع
ماشاء الله عليك

صوت سليم ومتمكن وعنده قبول

في انتظار جديدك دائماً

وياريت تستفيد بخبرة الأساتذة الموجودين
في سماعي وخاصة أستاذنا محمد الآلاتي
والدكتور هشام خلف وبقية الأساتذة

برافو أيها الفنان الأصيل:emrose:

[Hisham Khala]

الله ، صوتك فعلا جميل و معبر
ما شاء الله عليك
زي ما عم الموسيقيين (أ. محمد الالاتي) ما قال الصوت مضبوط ، بس الموسيقي عاوزة شوية شغل.
تحياتي لك.

[elgien]

[QUOTE=الألآتى;532069]أجمل شئ فى الموضوع .. صوتك جميل ومعبر .. وتؤدى بشكل صحيح

أما التنفيذ الموسيقى .. فيحتاج لبعض التعديلات

التقطيعات بين الكوبليهات لم تكن مضبوطة

الشغل كله على الأورج .. ولم أسمع أى شغل على برامج التوزيع على الكمبيوتر

فى إنتظار جديدك .. أتمنى لك التوفيق


الاستاذ الالاتى شكرا جدا على راى حضرتك فى صوتى وهذا شئ يشرفنى انك سمعت الاغنيه وعلقت عليها كمان

[elgien]

استاذ رائد عبد السلام

شكرا جزيلا لحضرتك على مرورك وسماعك للاغنية دا شئ يشرفنى


وطبعا لازم نستفيد من خبرات الاساتذه الكبار الموجودين فى النتدى امثال الاستاذ الالاتى والدكتور هشام الخلف وغيرهم من الاساتذه الكبيره الموجوده فى المنتدى والذين لا استطيع ذكرهم بالاسم ....

والصراحه لهم العديد من المجهودات الرائعة التى لا يغفل عنها الا كل خاسر

[elgien]

الاستاذ المبجل والدكتور الطبيب هشام خلف

سلامى عليك وبعد

شكرا لحضرتك والاهتمام بموضوعى و شرف ليا انك تقول رايك فى الاغنية


وفعلا الموسيقى عايزه شوية شغل كما فى نهاية الكوبليهات كما قال استاذى الالاتى

وانا اعتذر عن ذلك لكونى مبتدأ فى العزف

فانا بدات العزف منذ اقل من سنة بعون الله اولا ثم بمجهوداتكم الموجوده على شبكة النت

[3n&s]

رائع اخى الكريم احساس عالى واداء رائع اعتقد انه لو كان مصاحب لك فرقه موسيقيه كان الاداء سيعلو اكثر واكثر وهذا راى مستمع لا يجئ بشيئ امام راى الاساتذه فى المنتدى وشكرا لك اخى محمد حسن

[عادل صموئيل]

اخى العزيز

انا ليا رأى تانى بالإضافة رأى الأساتذة الاحباء
انا عشان عزفت مع كل نجوم الزمن الجميل شخصيا فترة طويلة ليا نظرة , بس اكتشفت فيك موهبة
الاول اقول على النظرة , انا لاحظت فى اغنية طاير ياهوا كان الايقاع رتم بوكس او ايقاع الاورج , والاغنية دى من الاغانى اللى طابعها مش بتحتاج الايقاع الثابت المحدد , يعنى انا حسيتك بتغنى متكتف مش بحريتك , كان لازم عازف ايقاع , بحيث انه بيبطء ويسرع يعنى مش بيمشى على وحدة محددة طول الكوبليه , من حسن حظك انى فتحت الابط بتاع اليو تيوب وبصيت على الجنب لقيت لك اغنية لسه فاكر دى عجبتنى بجد وحسيت انك مطرب بجد , لن كان معاك عازف ايقاع يعنى رق جميل جدا ومتفهم واظهر ان فيك مطرب كويس , وهلى هى فرقة موسيقية ولا اورج ؟
الخلاصة حاول تغنى على عازف رق حايغنى احلى كتير من ايقاع الاورج
وعايزك تدرس المواضيع دى كويس يعنى ركز مع ام كلثوم . تلاقى الايقاع معاها مش محدد يعنى هى بتعمل فى الوحدة الكبيرة جميلتين تلاقى جملة بتقول بسرعة وفى الجملة التانية بتقعد شعرة , لازم اللى يغنى الاغنية ياخد باله من ده , لن الايقاع بتاع الاورج بيمشى زى القطار
ارجو انا تكون الرسالة وصلت مع اطيب تحياتى

[elgien]

الاستاذ عادل صموئيل تحياتى وبعد

لك منى كل احترام وتقدير فانت استاذى وانا استفيد من النوتات التى تكتبها كثيرا

شرفنى ردك وتعليقك على الاغنية و شرفنى ايضا ان صوتى وادائى عجبك وخاصة فى اغنية لسه فاكر

بالنسبة لموسيقى اغنية لسه فاكر هى عبارة عن صولو موسيقى فقط موجود على النت وانا غنيت عليه


لانى من عشاق هذه الاغنيه وو ضعتها هنا فى المنتدى لكى اشارككم بها .....


وانا مع حضرتك فى رايك عن الغنا مع عازف ايقاع شاطر يعطى للغناء طعم خاص

واكيد طبعا الغناء مع فرقة موسيقية والات لايف احسن بكتير عن لما اغنى مع ايقاع الاورج

[elgien]

رائع اخى الكريم احساس عالى واداء رائع اعتقد انه لو كان مصاحب لك فرقه موسيقيه كان الاداء سيعلو اكثر واكثر وهذا راى مستمع لا يجئ بشيئ امام راى الاساتذه فى المنتدى وشكرا لك اخى محمد حسن


اهلا بيك يا اخى .... يشرفنى ان ادائى عجبك

وفعلا لو كان معايا فرقة موسيقية كان ليكون اجمل بكثير

فعلا رايك صحيح وفى محله

لك منى اجمل التحية